Jeremia 23:25 - JAM DE NHIALIC 2011

²⁵ Yɛn ŋic kë cï tïtkë lueel, kɔc wään luel lueth në rinkï, ku luelkï an cä ke gäm jam në nyuöthden yic.

Jeremia 23:25 ပူးပေါင်းရင်းမြစ်များ

Cäk 37:5

Na ɣɔn ë kööl tök, ke Jothep ë nyuöth ë nïnic wakɔ̈u. Na wën, aguïïr nyuöth mïthëkɔcken, ke jɔkï maan guöp awär wään tueŋ.

Cäk 37:9

Go Jothep bɛ nyuöth ku lëk keek an, “Yɛn ë bɛ nyuöth ë nyuöth däŋ: ke akɔ̈l ke pɛɛi, ku kuɛl kathiëër ku tök ë ke gut kenïïm piny në yanɔm.”

Diɛt 139:2

Yïn ŋic këriëëc ya looi ëbɛ̈n. Yïn ŋic ka ya tak tëmec.

Diɛt 139:4

Ayï të kën ɛn kɔn jam, Yïn ë kë bä lueel guɔ ŋic.

Jeremia 13:27

Acï week tïŋ ke we loi ka mɛɛn keek. Acï week tïŋ ke we kuany yiëth kɔ̈k cök ë kur nïïm ku ë duumiic, cït man ë mony cïï tiiŋ ë raan thiëëk kek diir, ku cït thɔn ë kɛɛu cop ŋun ë kɛɛu. Amawoou në week kɔc ke Jeruthalem, wek cï luöi këtuc, ee nɛn yen bä wek dikëdik?

Jeremia 14:14

Go ë Bɛ̈nydï bɛ̈ɛ̈r an, “Tït aluelkï lueth në rinkï, akɛ̈n keek tooc, ku akɛ̈n keek yɔ̈ɔ̈k, ku acïn jam töŋ cä lɛ̈k keek. Yen nyuuth jiɛɛm kek ee këden, aacïï bɔ̈ tëde Yɛn, ka caarkï ayek lueth, kakɛn ë thööŋkï keek ë kenïïm.

Jeremia 16:17

Yɛn ee këriëëc loikï ëbɛ̈n woi. Acïn kë cï thiaan tëde Yɛn, karɛcken acïkï ee ban ë Yanyin.

Jeremia 23:28

Tiët de nɔm nyuöth, aduëër lueel an ee nyuöth tei, ku tiët cï jamdï piŋ aduëër ee jamë lueel në piɔ̈n piɛth. Eeŋö piɛth në kaam de wal kekë agamɔ?

Jeremia 23:32

Piŋ kë luɛɛl, Yɛn Bɛ̈nydït! Yɛn man tït ee nyuuthken lueel, nyuuthkɛn thiäŋ ë lueth. Ayek ee nyuuthkë lueel ku thelkï kɔckï wei në törden ku në lɛcden. Akɛ̈n keek tooc, ku akɛ̈n ke yɔ̈ɔ̈k bïk lɔ, ku acïn kë bïk kuöny kɔc taitai. Acä lueel, Yɛn Bɛ̈nydït.”

Jeremia 27:10

Ee lueth yen lɛ̈kkï week, ku abïk week tɔ leerë piny mec në pinydun. Ku wek bä cuöp bei, ku wek bïï riɔ̈ɔ̈k.

Jeremia 27:15

Acïï Bɛ̈nydït lueel nɔn cie yen ë toc keek, ku acaar lueth në rinkï. Ka yen abï we cuɔp wei, ku wek bï nɔ̈k, week në tït ee lueth caar.”

Jeremia 29:23

Kënë abï aa riääkden në biäk cï kek karɛc looi, acïk diëër lei kɔɔr ku acïk lueth lueel ë rin ke Bɛ̈nydït. Kënë acie këde Bɛ̈nydït piɔ̈u, Yen aŋic kë cïk looi, ku ee cäätɔ de kërɛɛc cïk looi. Acïï Bɛ̈nydït lueel.”

Jeremia 29:8

Yɛn Bɛ̈nydït de rɛm, Nhialic de Yithriɛl, we ya yɔ̈ɔ̈k an, duökï röt bï tɔ mɛth ë tït rɛ̈ɛ̈r ë weyiic, ku duökï röt tɔ mɛth ë kɔc kɔ̈k ee ye lueel nɔn duëër kek ka bï bɛ̈n wadäŋ caar. Duökï nyuöthden gam.

Jeremia 8:6

Yɛn cï Yayïth këët, ku wek kën yith lueel. Acïn raan tök në weyiic, raan cï awänyde gam, ku acïn raan tök në weyiic, raan cï lop an, ‘Eeŋö cä wööc?’ Ŋɛk ee cath në cäthde, cït man ë jöŋgör lɔ ë tɔŋic.

Dhiëëu 2:14

Tïtkun acïn kë yek lɛ̈k yïn, ee tör yetök. Wɛ̈ɛ̈tden ee week math, në biäk cïï kek karɛckun ee nyuɔɔth. Acïk yïn tɔ tak yïnɔm yïn cïï puŋëpiɔ̈u kɔɔr. Acïk yïn nyuöth lueth ku ka ɣääriic.

Edhekiɛl 22:28

Tït ayek ee karɛckë moony cït man ye kɔc päny tɔc kɔ̈u në kïn ɣer. Ayek nyuuth lueth tïŋ, ku yek tör caar. Ayek lueel an guiirkï wël ke Awärjäŋ Bɛ̈nydït lueel, ku yɛn Bɛ̈nydït, yɛn kën jam wo keek.

Jowɛl 2:28

“Ku në ee kakë cök, Yɛn bï Wëikï luööŋ në kɔc gup kedhie, ka wɛ̈ɛ̈tkun, ayï duetkun abïk käŋ aa caar, röördïtkun abïk aa nyuöth, ku tïŋ dhuökkun nyuuth.

Dhek 13:3

Ku na de raan lɔ tïït ŋak, abï wun en jɔ̈ɔ̈ny kekë man ë dhiëth en, ku lëkkï yen an, “Yïn bïï nɔ̈k, yïn ciëk Bɛ̈nydït thok në lueth! Ku abï wun kekë man en gutic të cɔ̈ɔ̈r en.

Kuɛ̈n 12:6

Go lɛ̈k keek an, “Piɛŋkï jamdï, tëde yen tiët nu ë weyiic, yɛn ee rɔt nyuöth en në nyuuth, ku nyuöth.

Math 1:20

Ku të ŋoot en ke ciët ee kakë ë yepiɔ̈u, dï, ke tunynhial ë Bɛ̈nydït tul tëde yen ke ee nyuöth, lueel an, “Jothep, wën ë Debid, du riɔ̈c ë luɔi bï yïn Meri nööm bï aa tiiŋdu, kë cï yök ë yeyäc ee Wëidït ɣer kek aa dhiëth en.

Luk 12:3

Yen ka, këriëëc cäk lueel tëcol ëbɛ̈n abï ke piŋ tëɣer, ku kë cäk tuöm ë raan yïc ë ɣööt yiic thïn abï guiir ë röl dït ë ɣööt nïïm.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.