Jeremia 23:5 - JAM DE NHIALIC 2011

⁵ Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Jeremia 23:5 ပူးပေါင်းရင်းမြစ်များ

2 Tham 23:3

Nhialic de Yithriɛl acï jam, acïï Raan ee Yithriɛl gël lɛ̈k ɛn an: “Melik ee Piny cieŋ ë yic, Raan ee piny cieŋ në riëëu de Nhialic,

Diɛt 45:4

Në bäänydu lɔ tueŋ në tiëm, në biäk bï yïn yic kony kekë piathëpiɔ̈u. Riɛldu abï yïn yiɛ̈n tiëm dït!

Diɛt 80:15

Bä kony enapduön cï comë, yen ee enap thiin wään cï tɔ lok në riɛl!

Diɛt 99:4

Yïn Melik ril, yïn nhiaar yic, yïn cï ciɛɛŋ piɛth looi ë Yithriɛl, yïn cï yic kekë piathëpiɔ̈u luöi Jakop.

Yith 33:5

Eeŋö jɔ Bɛ̈nydït dït Aya! Amac këriëëc ëbɛ̈n. Abï Jeruthalem thiɔ̈ɔ̈ŋic në piathëpiɔ̈u ku yic

Yith 4:2

Ade kööl bɔ̈, kööl bï Bɛ̈nydït tiim ee luɔk ë mïth piath ëbɛ̈n piny thiɔ̈ɔ̈ŋ tëdïït lääu, ku bïk yïth piath. Kɔc ke Yithriɛl cï döŋ apïr kedhie, abïk piɔ̈ɔ̈th miɛt ku yek kepiɔ̈ɔ̈th biɔ̈ɔ̈k në kɔ̈thiic kɔ̈th cï luɔk pinyden.

Yith 42:6

“Yɛn Bɛ̈nydït wek cä cɔɔl ku gäm we piathëpiɔ̈u, ke bä tïŋ nɔn bïï ë yic looi në pinynɔm. Cakaa yïn we yɛn ë mac löŋ në kɔc kedhie, në kueerdu we yɛn we bï ɣɛɛr yiɛ̈n juöör.

Yith 45:24

“Abïk aa lueel an ee kueerdï yetök, yen aye piathëpiɔ̈u ku riɛl yök, ku raan ëbɛ̈n raan ee yɛn maan abï ayäär guum.

Yith 52:13

Aye Bɛ̈nydït lueel an, “Awundï abï tiam në luɔide yic, abï riëëu guöp arëët.

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Yith 53:2

Aa ye kë de piɔ̈n de Bɛ̈nydït luɔi bï awunde cil cït tim abïï dɛk mei në tiɔɔm ril yic. Acïn guöp dhuëëŋ ayï dik bïï Yen wook tɔ de kë yök ŋic në biäkde. Acïn kë ye kɔc diir në yeguöp, ku cïn kë bï wo wɛ̈l piɔ̈ɔ̈th En.

Yith 9:5

Wɛɛr cieŋ ë kɔc ke ater bïï tɔŋ, ku lupɔɔkɛn de gup rim ëbɛ̈n abïï ke riɔ̈ɔ̈k në mac

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Jeremia 22:15

Ee yen bïï yïn tɔ ee melik ŋuän, na lɔ ɣööt ke tim de thidar yïk, ɣön läk wär ɣööt ke kɔc kɔ̈k? Wuur acï pïïr ë run juëc. Aa ye raan ee piathëpiɔ̈u ku yic looi, ku acï bɛ̈n kuɛth në kë ye looi yic ëbɛ̈n.

Jeremia 22:3

“Acä lueel Yɛn Bɛ̈nydït, luöi bä wek piathëpiɔ̈u ku yic aa looi. Yak raan mɛthë gël në raan cam en. Duökï raan lei, ku mɛnh abaar, ku tiiŋ abaar, ee kuöc luööi ku duökï yɔŋ, ku duökï kɔc cïn kë cïk wööc ee nɔ̈k ee të ɣericë.

Jeremia 22:30

“Monyë acï mäc luɔi bï yen nɔm ciën mïth, ke bï aa mony cïn kë bï kɔn tiaam. Abï nɔm ciën kuatdɛn bï lɔ̈ɔ̈k aa bɛ̈ny ë Juda, ke cït kɔc bï lɔ̈ɔ̈k tɔ̈u ë nyin de Debid yic. Acä lueel, Yɛn Bɛ̈nydït.”

Jeremia 23:6

Të ye Yen, kɔc ke Juda abïï ke luök, ku kɔc ke Yithriɛl abïk rëër ë mät. Abïï aa cɔɔl an, ‘Bɛ̈nydït ee piathëpiɔ̈nda.’

Jeremia 29:11

Ee Yɛn yatök, Yɛn aŋic kë cä kiëët ë biäkdu, kïït bän yïn yiɛ̈n kuɛth ke cie riääk, kïït bän yïn yiɛ̈n këduön kɔɔr ë yïpiɔ̈u.

Jeremia 30:3

Në biäk cï akööl bɛ̈n akööl bän ke kɔckï luök, kɔc ke Yithriɛl ku Juda. Abä ke bɛ̈ɛ̈i ciëën piny wään cä gäm kuarken, ku abïk bɛ nööm. Acä lueel, Yɛn Bɛ̈nydït.”

Jeremia 30:9

Ku abïk Yɛn aa luööi, Yɛn Bɛ̈nydït Nhialicden, ku luuikï kuat de Debid, raan bä tɔ ee melik.

Jeremia 31:27

“Acä lueel Yɛn Bɛ̈nydït an akööl abïkï, akööl bän baai de Yithriɛl kekë baai de Juda thiɔ̈ɔ̈ŋ ë kɔc ku läi.

Edhekiɛl 21:27

Riääk, riääk! Ɣɛɛ, yɛn bï pänydït tɔ riääk. Ku kënë acïï rɔt bï looi, agut të bï raan töŋë wään cä lɔc bïï pänydït bɛ̈n luöi këtuc bɛ̈n. Tëde yen abä gäm.

Edhekiɛl 34:16

“Yɛn bï ka cï määr lɔ kɔɔr, ku pɔ̈k ka cï tai roor nïïm ciëën, ku dɛɛr ɣään töök ke thök de gup bɔ̈ɔ̈t, ku ta ka de gup jɔɔk dem, ku ka cuai ku rilkï abä keek riɔ̈ɔ̈k, në biäk ee Yɛn tïn ee kë yic looi.

Edhekiɛl 34:29

Abä ke gäm duum ee ŋiëc luɔk, ku ta cɔk kääc ë piny yic. Acïï juöör kɔ̈k keek bï bɛ aa dhɔ̈l gup

Edhekiɛl 45:8

Yen ee tënë abï aa biäkde në Yithriɛl. Ku bɛ̈ny acïkï kɔckï bï bɛ aa yɔŋ, ku abïk baai de Yithriɛl gäm piny cït man de täu dhiëënken.

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Ɣodh 1:11

Ku kɔc ke Yithriɛl abïk bɛ mat në kɔc ke Juda, ku pukkï kenïïm pinyden. Ku abïk röt bɛ aa kuɛ̈ny bɛ̈ny tök. Ku akööl ke Yithriɛl abïk bɛ aa akööl lɔyum arëët.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Amoth 9:11

Aye Bɛ̈nydït lueel an, “Ade kööl bɔ̈, kööl bän Debid pɔ̈k nɔm ciɛɛŋdɛn cï poot wei, ciɛɛŋdɛn cï ciët ɣön cï riääk. Yɛn bï pänyde bɛ guiɛɛr piny abï lɔ kim piny. Abä bɛ nyɔk në yïk abï ciët man wään kɔn en tɔ̈u.

Maika 5:3

Në biäk de ee kënë, Bɛ̈nydït abï kɔcke kɔn päl wei, agut të bïï tiiŋ rɔ̈p kɔn dhiëth, ku kɔn kɔckɛn cï döŋ apïïr kenïïm puk, bïk bɛ̈n mat në Yithriɛl.

Dhek 3:8

Piŋ apiɛth Jocua, yïn bɛ̈nydïït ë kake Nhialic. Ku tɔ piŋ ë kɔc lui në yïn aya, kɔc cï ke tɔ nyooth ka bï bɛ̈n. Yɛn bï lïmdï bɛ̈ɛ̈i, lïm cɔl Këër.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Math 2:2

bïk ku thiëckï an, “Nu ënou en ë mɛnh wën cï dhiëëth an, ee melik de Judai? Wok ë ciëërde tïŋ të lɔ aköl amiäk, ku wok ë bɔ̈ buk bɛ̈n lam.

Jɔn 1:45

Go Pilip Nathanyel yök, ku jɔ lɛ̈k en an, “Wok ë raan yök, raan cï Mothe këde gɔ̈ɔ̈r ë löŋic, ayï tït, Yecu de Nadhareth, wën ë Jothep.”

Jɔn 1:49

Go Nathanyel bɛ̈ɛ̈r, lueel an, “Rabi, yïn ee Wën ë Nhialic! Ku yïn ee Melik de Yithriɛl!”

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

Ɣeberuu 8:8

Yen acïï Bɛ̈nydït yök këde kë dɛ̈ɛ̈k rɔt thïn, ago Bɛ̈nydït lueel an, “Akööl abïk bɛ̈n, akööl bän löŋ bɛ mac wokë baai de Yithriɛl ku kɔc ke Juda.

Nyuuth 19:11

Na wën, ke ya tïŋ paannhial aɣɔ̈ɔ̈r, na wën, ke jöŋgör akuur tul, ku raan rɛ̈ɛ̈r ë yekɔ̈u, acɔl Adöt ku cɔl Yic, ku ee piathëpiɔ̈u yen aye löŋ guiir ku yen aye tɔŋ lɛɛr.