Jeremia 23:29 - JAM DE NHIALIC 2011

²⁹ Jamdï acït mac, ku acït thɔn ë dëi ee kur dhuööŋ ë thorthor.

Jeremia 23:29 ပူးပေါင်းရင်းမြစ်များ

Jeremia 20:9

Ku të luɛɛl yɛn en an, “Yɛn bï nɔm määr ë Bɛ̈nydït, ku yɛn cïï bï bɛ jam ë rinke,” ke jamdu acït many dɛ̈p ë ya yic thïn. Acä them aläldïïtë në luöi bän ye muk, ku acïn luöi duëër yɛn en bɛ lëu në guöm.

Jeremia 5:14

Yen Kë cïï Bɛ̈nydït lueel kï, Bɛ̈nydït Awärjäŋ an, “Jeremia, në biäk cïï ee kɔckë ka cït ee kakë lueel, Yɛn bï jamdï tɔ cït mac në yïthok. Ku kɔc abïk ciët tiim, ku abïï mac keek nyop taitai.”

Ɣodh 6:5

Yen acän week tuöc tïtkiën ke Nhialic në jam de luɔi de këtuc kekë riääk. Kë kaar tëde week ee kë tiëc yic ku le gɔk.

Luk 24:32

Gokï röt thiëëc kapäc an, “Kënku piɔ̈ɔ̈th dëp ë woyiic thïn, wën jiɛɛm en ke wook kueer, ke wëër wo kacïgɔ̈ɔ̈r?”

Jɔn 6:63

Ee wëi kek ee käŋ tɔ pïïr, guöp acïn kën ee lëu: wël cä lɛ̈k week, kek aye wëi, ku yek pïïr.

Luɔi 2:3

Na wën, ke liëp ë ke tul, liëp cït mac, cï keyiic tek: ku jɔkï nyuc ë kegup kedhie.

Luɔi 2:37

Na wën, aa cïk jamë piŋ, ke ke guutë piɔ̈ɔ̈th, ku thiëckï Petero kekë kɔc kɔ̈k ë piööcë an, “Wäthii mïthëkɔckuɔ, eeŋö buk looi?”

2 Kor 2:16

Tëde kɔcke wok ee atuöm ë thuɔɔu a lueel thuɔɔu, ku tëde kɔcke wok ee atuöm ë pïïr a lueel pïïr. Ku eeŋa duëër kacït ë kake lëu?

Ɣeberuu 4:12

Jam ë Nhialic apïïr ku acath ke riɛldït yen kɔc cuur gup, ee raan gutic arëk abï ɣet të ye wëi kekë pïïr tɔ̈u, ku lɔ miök ku të ye kur ke yom nyïïn rɔ̈m, awär abätäu moth thok ëbɛ̈n, abätäu athok rou, ku ye ka kɔɔrku, ku ka yok tak ëbɛ̈n woi yiic në wopiɔ̈ɔ̈th.

Nyuuth 11:5

Ku na de raan kɔɔr luɔi nɛ̈k en keek, ke mac bɔ̈ biic ë kethook, ciɛm kɔc de kek ater: ku na de raan kɔɔr luɔi nɛ̈k en keek, ka bï dhil nɔ̈k aya, abï thou.