Jeremia 23:17 - JAM DE NHIALIC 2011

¹⁷ Ayek lɛ̈k kɔc cï kë luɛɛl rɛɛc gam, ayek lueel an, käŋ abïk piath ëbɛ̈n tëde keek. Ku ayek lɛ̈k raan ril nɔm ëbɛ̈n an, riääk acïï bï bɛ̈n taitai.”

Jeremia 23:17 ပူးပေါင်းရင်းမြစ်များ

2 Tham 12:10

Ënɔɔnë abätäu acï bï jäl baaidu, në biäk cï yïn ya biɔɔn guöp, në rɛm yiic ëbɛ̈n abï dɛ raan ë käudu bï aa thou në thon akuöörkuöör, në biäk kën yïn Yɛn riëëu, ku nöm tiiŋ de Yuria.

Yith 30:10

Ayek lɛ̈k tït ke Nhialic an, “Miɛmkï thook duökï wo lëk yïth, lɛ̈kkï wook kë nhiaarku buk piŋ. Tɔ wo muk luethkuɔ.

Yith 57:21

Aye Bɛ̈nydït lueel an, “Acïn të bïï ë kɔc awɛ̈ɛ̈c looi kony.”

Jeremia 13:10

Kek ee kɔc rɛckë acïk jaai bïk A riëëu. Acïk nïïm riɛl arëët ku jɔkï rac aläl, ku acïk yiëth kɔ̈k lam ku luuikï keek. Ka keek abïk ciët ee lupɔɔkë, lupɔɔ cïï be piath.

Jeremia 18:12

Ku abïk bɛ̈ɛ̈r an, “Ei, eeŋö duëër wok ke pɔ̈l? Wok bï nïïm riɛl wodhie ku loiku karɛc cït kë kɔɔrku.’”

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 3:17

Na lɔ ee köölë bɛ̈n Jeruthalem abï ya cɔɔl an, “Thöny de Bɛ̈nydït ku juöör kedhie abïk kenïïm mat ëtɛ̈ɛ̈n ku lamkï Yɛn. Acïkï kakɛn ke riɛl ë nɔm ku ka cïï piɔ̈ɔ̈th racken lɛ̈k keek bï bɛ aa looi.

Jeremia 4:10

Ku ja lueel an, “Bɛ̈nydït Awärjäŋ Yïn cï kɔc ke Jeruthalem math taitai, acï lueel an, abïk dɛk mät ku ee abätäu yen atɔ̈u në keröt.”

Jeremia 5:12

Kɔc ke Bɛ̈nydït acïk Yen rɛɛc, ku luelkï an, “Acïn kë bïï looi ë yic. Acïn nuɛɛn bï wo yök, acïn abätäu buk tïŋ, ayï cɔk.”

Jeremia 6:14

Ayek käŋ looi abï tëtöök ke kɔckï aa ciët piär tei. Ayek lueel an, ‘Acïn kërac,’ të cïn en këpiɛth nu.

Jeremia 7:24

Ku keek akënkï ya riëëu ku kënkï kë luɛɛl gam, acïk ka ye nïïmken ku piɔ̈ɔ̈thkɛn rac tak looi, ka acïk jɔ rac aläl ku cïkkï be piath.

Jeremia 8:11

Ayek käŋ looi abï tëtöök ke kɔckï ciët piär baaŋ. Ayek lueel an, ‘Käŋ apiɛthkï.’ Ku acïn kamit nu.

Jeremia 9:14

Acïk nïïm riɛl, ku jɔkï yiëth ke Baal lam cït man cï kuarken keek wɛ̈ɛ̈t bïk aa looi.

Dhiëëu 2:14

Tïtkun acïn kë yek lɛ̈k yïn, ee tör yetök. Wɛ̈ɛ̈tden ee week math, në biäk cïï kek karɛckun ee nyuɔɔth. Acïk yïn tɔ tak yïnɔm yïn cïï puŋëpiɔ̈u kɔɔr. Acïk yïn nyuöth lueth ku ka ɣääriic.

Edhekiɛl 13:10

“Tït acïk kɔckï kuöc wat në kë ye kek e lueel an, piɛth käŋ ëbɛ̈n. Ee yic, käŋ acïkï piɛth ëbɛ̈n! Kɔckï acïk päny de kur cï dhiap yïk, ku jɔ tït bɛ̈n ku rɔthkï kɔ̈u në kïn ɣer.

Edhekiɛl 13:19

Wek cï yɛn yɔ̈ɔ̈r guöp në kɔckï nïïm, aguɔkï röt yɔ̈k abïny de cï thiɔ̈ɔ̈ŋ në barli, ku kuïïn lik cï pam. Wek ee kɔc cïï röŋ në thuɔɔu nɔ̈k, ku pälkï kɔc cïï röŋ në pïïr ke ke pïïr. Ka wek ee lueth lɛ̈k kɔckï, ku ayek ka cäk lueel gam.”

Edhekiɛl 13:22

“Në luethkun wek cï kɔc piɛth tɔ riääk piɔ̈ɔ̈th, kɔc cä ke kɔɔr bïk piɔ̈ɔ̈th riääk. Yïn ee kɔc ee karɛc looi pɛ̈n puŋëpiɔ̈u agokï wëiken kony.

Amoth 9:10

Kɔc ee karɛc looi kedhie në kɔckï yiic abïk dhil thou në abätäu, kɔc ee ye lueel an, ‘Acïn kërɛɛc bïï Bɛ̈nydït bɛ̈ɛ̈i në wogup.’

Maika 2:11

“Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Dhep 1:12

“Në aköölkë ee manyalath yen abä nööm ku kaar Jeruthalem yic. Ku luöi këtuc kɔc cï piɔ̈ɔ̈th kuɛth ee röt ŋɔ̈ɔ̈th, ee ye lueel an, ‘Acïn kë bïï ë Bɛ̈nydït luöi wook, nɔn yen këpiɛth ku nɔn ee kërac.’

Dhek 10:2

Kɔc aye yiëth ke math, ku törë tït keek lueth. Ayek nyuöth ë lueth, ku bïïkï kɔc piɔ̈ɔ̈th në ɣäär yiic. Ka kɔc acïk yiëëm cï thök cï määr. Ayɔŋ keek në biäk cïn kek nïïm bɛ̈ny.

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Kuɛ̈n 11:20

abäk cuet në pɛɛi yic ëbɛ̈n, man abäk nïïm tiëk në yen, ku thiɛkkï yïth në ye. Ku abï tɔ̈u aya, në biäk cä wek Bɛ̈nydït rɛɛc ke tɔ̈u në weyiic, ku eeŋa në we yiic, raan ee dok në Yen an adï kɛ̈nkï jäl ë Rip taitai.”

Luk 10:16

Go Yecu kɔckɛn ë piööcë yɔ̈ɔ̈k an, “Raan piŋ këdun, ka piŋ këdï, ku raan reec week, ka reec ɛn, ku raan reec ɛn, ka reec raan ë toc ɛn.”

Nyöŋ 29:18

Dɔ̈tkï apiɛth nɔn bï yen ciën moc, ayï tik, ayï baai, ayï dhiën, në kɔc kääc ee në ee köölë bï rɔt wɛl wei në Bɛ̈nydït Nhialicda bïï yiëth ke juöör kɔ̈k lɔ lam. Kënë abï ciët mei ee luɔk ke kec ku bïï mïth ke awɔɔk.

Nyöŋ 29:19

Thɛmkï apiɛth ë cïn raan ë we yiic, raan piŋ ee ka kɔɔr keek ee köölë ku lee rɔt yɔ̈ɔ̈k yetök an käŋ kedhie abïk piath tëde yen, cakaa yen ë lɔ kueerdɛn däŋ gɔl, kënë aduëër week riɔ̈ɔ̈k wedhie, kɔc piɛth ayï kɔc rac akït.

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.