Jeremia 22:20 - JAM DE NHIALIC 2011

²⁰ Kɔc ke Jeruthalem lakkï Lebanɔn ku cötkï, lakï piny de Bacan ku dhiaukï, yak cööt në kur ke Mowap nïïm, në biäk cïï kɔc ee mat në week kedhie tiaam.

Jeremia 22:20 ပူးပေါင်းရင်းမြစ်များ

2 Mel 24:7

Ku melik de Rip akën bɛ bɛ̈n bei pinyde, në luɔi cïï akɛɛth ɣɔn ee kake melik de Rip nööm në melik de Babilonia, gɔl në wɛ̈ɛ̈r ë Yuparat lɔŋ të lɔ rut abïï bɛ̈n guööt në aken ë Rip nɔm.

Yith 57:13

Të Dhiaau wek ke we kɔɔr kuɔɔny, takï yiëthkun kony week! Yom thiin put aduëër ke jat wei! Ku kɔc ŋäth Ɛn abïk tɔ̈u ë piny yic ku abïk Ɛn aa lam në kuurdiën ɣeric nɔm.”

Jeremia 2:25

Yïn Yithriɛl du yïcök tɔ baat, ku nɔn bïï yïn röl ril wei ke yï cop yiëth kɔ̈k cök. Ku acï lueel an, ‘Ei! Yɛn cïï rɔt bï pɔ̈k ciëën. Yɛn nhiaar yiëth ke juöör kɔ̈k, ku yɛn bï lɔ në kecök.”’

Jeremia 2:36

Wek cï weyiic tɔ piɔl në kë cä wek röt yal tëde yiëth ke juöör kɔ̈k. Wek bïï kɔc ke Rip riɔ̈ɔ̈k piɔ̈ɔ̈th, cït wään cïï kɔc ke Athiriya ye kɔn luöi week.

Jeremia 2:37

Wek bï röt yal wei tëde kɔc ke Rip, ke we cï gup yäär. Yɛn Bɛ̈nydït, Yɛn cï kɔckuön yak keek ŋɔ̈ɔ̈th rɛɛc, acïn kë bäk yök tëde keek.”

Jeremia 22:22

Bänykun abï ë yom ke kuɔɔth wei, kɔc ee mat ë week abïï ke dɔm tɔŋ ku peec keek ke ke mac, pänydïïtdun abïï yɔ̈ɔ̈r, ku riɔ̈ɔ̈c guöp, në biäk de karɛc cäk looi ëbɛ̈n.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 3:1

Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Jeremia 4:30

Amawoou Jeruthalem! Eeŋö ee yïn cieŋ ë lupɔ amujuŋ thith? Eeŋö ee yïn adhɛ̈p tääu ku giit yïnyin? Yïn tɔ rɔt läk ke cïn kë bä yök thïn! Kɔc nhiaar yïn acïk yïn rɛɛc ku kɔɔrkï bïk yï nɔ̈k.

Dhiëëu 1:19

“Yɛn cï kɔc mät në yɛn cɔɔl, ku acïk jaai bïk a kony. Bäny ke kakë Nhialic ku röördït acïk thou në kuɛɛr ke pänydïtic, ke ke kɔɔr kë cam bï keek muk apïïr.

Dhiëëu 1:2

Ee ruu ke dhiau wakɔ̈u, ku jɔ pïïu wat ë yegëm. Määthkɛn wäänë kedhie, acïn raan cï döŋ bïï yen bɛ̈n duut piɔ̈u. Kɔc wään mät në yen acïk yen nyiɛɛn, ku ënɔɔnë acïk aa kɔc de ater në yen.

Edhekiɛl 23:22

“Ënɔɔnë, Oɣoliba, kë cä lueel kï yɛn Bɛ̈nydït Awärjäŋ kë lɛ̈k yïn. Yïn cï bäp në ee röörkuön nhiaarë, ku abä ke tɔ göth në yïn, ku bɛ̈ɛ̈i keek bïk yïn bɛ̈n gɛɛu cil.

Edhekiɛl 23:9

Guɔ lɔ gäm röör määthkɛn ke Athiriya röörkɛn nhiɛɛr arëët.

Edhekiɛl 27:6

Ku nömkï tiim ke ɣok ke Bacan looi kek lɛ̈th, ku loikï thöckun në tiim ke pain ke Thaiperuth, Ku jɔkï jämic në tuŋ ke aköön.

Kuɛ̈n 27:12

Go Bɛ̈nydït lɛ̈k Mothe an, “Lɔ nhial në kuur de Abarim nɔm, lɔ woi piny gäm kɔc ke Yithriɛl.

Nyöŋ 32:49

an, lɔɔr tëde kur de Abarim piny de Mowɛɛp, të tuööm nɔm kekë pänydït Jeriko, ku lɔɔr në kuur de Nebo nɔm, ku tïŋ piny de Kanaan, piny kaar bä gäm kɔc ke Yithriɛl.