Jeremia 21:6 - JAM DE NHIALIC 2011

⁶ Ku Yɛn bï ka pïïr ceŋ ee pänydïïtë nɔ̈k kedhie, kɔc ku läi, abïk thou kedhie ë jɔɔk tuc thook.

Jeremia 21:6 ပူးပေါင်းရင်းမြစ်များ

Cäk 6:7

Go Bɛ̈nydït lueel an, “Yɛn bï kɔc cä cak nyaai nyïïn kedhie në piny nɔm, abïï ciɛ̈n tök. Ku läi, ku diɛt, ku ka ye mol, abä ke nyaai nyïïn kedhie. Në luɔi cän piɔ̈u rac në kë ë cäk keek.”

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Jeremia 14:12

Cakaa kek ë reec këcam, Yɛn cïï lɔ̈ŋden bï kɔɔr kek kuɔɔny bï piŋ, na cakaa kek ë gëm Yɛn miɔ̈c ye nyop ëbɛ̈n, ku nɔn ee miɔ̈c ë rap, Yɛn cïï piɔ̈u bï miɛt wo keek. Abä keek nɔ̈k ë abätäu, ku näk keek ë cɔk ku jɔɔk.”

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 20:4

Acïï Bɛ̈nydït lueel guöp an, “Yïn bä tɔ ee këde riɔ̈ɔ̈c tëde yïn guöpdu, ku tëde määthku, ku abä keek tïŋ anäk keek në abätäu de kɔc ke aterden. Yɛn bï kɔc ke Juda kedhie tääu në riɛl de Babilonia ciin, abï kɔc kɔ̈k jɔt ke ke mac leer ke pinyde ku nɛ̈k kɔc kɔ̈k.

Jeremia 32:24

“Ku kɔc ke Babilon acïk pänydït tuɔɔk cil ku akɔɔrkï bïk peec, ku amɛkkï ënɔɔnë. Tɔŋ, ku cɔk, ku jɔk abï pänydït tɔ lööny ë kecin. Aduëërë tïŋ kek ka wään cï lueel ëbɛ̈n acïk aa yic.

Jeremia 33:12

Acïï Bɛ̈nydït de rɛm lueel an, “Në ee pinyë yic, piny cï ciët jɔ̈ɔ̈ric ku ye të cïn kɔc ku nɔn ee läi rɛ̈ɛ̈r thïn, abï yic bɛ dɛ wal bï tïït ke thök thök bɛ tɔ lɔ nyuääth thïn.

Jeremia 34:17

Ka ënɔɔnë Aya lueel Yɛn Bɛ̈nydït wek kën ya riëëu: Wek kën mïthëkɔckuön ke Yithriɛl gäm nɔm lääuden. Apiɛth aläl, wek bä gäm nɔm lääu: nɔm lääu bä wek thou ë tɔŋic, ku jɔk, ku cɔk. Yɛn bï juöör ke pinynɔm ëbɛ̈n tɔ päu në kë bä luöi week.

Jeremia 36:29

Go ë Bɛ̈nydït lɛ̈k Jeremia bï lɔ lɛ̈k melik an, “Yïn cï awerek nyop, ku yïn cï Jeremia luɔp an eeŋö gɛ̈ɛ̈r en en nɔn bïï melik de Babilonia bɛ̈n ku riëëk ee pinyë, ku nɛ̈k kɔckë ku läike.

Jeremia 42:22

Ka ënɔɔnë jakï kënë aa tak: Wek bï thou tɔŋ ku nɔn ee cɔk ku nɔn ee jɔk në piny kaarkï bä wek lɔ rëër thïnë.”

Jeremia 7:20

Ka Yɛn Bɛ̈nydït Awärjäŋ, Yɛn bï agönhdï wäl ee Luaŋdït guöp. Ku abä wäl në kɔc gup ku läi gup akït, ayï tiim ku rap. Agönhdï abï ciët many cïn raan ee ye tɔ liu.

Edhekiɛl 12:16

Yɛn bï kɔc lik tɔ pïïr në tɔŋic, ku cɔk, ku jɔɔk, yen abïï kek e jɔ ŋic në juöör yiic ëtɛ̈ɛ̈n, abïk jɔ ŋic nɔn rɛɛc ë ka wään yek looi, ku abïk a ŋic nɔn ee Yɛn Bɛ̈nydït.”

Edhekiɛl 14:13

“Mɛnh ë raan, na cï wut awäc looi ku acïn adöt tëde yɛn, yɛn bï yaciin riɛny biic ku riääk kakɛn ee ke yiɛ̈n kacaam. Abä keek tuöc cɔk, ku näk kɔc ku ɣök aya.

Edhekiɛl 14:17

“Ku nɔn bä tɔŋ yiɛ̈n ee pinyë, ku tuöc ke tɔŋ rɛɛc bï raan ëbɛ̈n nɔ̈k ku läi athɔ̈ŋ,

Edhekiɛl 14:19

“Na tuɔɔc jɔk ee pinyë, ku jat wëi ke kɔc juëc në agönhdï, näk kɔc ku läi,

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 33:27

“Lɛ̈kë keek an Yɛn Bɛ̈nydït Awärjäŋ ajääny keek, në yic, kɔc rɛ̈ɛ̈r në pɛ̈ɛ̈ny cï riɔ̈ɔ̈k yiic abïï ke nɔ̈k. Kɔc rɛ̈ɛ̈r në wuöt biic yiic abïï läi roor ke cuet. Kɔc cï thiaan në kur nïïm ku në kök ke kur yiic abïk thou në jɔɔk.

Edhekiɛl 33:29

Na lɔ kɔc luöi këtuc në biäk de awɛ̈ɛ̈cken, ku ta piny päl, ëtɛ̈ɛ̈n abïk jɔ ŋic nɔn ee Yɛn Bɛ̈nydït.”

Edhekiɛl 7:15

Ade tɔŋ në kuɛɛr yiic, ku juäi ku cɔk në ɣööt yiic. Raan ee lɔ biic ëbɛ̈n abï thou në tɔŋic, ku raan tɔ̈u në pänydït yic ëbɛ̈n, abï thou në juäi ku cɔk.

Ɣodh 4:3

Ku në biäk de ye kakë, këriëëc de pinyden abï yom, ku këriëëcdun pïïr ëbɛ̈n abï nuan ku thou: Läi, ku diɛt, agut cï rec abïk thou wïïr.

Maika 3:12

Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.

Dhep 1:3

Yɛn bï kɔc ku läi ku diɛt ayï rec riɔ̈ɔ̈k ëbɛ̈n. Ku riääk kërɛɛc ee kɔc tɔ wiëëk. Yɛn bï mɛnh ë raan riɔ̈ɔ̈r nyin në pinynɔm taitai. Yen kë cïï Bɛ̈nydït lueel ka.

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.