Jeremia 23:12 - JAM DE NHIALIC 2011

¹² Kueer yek kuany yic, abï lɔ rieeth rieeth ku cool, abä keek tɔ kɔ̈th ku wïïkkï. Yɛn bï riääk bɛ̈ɛ̈i ë ke gup, kööl bï ë keek luöi këtuc abɔ̈. Acä lueel, Yɛn Bɛ̈nydït.

Jeremia 23:12 ပူးပေါင်းရင်းမြစ်များ

Jop 18:18

Nyiɛɛyë piny nɔm, jɔt tëɣer ku jiëpë tëcol.

Diɛt 35:6

Tɔ kueerden colic ku le rieethrieeth, ku jɔ tunynhial ë Bɛ̈nydït keek yuöp piny!

Diɛt 73:18

Abä keek tääu ë tuŋthok, ku tɔ keek lööny ë riääkic.

Diɛt 82:5

Acïnkï ŋïny de käŋ ku yöŋ de käŋiic, ayek cath ë mɔ̈ɔ̈thic, këërkëër de piny acï ke lath kedhie.

Bɛ̈n 32:34

Ku ënɔɔnë, lɔ watë kɔc të wään cä lɛ̈k yïn. Ku tunynhialdï abï we wat. Ku akööl abïkï, akööl bän ee kɔckë luöi këtuc në biäk de kërɛɛcden.”

Kɛ̈ŋ 4:19

Ku kueer ë kɔc rac, acït mɔ̈ɔ̈th dïït lɔ cɔ̈t. Na ë ke cak kɔ̈th acïkï kën ee ke tɔ kɔ̈th ee tïŋ.

Yith 8:22

ku lieckï piny, ku acïn däŋ bïk tïŋ ee nuan ku mɔ̈ɔ̈th, ku riɔ̈ɔ̈c de cuɔlëpiny copë ke thïn.

Jeremia 11:23

Yɛn cï akööl bän ke riääk yiɛ̈n kɔc ke Anathoth mac, ku të lee aköölkë bɛ̈n, acïn raan bï pïïr ë keyiic.”

Jeremia 13:16

Riëëukï Bɛ̈nydït Nhialicdun, të kën En cuɔlëpiny guɔ bɛ̈ɛ̈i, ku wek ee guɔ kɔ̈th në kur, ke ŋoot ke kën cuɔlëpiny dït bɛ̈ɛ̈i tëde ɣɛɛrduön yak ŋɔ̈ɔ̈th.

Jeremia 48:44

Raan bï kat ë riɔ̈ɔ̈cdït abï lɔ lööny ë pulic, ku raan bï bɛ̈n bei ë pulic, abïï ë wïn ë dɛ̈p dɔm, në biäk cïï Bɛ̈nydït kööl de riääk ë Mowap guiir.

Jeremia 50:27

Näkkï remdɛn ë tɔŋ ëbɛ̈n! Tɛmkï keek röt! Amawoou në kɔc ke Babilonia acïk riääk! Akööl acïk bɛ̈n akööl bï ë keek luöi këtuc!”

Jeremia 8:12

Kɔckï, ë we kën gup riɔ̈ɔ̈c në biäk cä wek kake ayäär looi? Ei, wek kën gup riɔ̈ɔ̈c taitai, ku wek kuc luöi ye kɔc diɛɛr aya! Ka wek bï wïïk cït man cïï kɔc kɔ̈k wïïk, të lan week lɔ luöi këtuc, kënë yen abï aa thökdun. Acä lueel, Yɛn Bɛ̈nydït.

Dhiëëu 2:20

Bɛ̈nydït, tïŋ tei. Eeŋö jɔ yïn wo luöi këtuc aya? Diäär acuetkï rïŋ ke mïthkɛn nhiaarkï! Bäny ke kake Nhialic ku tït anäk keek tëɣeric guöpde!

Maika 7:4

Kɔc arackï kedhie, ku raan ŋuän ë keyiic acït kou, ku adhuɛ̈ŋden acït thil. Akööl acïk bɛ̈n, akööl ɣɔn cï tïtkun week yɔ̈ɔ̈k, akööl bï Nhialic we luöi këtuc. Ka ënɔɔnë, wek cï nïïm nuɔɔn.

Jɔn 12:35

Go Yecu ke yɔ̈ɔ̈k an, “E döŋ ke ye tëthiinakäŋ, të nu ɣɛɛrëpiny ë weyiic. Cathkï të ŋuɔɔt wek ë we de ɣɛɛrëpiny, ke we cïï cuɔlëpiny bï mook: raan cath ë cuɔlëpiny akuc të le yen thïn.

Nyöŋ 32:35

Bɛ̈nydït abï guur nööm ku kuum keek, ku akööl abïk bɛ̈n akööl bï kek lony, akööl lony kek acï thiɔ̈k.

1 Jɔn 2:11

Ku raan man mɛnhkënë, ka tɔ̈u tëcol, ku ciɛth tëcol, ke kuc të le yen thïn, ë luɔi cï cuɔlëpiny ye tɔ cɔɔr.

Juda 1:13

Acïtkï apiöŋ de wɛ̈ɛ̈r apiöŋ ee rɔt miɔɔk, abïk ayärden gut cït man ë amoth. Acïtkï kuɛl ee tai, luɔi cï Nhialic duëëradur col ëcut tɔ̈ɔ̈u bï aa këden aɣet athɛɛr.