Jeremia 22:3 - JAM DE NHIALIC 2011

³ “Acä lueel Yɛn Bɛ̈nydït, luöi bä wek piathëpiɔ̈u ku yic aa looi. Yak raan mɛthë gël në raan cam en. Duökï raan lei, ku mɛnh abaar, ku tiiŋ abaar, ee kuöc luööi ku duökï yɔŋ, ku duökï kɔc cïn kë cïk wööc ee nɔ̈k ee të ɣericë.

Jeremia 22:3 ပူးပေါင်းရင်းမြစ်များ

2 Tham 23:3

Nhialic de Yithriɛl acï jam, acïï Raan ee Yithriɛl gël lɛ̈k ɛn an: “Melik ee Piny cieŋ ë yic, Raan ee piny cieŋ në riëëu de Nhialic,

2 Mel 24:4

ku në biäk de rim de kɔc cï ke nɔ̈k ëbɛ̈n ke cïn kë cïk wööc. Bɛ̈nydït acïï Manatha bï pɔ̈l në biäk de ee kënë.

Jop 22:9

yïn cï diäär abɛɛr tɔ jël në kecin, ku yuöpë mïth abɛɛr kök piny.

Jop 24:9

Kɔc ayek mïth abɛɛr gɔ̈p bei në märken yöth, ayï mïth ke kɔc kuanynyïïn aye ke dɔ̈m nïïm, känykɛn kënë cool.

Diɛt 68:5

Wun mïth abɛɛr ku raan ee diëër abɛɛr gël, ee Nhialic ee rɛ̈ɛ̈r tëdɛn ɣeric,

Diɛt 82:4

Kuɔnykï keek tëde riɛl ë kɔc ee karɛc looi.”

Diɛt 94:21

Ayek kethook mat ë kiɛɛr rac bïï kek kɔc piɛthpiɔ̈ɔ̈th nɔ̈k, ku tɔkï raan cïn kë cï wööc näk.

Diɛt 94:6

Ayek diëër abɛɛr ku mïth abɛɛr nɔ̈k, ku nɛ̈kkï alɛi rɛ̈ɛ̈r piny de Yithriɛl.

Bɛ̈n 22:21

“Duökï raan lei ee kuöc luööi ku duökï ee yɔŋ. Yak wenïïm tak nɔn cä wek kɔn aa kɔc lei ɣɔn ë Rip.

Bɛ̈n 22:22

Duökï diäär abaar ee kuöc luööi, ayï mïth abɛɛr.

Kɛ̈ŋ 23:10

Päl aken thɛɛr tëde ku du aken de mïth abɛɛr ee lïïr nɔm, Awärjäŋ Raan ril, abï göönyden nööm.

Yith 1:23

Bänyku ayek A rɛɛc, ku mɛ̈ɛ̈thkï në cuɛ̈ɛ̈r, ku ayek miɔ̈c ku kumthok nööm kedhie. Acïkï mïth abɛɛr ee kony ë gööny yic, ku cïkï gööny de diëër abɛɛr cï yiɛ̈n keek ee piŋ.

Yith 58:6

“Thɛ̈kdiën kaar kï: nyaaikï kuɛɛt ke yaaŋ ku kuɛɛr ke luɔi rac kedhie, ku takï kɔc yɔŋ lääu nïïm.

Yith 58:7

Yak kacamkï rɔm në kɔc nɛ̈k cɔk, yak ɣöötkun liep thook kɔc cïn bɛ̈i, kɔc kuanynyïïn. Yak kɔc cïn lupɔɔ miɔɔc në lupɔɔ, ku duökï kɔc raan ë week ee pɛ̈n kuɔɔny.

Jeremia 19:4

Yɛn lɔ ee kënë looi në biäk cï kɔc Yɛn pɔ̈l, ku acïk eetënë dhiöök në luɔi ye kek yiëth kɔ̈k nyuöp wal, yiëth kuckï keek, ku kuc kuarken ayï meliik ke Juda acïn kë ŋickï ë biäkden. Acïk ee tënë riɔ̈ɔ̈k në riɛm de kɔc cïn kë cïk wööc,

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Jeremia 26:16

Go bäny ku kɔc lɛ̈k bäny ke kake Nhialic ku tït an, “Mony aa jam ke wook në rin ke Bɛ̈nydït Nhialicda, acïï duɛ̈ɛ̈rë nɔ̈k.”

Jeremia 5:28

yeka cuɛi kek ku piɛthkï gup. Luɔidɛn rac acïn pëk. Acïkï mïth abɛɛr ee gäm yicden, ku cïkkï löŋ de kɔc yɔŋ ee ŋiëc guiir.

Jeremia 7:23

Ku acä ke yɔ̈ɔ̈k bïk Ɛn aa riëëu, aguɔ aa Nhialicden ku bïk aa kɔckï. Ku acä ke yɔ̈ɔ̈k bïk aa rëër cït man cän keek yɔ̈ɔ̈k, ago käŋ täu apiɛth në keek.

Jeremia 9:24

Na kɔɔr raan bïï rɔt lɛɛc, në ë leec rɔt në luɔi cï yen Yɛn ŋic, ku cï kakï yök yiic, në biäk tɔ̈u ë nhiëërdiën agɔk ke yen, ku Yɛn ee yic kekë piathëpiɔ̈u looi. Kek kak ee Yɛn tɔ mitpiɔ̈u ka. Acä lueel, Yɛn Bɛ̈nydït.”

Dhiëëu 3:36

Të kënë löŋ ŋiëc guiir ë gööny yic amɛɛn ë Bɛ̈nydït.

Edhekiɛl 18:12

Ee kɔc kuanynyïïn math, ku rum ku nööm ka cï ë kɔc gäm yen bï ke tɔ̈ɔ̈u. Ee lɔ në yïk ke kɔc ke yiëth nïïm, ku lɛm yiëth rackë,

Edhekiɛl 18:7

Acïï kɔc ee math ku cïï kɔc ee rum. Ee raan puɔ̈k nɔm kë cï nööm ë kuɔɔny apiɛth, ee kɔc nɛ̈k cɔk cääm, ku gëm lupɔɔ kɔc cath ë kekɔ̈ɔ̈th.

Edhekiɛl 22:7

Wek kɔc tɔ̈u në pänydïtic we cïï wärkun ku märkun ee riëëu. Wek ee alɛi math ku yak kake diëër abɛɛr ku mïth abɛɛr nööm.

Edhekiɛl 45:9

Acïï Bɛ̈nydït Awärjäŋ lueel an, “Wek cï awɛ̈ɛ̈c looi në kaam bääric, wek bäny ke Yithriɛl! Pälkï akuöörkuöör ku yaaŋ de kɔc! Luɔikï yic, ku piathëpiɔ̈u. Wek cïï kɔckï bï bɛ nyɔk ë cuɔp wek keek wei pinyden. Yɛn Bɛ̈nydït Awärjäŋ, ee Yɛn lɛ̈k week ee kënë.

Jowɛl 3:19

“Rip abï döŋ ke ye jɔ̈ɔ̈r, ku Edom abïï puɔ̈l ke cï riääk, në luɔi cïï kek kɔc ke Juda kuur, ku näkkï kɔc cïn kë cïk wööc pinyden.

Lebai 19:15

Du yic ee dhɔ̈ŋic ë luɔi rac, du raan kuany nyin ee kuɛ̈ny bei, ku du ee riɔ̈ɔ̈c në raan kueth, ye gööny de kɔc rɛ̈ɛ̈r në yïn guiir në piathëpiɔ̈u.

Amoth 5:15

Nhiaarkï këpiɛth, ku mankï kërac. Ku yak gööny ŋiëc guiir tëde gööny. Tɛk däŋ bï Bɛ̈nydït Nhialic Awärjäŋ piɔ̈u kok kekë kɔc lik cï döŋ baai de Jothep.

Amoth 5:24

Takï ŋiëc guiëër de löŋ tɔ wat cït man ë pïïu, ku takï piathëpiɔ̈u thiɔɔr cït man ë kiir.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Math 23:23

Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! We ye wal juaar, yï mint, ku anith, ku kumin, ku we ye ka ke löŋ pɔ̈l, ka cït guiëërëlöŋ, ku kokdepiɔ̈u, ku gäm, ka de naamden awärkï wɛl awën, kake adï cäk ke dhil aa looi, ku cäkï kak awën ee pɔ̈l ayadäŋ.

Nyöŋ 10:18

Aye kɔɔr ë yic nɔn bïï mïth abɛɛr ku tiiŋ abaar aa luööi apiɛth, yen anhiaar alɛi rɛ̈ɛ̈r në kɔckuɔ, aye keek gäm kacaam, ku lupɔɔ.

Nyöŋ 24:17

“Duökï yic de alɛi ku yic de mïth abɛɛr ee nööm, ku duökï lupɔ de tiiŋ abaar ee nööm mɛcë ë löny de kë cï dheen nɔm.

Nyöŋ 24:7

“Raan ëbɛ̈n raan lɔ kɔc ë Yithriɛl gɔpiic ku jɔ ke tɔ ee lïm, ku nɔn lee ke ɣaac, ke ke ye lïïm, raanë abï nɔ̈k. Në ee kueerë wek bï kërɛɛcë jɔ nyaai.

Nyöŋ 25:1

Na wën ke lueel Mothe an, “Na cï kɔc kaarou ke Yithriɛl lɔ gööny yic, bï jamden lɔ guiir, ku raan tök acï yök ke cïn kë cï wööc, ku raan däŋë ade guöp awäc.

Nyöŋ 27:19

‘Aciɛɛn de Nhialic abï tɔ̈u ë raan yeth, raan lɔ yic de kɔc lei, ku mïth abɛɛr, ku tiiŋ abaar cam.’ “Ku abïï kɔc kedhie jɔ bɛ̈ɛ̈r an, ‘Amiin!’

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.