Jeremia 23:15 - JAM DE NHIALIC 2011

¹⁵ “Ku kë luɛɛlkï, Yɛn Bɛ̈nydït de rɛm, në biäk de tït ke Jeruthalem: Abä keek gäm wɛ̈ɛ̈l kec bïk cam, ku wurïï bïk dek, në biäk cï kek, wɛ̈ɛ̈t cïn yic Nhialic wɛ̈ɛ̈t ë baai yic ëbɛ̈n.”

Jeremia 23:15 ပူးပေါင်းရင်းမြစ်များ

Diɛt 69:21

Wään de yɛn guöp cɔk, gokï ya gäm wurïï, wään de yɛn guöp rou, gokï ya gäm kuɔɔt.

Jeremia 14:15

Yɛn Bɛ̈nydït, yïn bä lɛ̈k kë bä luöi ee tïtkë, tït kɛ̈n ke tooc, ku yek lɔ jam ë rinkï ku yek lueel an, tɔŋ ku cɔk acïï piny bï yök. Abä keek nɔ̈k në abätäu ku në cɔk.

Jeremia 8:14

Kɔc ke Nhialic ayek lop an, “Eeŋö rëër wok ë lik? Bäkkï kɔtku ku lokku ë pɛ̈ɛ̈nydït cï gël yiic, buk lɔ thou ëtɛ̈ɛ̈n. Bɛ̈nydït Nhialicda acï wook mäc thuɔɔu, acï wook gäm wurïï buk dek, në biäk cï wok En luöi kërac.

Jeremia 9:14

Acïk nïïm riɛl, ku jɔkï yiëth ke Baal lam cït man cï kuarken keek wɛ̈ɛ̈t bïk aa looi.

Jeremia 9:15

Ka ënɔɔnë jakï kë bä looi piŋ, Yɛn Bɛ̈nydït de rɛm, Nhialic de Yithriɛl. Yɛn bï kɔckï gäm wɛ̈ɛ̈l kec bïk cam, ku gäm ke wurïï bïk dek.

Dhiëëu 3:15

Acïk a gäm nuan tuc thok ke ee këcam kekë pïïu.

Dhiëëu 3:19

Täŋ yan arɛɛmdï tak, ku ciën ciën ɛn nɔm piny, acït wurïï kec.

Dhiëëu 3:5

Acï yɛn guöör në alooc de nuan yic kekë arɛɛm.

Dhek 13:2

Acïï Bɛ̈nydït de rɛm lueel an, Në ee köölë, yɛn bï rin ke yiëth nyaai në piny yic, ka acïï keek bï bɛ aa lueel rin ananden. Ku yɛn bï tït nyaai ayadäŋ, ayï jɔɔk rac.

Math 27:34

Gokï Yecu miɔc ë mɔ̈n ë wac, cï liääp kekë keth, na wën, aacï thiëëp, ke reec dëk.

Nyöŋ 29:18

Dɔ̈tkï apiɛth nɔn bï yen ciën moc, ayï tik, ayï baai, ayï dhiën, në kɔc kääc ee në ee köölë bï rɔt wɛl wei në Bɛ̈nydït Nhialicda bïï yiëth ke juöör kɔ̈k lɔ lam. Kënë abï ciët mei ee luɔk ke kec ku bïï mïth ke awɔɔk.

Nyuuth 8:11

ku rin ke kuel acɔl wɛ̈ɛ̈l kec, go baŋ töŋ de piëëu ëbɛ̈n baŋ wën ee kek diäk jɔkï guɔ aa wɛ̈ɛ̈l kec: go kɔc juëc thou në piëëu, në kɛc cï ke tɔ kec.