Jeremia 23:10 - JAM DE NHIALIC 2011

¹⁰ Piny acï thiäŋ ke kɔc cïn adöt tëde Bɛ̈nydït, ayek rëër ke ke loi karɛc, ku yek riɛlden kuöc luɔi. Në biäk de aciɛɛn ë Bɛ̈nydït piny adhiau, ku ɣään ke nyuäth ë jɔ̈ɔ̈ric acïk ril wei.

Jeremia 23:10 ပူးပေါင်းရင်းမြစ်များ

Edhr 10:18

Kakë ee rin ke kɔc cï duet ke juöör thiaak: Dhiën ë Jecua wën ë Jeɣodhadak, ku mïthëkɔcken yï Maathia, ku Eliedher ku Jarip ku Gadalia.

Diɛt 107:34

Piny ee ŋiëc luɔk acï tɔ ee piny de yic dhiai, në biäk de rɛ̈ɛ̈c de kɔc ceŋ ëtɛ̈ɛ̈n.

Yith 24:6

Në biäk de ee kënë, Bɛ̈nydït ë piny nɔm cieen. Kɔc nu thïn, acolkï ariöp de awänyden. Kɔc lik kek abï döŋ apïïr.

Yith 5:18

Amawoou në week! Kɔc cïï röt ee miëët bei në awɛ̈ɛ̈ckun yiic.

Jeremia 12:11

Acïk looi ke ee jɔ̈ɔ̈r, atɔ̈u ke cï riääk ë yanɔm. Piny ëbɛ̈n acï aa jɔ̈ɔ̈r, ku acïn raan ee ye tak.

Jeremia 14:2

an, “Juda adhiau, pɛ̈ɛ̈nydïtke arilkï wei. Kɔcke atɔ̈ukï piny ë jiɛthëpiɔ̈u, ku Jeruthalem adhiëëu kuɔɔny.

Jeremia 6:13

Raan ëbɛ̈n, röördït ayï kɔc kor, ayek wëu ke ayäär kɔɔr, ayï tït ku bäny de kakë Nhialic ayek kɔc math.

Jeremia 7:9

Wek ee kual, ku näkkï, ku nämkï diäär, ku yak kuëëŋ në lueth, ku nyuöpkï Baal wal ŋïr, ku lamkï yiëth kënkï keek kɔn ŋic ɣɔn thɛɛr.

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Jeremia 9:12

Guɔ lop an, “Bɛ̈nydït, eeŋö jɔ piny riääk ku jɔ riɛl abïï ciët jɔ̈ɔ̈ric, ka cïn raan ee cath thïn? Eeŋa pelnɔm arëët bï ee kënë yökic? Eeŋa cï nyuöth en ago lɔ wɛ̈ɛ̈ric kɔc kɔ̈k?”

Jeremia 9:2

Aa ya nhiaar duëër nɔm dɛ të duëër ɛn ceŋ ë jɔ̈ɔ̈ric, të bä yɛn mɛc wo kɔckï. Ayek kɔc cïn adöt ëbɛ̈n, kuut de kɔc ee kɔc nyiɛɛn.

Ɣodh 7:4

Ku keek kedhie, ayek dhööm cï tuöc cït man ë many de purun dɛ̈p cïï köör në raan thööc en të ŋoot awac ke nuai, agut të bï yen kɔn piɔ̈ɔ̈r.

Jowɛl 1:10

Duum acïk riääk, piny ë nɔm yiɛɛl wei në biäk cïï ë rap riɔ̈ɔ̈k, ku mɔ̈u ë dëu, ku tiim ke miök acïk biɔɔr.

Lebai 5:1

Na cï raan kërac looi, në biäk kën en jam në kɔc nïïm, në biäk de kë cï tïŋ ku nɔn ŋic luɔi cï yen rɔt looi, abïï yiëk yeth gääk.

Dhep 3:4

Ku tïtke acïï ke duëërë ŋɔ̈ɔ̈th, kɔc ee mɛth. Ku bänykɛn ke kake Nhialic ayek kaɣeriic dhiöök, ku dhoŋkï löŋ kɔ̈u në ruëëny.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

1 Tim 1:10

këde kɔc ee diäär kɔɔr, ku röör ee röör kɔɔr, ku kɔc ee kɔc peec, ku kɔc ee lueth töör, ku kɔc ee gutguut lueel ë lueth, ku na de däŋ kë de ater ke wëët piɛth,

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.