Jeremia 22:11 - JAM DE NHIALIC 2011

¹¹ Aye Bɛ̈nydït lueel në biäk de Jowaɣadh wën ë Jothia, raan ë dɔm bääny ë wun cök ke ee melik de Juda lueel an, “Acï jäl ee në ku acïï yenɔm bï bɛ puk.

Jeremia 22:11 ပူးပေါင်းရင်းမြစ်များ

2 Mel 23:29

Në akööl wään ye Jothia melik, go Neko melik de Rip rem de tɔŋ jɔt ke lɔ melik de Athiriya kony në wɛ̈ɛ̈r ë Yuparat. Ago melik Jothia ye them luɔi bï yen thɔ̈ɔ̈r ke rem de tɔŋ ë Rip në Megido, gokï Jothia nɔ̈k ë tɔŋic.

2 Mel 23:30

Go bänyke guöpde tääu në abël ë jöŋgöör yic ë Megido, ku leerkï Jeruthalem, agokï lɔ tɔ̈ɔ̈u në rɛ̈ŋ ke bäny yiic. Go kɔc ke Juda Jowaɣadh wën ë Jothia tɔc ke ye melik në nyin ë wun yic.

2 Mel 23:31

Jowaɣadh aaye run thiërrou ku diäk, ɣɔn dɔm en bääny ke ye melik de Juda, go bääny muk ë Jeruthalem në pɛ̈i kadiäk. Man acɔl Ɣamutal, nyan de Jeremia wun cɔl Libna.

2 Mel 23:34

Go melik Neko Eliakim wën ë Jothia tɔ ye melik de Juda në nyin ë Jothia yic, ku wɛɛr rin an Jeɣoyakim. Ku leer Jowaɣadh Rip, ku jɔ lɔ thou ëtɛ̈ɛ̈n.

1 Lëk 3:15

ku Jothia ade wɛ̈ɛ̈t kaŋuan, Joɣanan yen ee kɛ̈i, ku lɔ Jeɣoyakim, ku Dhedekia, ku Jowaɣadh.

2 Lëk 28:12

Na wën ke röördït kaŋuan ke dhiën ë Eparaim, yï Adharia wën ë Jeɣoɣanan, ku Berekia wën ë Mecilemoth, ku Jedhikia wën ë Calum, ku Amatha wën ë Ɣadelai, ke ke reec kë cï rem de tɔŋ looi.

2 Lëk 34:22

Go Ɣilikia ku lɔ kɔc kɔ̈k jäl në kë cï melik lɛ̈k keek, lek tëde tiiŋ tiët cɔl Ɣulda, tiiŋ de Calum wën de Tikba, wën de Ɣarɣath, raan ee wïïn ke Luaŋdït muk, (ku ënɔɔnë arɛ̈ɛ̈r ë Jeruthalem wut baŋ de biäk ë Rou), ku jɔkï lɛ̈k kë cï rɔt looi,

Jeremia 22:27

Abäk aa nhiaar adï jak ee wunë bɛ tïŋ, ku wek cïï röt bï bɛ puk.”

Dhep 1:1

Jam de Bɛ̈nydït kï, jam ɣɔn cï gäm Dhepania ɣɔn ee Jothia wën Amon melik në Juda. Dhepania aaye wën ë Kuci, ku Kuci de Gedalia, Gedalia de Amaria, Amaria de Ɣedhekia ɣɔn ee melik.