Jeremia 23:16 - JAM DE NHIALIC 2011

¹⁶ Acïï Bɛ̈nydït de rɛm lɛ̈k kɔc ke Jeruthalem an, “Duökï kë lueel ë tït piŋ, athiɔ̈ŋkï week në aŋäth ɣɔ̈ric. Ayek we lɛ̈k kë yek thɔ̈ɔ̈ŋ, ke cie kën ë luɛɛl.

Jeremia 23:16 ပူးပေါင်းရင်းမြစ်များ

1 Mel 22:11

Raan töŋden ee Dhedekia wën ë Kenana, acï rɔt luöi tuŋ ke wëëth, ku lëk Aɣap an, “Kë lueel Bɛ̈nydït kï an, ‘Në kënë we bï thɔ̈ɔ̈r wekë Thiriya ku abä ke tiaam taitai.”’

2 Mel 17:15

Acïk lööŋke dhɔɔtiic, ku akënkï löŋ ɣɔn cï mac ke kuarken riëëu. Acïk yiëth rac lam, agokï jɔ rac gupken, ku jɔkï ciɛɛŋ de juöör thiääk në keek kuany cök, ku akënkï löŋ de Bɛ̈nydït wään cï lɛ̈k keek riëëu an cïkkï keek bï kuany cök.

2 Lëk 18:5

Na wën ke Aɣap ë cɔl tït ayek bot kaŋuan (400) kedhie, ku thiëëc keek an, “Duɛ̈ɛ̈r lɔ bä Ramoth, lɔ mak ku cä bï lɔ?” Go ë tït bɛ̈ɛ̈r an, “Makë, Nhialic abï yï gäm tiëm.”

Kɛ̈ŋ 19:27

Mɛnhdï, mälë në pïŋ de jiëëm, ke cïn kë bä bɛ ŋic.

Jeremia 14:14

Go ë Bɛ̈nydï bɛ̈ɛ̈r an, “Tït aluelkï lueth në rinkï, akɛ̈n keek tooc, ku akɛ̈n keek yɔ̈ɔ̈k, ku acïn jam töŋ cä lɛ̈k keek. Yen nyuuth jiɛɛm kek ee këden, aacïï bɔ̈ tëde Yɛn, ka caarkï ayek lueth, kakɛn ë thööŋkï keek ë kenïïm.

Jeremia 2:5

Aye Bɛ̈nydït lueel an, “Ee gɔny ŋö cïï kuarkun yiɛ̈n Ɛn? Eeŋö tɔ ke yiɛl röt wei tëde Yɛn? Ayek yiëth cïn naamden lam, ku jɔkï ciën naamden gupken.

Jeremia 23:21

Go Bɛ̈nydït lueel an, “Yen kën ee tïtkë tooc, ku acïk dhil ŋoot ke ke lɔ. Acïn jam cä gäm keek, ku acïk ŋoot ke ke jam në rinkï.

Jeremia 23:26

Agut cï nɛn, bïï ee tïtkë cool ë mɛth kɔckï në luethkɛn cïk cak?

Jeremia 29:23

Kënë abï aa riääkden në biäk cï kek karɛc looi, acïk diëër lei kɔɔr ku acïk lueth lueel ë rin ke Bɛ̈nydït. Kënë acie këde Bɛ̈nydït piɔ̈u, Yen aŋic kë cïk looi, ku ee cäätɔ de kërɛɛc cïk looi. Acïï Bɛ̈nydït lueel.”

Jeremia 29:8

Yɛn Bɛ̈nydït de rɛm, Nhialic de Yithriɛl, we ya yɔ̈ɔ̈k an, duökï röt bï tɔ mɛth ë tït rɛ̈ɛ̈r ë weyiic, ku duökï röt tɔ mɛth ë kɔc kɔ̈k ee ye lueel nɔn duëër kek ka bï bɛ̈n wadäŋ caar. Duökï nyuöthden gam.

Jeremia 9:12

Guɔ lop an, “Bɛ̈nydït, eeŋö jɔ piny riääk ku jɔ riɛl abïï ciët jɔ̈ɔ̈ric, ka cïn raan ee cath thïn? Eeŋa pelnɔm arëët bï ee kënë yökic? Eeŋa cï nyuöth en ago lɔ wɛ̈ɛ̈ric kɔc kɔ̈k?”

Jeremia 9:20

Aguɔ lueel an, “Piɛŋkï kë lueel Bɛ̈nydït wek diäär, ku yak wëlke yökiic. Wɛ̈ɛ̈tkï duetkun ë dhiëëu, ku wɛ̈ɛ̈tkï määthkun ë diɛt ke dhiëëu.

Dhiëëu 2:9

Athïïnke acïk lɔ piny ë tiɔpic, waike acï ke dhuööŋ abïk lɔ thorthor. Melikde ku adhuëëŋke anukï ë juööriic. Löŋ acïï be ë wɛ̈ɛ̈t, ku tït acïn nyuuth ee bɛ̈n tëde keek tëde Bɛ̈nydït.

Edhekiɛl 13:16

kek tït wään ee Jeruthalem yɔ̈ɔ̈k an piɛth käŋ ëbɛ̈n, ku käŋ aa ke cïï piɛth ëbɛ̈n!” Bɛ̈nydït Awärjäŋ yen aa jam.

Edhekiɛl 13:23

Ka ënɔɔnë nyuuthkuön ke lueth, ku cäärduön de tör acïk wan. Yɛn kony kɔckï në riɛldun yic, aguɔkï jɔ ŋic nɔn ee yɛn Bɛ̈nydït.”

Edhekiɛl 13:3

Kë lueel ë Bɛ̈nydït Awärjäŋ kï: “Amawoou në tït piɔlpiɔ̈ɔ̈thkë abïk riääk! Ayek röt thiɔ̈ɔ̈ŋ ë wëiken kapäc, ku jɔkï nyuuthken cak.

Edhekiɛl 13:6

Nyuuthken ayek lueth, ku cäärden ee tör. Ayek lueel an guiirkï wëlkï, ku akɛ̈n keek tooc. Ku ŋoot ke yek lueel nɔn bïï wëlken bɛ̈n ke ke ye yith!

Edhekiɛl 22:28

Tït ayek ee karɛckë moony cït man ye kɔc päny tɔc kɔ̈u në kïn ɣer. Ayek nyuuth lueth tïŋ, ku yek tör caar. Ayek lueel an guiirkï wël ke Awärjäŋ Bɛ̈nydït lueel, ku yɛn Bɛ̈nydït, yɛn kën jam wo keek.

Maika 2:11

“Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

Math 7:15

Yak röt tiit në tït aluɛth, kɔc ee bɛ̈n tëde week ke ke ceŋ dël ke thök, ku keyiic thïn ayak aŋuööth cï wäth.

Romai 1:21

ku të ciɛk kek Nhialic ŋic, ka cïkï ee riëëu ë riëëu ee Nhialic riëëu, ku cïkï ee leec, acïk aa kɔc ee ɣɔ̈ric tak ë kepiɔ̈ɔ̈th, ago piɔ̈ndɛn piɔl ago cuɔl ëcut.

1 Jɔn 4:1

Wek kɔc nhiaar, duökï wëi gam kedhie, ku yak wëi them, nɔn ë bï kek tëde Nhialic: ade tït aluɛth juëc cï lɔ ë piny nɔm.