Jeremia 22:21 - JAM DE NHIALIC 2011

²¹ Bɛ̈nydït acï jam ke week wään kuɛth wek, ku wek cï jaai bäk jamde piŋ. Yen kë cäk looi ka në pïïrdunic ëbɛ̈n, wek cïï Bɛ̈nydït duëër kɔn riëëu.

Jeremia 22:21 ပူးပေါင်းရင်းမြစ်များ

2 Lëk 33:10

Na cakaa wään cïï Bɛ̈nydït Manatha kekë kɔcke jɔ̈ɔ̈ny, gokï ŋoot ke ke cïï pïŋ.

Diɛt 129:1

Yithriɛl lɛ̈kë wook luɔi cïï ë kɔc ke aterdu yïn yɔŋ të ɣɔn ee yïn meth.

Kɛ̈ŋ 30:9

ku cä bï kuɛth abä nɔm määr në Yïn, ku na cä dak, ke yɛn duëër dhil kual ku ta rinku lɛ̈ɛ̈të.

Yith 48:8

Aa ŋiɛc nɔn cïï ë week duëër ŋɔ̈ɔ̈th, në biäk cïï ë week ŋic ke we ye kɔc ee käŋ rɛɛc. Yeka kɛ̈n wek ee kë cït ee kënë kɔn piŋ taitai, eeŋö cïn en wɛ̈t töŋ cï kɔn tëëk në weyïth ë wïl.

Jeremia 13:10

Kek ee kɔc rɛckë acïk jaai bïk A riëëu. Acïk nïïm riɛl arëët ku jɔkï rac aläl, ku acïk yiëth kɔ̈k lam ku luuikï keek. Ka keek abïk ciët ee lupɔɔkë, lupɔɔ cïï be piath.

Jeremia 19:15

an acïï Bɛ̈nydït de rɛm, Nhialic de Yithriɛl lueel an, “Yɛn bï ee pänydïïtë kekë wuöt thiääk ë yen kedhie, luöi këtuc wään cä lueel an bä looi, në biäk riɛl wek nïïm, ku cäkkï kë luɛɛl ee piŋ.”

Jeremia 2:25

Yïn Yithriɛl du yïcök tɔ baat, ku nɔn bïï yïn röl ril wei ke yï cop yiëth kɔ̈k cök. Ku acï lueel an, ‘Ei! Yɛn cïï rɔt bï pɔ̈k ciëën. Yɛn nhiaar yiëth ke juöör kɔ̈k, ku yɛn bï lɔ në kecök.”’

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Jeremia 25:3

“Në run thiërrou ku diäk, në ruöön thiëër ku diäk wään ye Jothia wën de Amon melik ë Juda agut cï ee köölë, Bɛ̈nydït acï jam ke yɛn, ku yɛn kën kë cï lɛ̈k week kɔn moony. Ku week akënkï piŋ.

Jeremia 25:4

Wek kën këde piŋ, ku cäkkï gɔkic, cakaa nɔn ye Bɛ̈nydït ŋoot ke tuc week tïtke kɔc ee Yen luööi.

Jeremia 25:7

Ku acï Bɛ̈nydït lueel guöp, nɔn cä wek këde rɛɛc piŋ. Acäk tɔ göth në yiëthkun ku bɛ̈ɛ̈ikï luɔi bïï ë këtucde looi ë wegup.

Jeremia 25:8

“Ku në biäk kën wek këde piŋ, aye Bɛ̈nydït de rɛm lueel an,

Jeremia 3:24

Ku läm de Baal yanh de guöp ayäär, acï thökkuɔ ku ɣɔ̈kkuɔ, ku wɛ̈ɛ̈tku ku duetkuɔ, ku këriëëcda ëbɛ̈n ka cïï kuarkuɔ looi thɛɛr tɔ mär.

Jeremia 3:25

Wok duëër tɔ̈c piny në ayäär, ku jɔ ayärda wo kuöm piny. Wook në kuarkuɔ wok cï awɛ̈ɛ̈c looi në ciɛɛŋ, luiku ke Bɛ̈nydït Nhialicda, wok kën kë ye lɛ̈k wook kɔn riëëu.”

Jeremia 32:30

Gɔl të ɣɔn thɛɛr, kɔc ke Yithriɛl ku kɔc ke Juda acïk Yɛn luöi kërac, acïk yɛn tɔ göth në kë cïk looi.

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Jeremia 48:11

Go Bɛ̈nydït lueel an, “Mowap acï ceŋ ke rëër në mätic ku akën ë kɔn peec. Mowap acï ciët mɔ̈n cï pɔ̈l ke kiët ke cïï tɔɔric ku akënë wuöl në gulic tɛ̈ɛ̈uwë ë guldäŋic. Awäude akënë kɔn riɔ̈ɔ̈k, ku amit arëët.

Jeremia 6:16

Go Nhialic lɛ̈k kɔcke an, “Kääckï në apɔ̈k kuɛɛr ku daaikï. Yak kuɛɛr thɛɛr luɔp ku të nu kueer piɛth. Cathkï thïn, ku wek bï rëër në mät.” Ku ayek lueel an, “Ei, acuku bï looi!”

Edhekiɛl 20:13

Ku wään tɔ̈u kek ë jɔ̈ɔ̈ric baai de Yithriɛl acï a bɛ̈n rɛɛc. Acïk lööŋkï dhoŋ kɔ̈ɔ̈th, ku reeckï ka cä lɛ̈k keek, kën ee raan rïïu keek gäm pïïr. Acïk kööl de Thabath rɛɛc taitai. Yɛn aa cï rɔt guiir bä keek tɔ yök agönhdiën tuc në jɔ̈ɔ̈ric ku riääk keek.

Edhekiɛl 20:21

“Ku remë aya acï a rɛɛc. Acïk lööŋkï dhoŋ kɔ̈ɔ̈th, ku cïkï ka cä lɛ̈k keek ë muk, kën ee raan rïïu keek gäm pïïr. Acïk kööl ë Thabath rɛɛc. Yɛn aacï rɔt guiir bä ke tɔ yök agönhdiën tuc ëtɛ̈ɛ̈n në jɔ̈ɔ̈ric ku näk keek kedhie.

Edhekiɛl 20:28

Acä ke bɛ̈ɛ̈i piny wään cän gutguut lueel an bä gäm keek. Na wën tïŋ kek kur bär ku tiim tɔ̈c, gokï miɔ̈c näk gäm keek kedhie. Acïk a tɔ göth në miɔc näk yek nyop ku mɔ̈n yek bɛ̈ɛ̈i ke ye miɔ̈c.

Edhekiɛl 20:8

Ku acïk a rɛɛc, ku cïkï yɛn ee piŋ thok. Akënkï yiëth rackɛnkë cuat wei ku mɛ̈lkï në yiëth ke Rip. Yɛn aa cï rɔt guiir, bä ke tɔ yök agönhdiën tuc wään ë Rip.

Dhep 3:2

Acïï Bɛ̈nydït ee piŋ thok ku nɔn gɛm duide, ku nɔn thiëëc në kuɔɔny.

Dhek 7:7

Yen jam wään tɔ Bɛ̈nydït lueel ë tït ɣɔn thɛɛrë ka, të wään ŋoot ë Jeruthalem ke kueth. Ku ŋoot ke thiäŋ ke kɔc. Të ɣɔn ŋoot ë kɔc juëc ke ke rɛ̈ɛ̈r në wuöt thiääk në Jeruthalem, ku wuöt tɔ̈u baŋ të lɔ wöuwic, ku rɛ̈ɛ̈r kɔ̈k në kur thäär.

Nyöŋ 31:27

Në luɔi ŋiɛc ɛn week, luɔi ya wek kɔc cïn piɔ̈ɔ̈th ku rɛɛckï Bɛ̈nydït, ku na yak Bɛ̈nydït rɛɛc thok ke ya ŋoot ke ya pïïr wo week, ee rɛɛc cït ŋö yen bä wek En lɔ̈ɔ̈k rɛɛc të la yɛn thou?

Nyöŋ 9:24

Gɔl ee të wään ŋiɛc week, wek ee Bɛ̈nydït rɛɛc thok.

Nyöŋ 9:7

“Duökï nïïm mär në luöi cä wek Bɛ̈nydït Nhialicdun tɔ göth ë jɔ̈ɔ̈ric, gɔl ë kööl ɣɔn nyääŋ wek Rip piny agut të ɣëët wek eenë, wek ee Bɛ̈nydït rɛɛc.