Jeremia 20:8 - JAM DE NHIALIC 2011

⁸ Të ee yɛn jam yɛn ee dhiau ë röldït ku kiɛɛu an, “Akuöörkuöör! Riääk!” Bɛ̈nydït yɛn ye dɔl guöp, ku biɔn yɛn guöp në biäk yan jamdu lueel.

Jeremia 20:8 ပူးပေါင်းရင်းမြစ်များ

2 Mel 2:23

Go Elica jäl ë Jeriko le Bethel, na wën aa jɔ cath kueer, go wäthii bɛ̈n bei wutic ku getkï guöp, ke yek lueel an, “Anɔm baar lɔ nhial Anɔm baar lɔ nhial!”

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Yith 57:4

Eeŋa këduön jakï dɔl guöpë? Eeŋa këduön yak lɛ̈k lueth ku bɔ̈ikï?

Jeremia 15:10

Amawoou yɛn dhiau piɔ̈u! Eeŋö jɔ amaar yɛn bɛ̈ɛ̈i ë piny nɔm? Yɛn ee göth ku tɛɛr wo kɔc ëbɛ̈n kɔc ke pinyda. Yɛn cïn wënh cä nööm ku cïn wënh cä gam, ku kɔc kedhie ayek ya läm aciɛɛn.

Jeremia 15:15

Aguɔ lueel an, “Bɛ̈nydït, Yïn ee käŋ yökiic. Ye ya tak ku kony yɛn. Tɔ ya guur rɔt në kɔc ee yɛn yɔŋ. Du go tïït aläl agokï yɛn cïï bï nɔ̈k. Ye tak apiɛth ee biäkdu yen aye ë yɛn läät.

Jeremia 17:27

Ku abïk ya dhil riëëu, ku dötkï Thabath ke ee kööldiën ɣeric. Acïkï kathiek bï dhil aa tɛ̈ɛ̈k ë kal thok ë Jeruthalem ee köölë, na lek lɔ looi, yɛn bï thoŋ ë kal de Jeruthalem nyop ë mac. Mac abï ɣööt ke bääny nyuɔp piny ë Jeruthalem, ku acïn raan bï ye liɛɛu.”

Jeremia 20:7

Bɛ̈nydït Yïn cï yɛn math, ku yɛn cï math. Yïn ril awär yɛn, ku yïn cï ya tiaam. Ku raan ëbɛ̈n ee ya dɔl guöp, ayek ya bui guöp akööliic ëbɛ̈n.

Jeremia 28:8

Tït ɣɔn cï jam ɣɔn thɛɛr, ke ya ŋoot wei ku ŋuɔɔtë wei, acïk caar nɔn bïï tɔŋ, ku cɔk, ku jɔɔk bɛ̈n, abïk bɛ̈n ë juöör juëc gup ku ciɛɛŋ ril gup.

Jeremia 5:1

Kɔc ke Jeruthalem, katkï ke we kuany kuɛɛriic! Tiëŋkï welɔ̈m! Woikï në gupkun! Kaarkï ɣään ke ɣɔ̈ɔ̈c! Duɛ̈ɛ̈rkï raan tök yök raan ee yic looi ku ye them bï piɔ̈u adöt ke Nhialic? Na bä ye lëu ke Bɛ̈nydït abï Jeruthalem päl awänyde.

Jeremia 5:6

Në biäk de ee kënë yen abïï köör roor keek nɔ̈k, abïï aŋuööth ke jɔ̈ɔ̈ric keek riɔ̈ɔ̈k, ku kuac abï aa cath ë pɛ̈ɛ̈nydïtken yiic. Të lee ee kɔckë lɔ biic, abïï keek rɛt yiic, në biäk juëc awɛ̈ɛ̈cken, ku ayek cool ke ke jäl ë Nhialic lɔ̈ɔ̈m.

Jeremia 6:10

Guɔ bɛ̈ɛ̈r luɛɛl an, “Eeŋa bï këdï piŋ na la jam wo keek ku jääny keek? Ayek kɔc ril nïïm ku acïk jaai bïk jamdï piŋ, ayek kë cï lëk ɛn bä lueel dɔl.

Jeremia 7:9

Wek ee kual, ku näkkï, ku nämkï diäär, ku yak kuëëŋ në lueth, ku nyuöpkï Baal wal ŋïr, ku lamkï yiëth kënkï keek kɔn ŋic ɣɔn thɛɛr.

Ɣabakuk 1:3

Eeŋö tɔ yïn ɛn tïŋ ee kërɛɛcë? Ku eeŋö duëër Yïn karɛc loi guum ke ke woi? Riääk ku akuöörkuöör kek anu në yalɔ̈ɔ̈m, ku tɔɔŋ ku agööth acïk juëc.

Luk 11:45

Go raan tök ë bäny ke löŋ jɔ bɛ̈ɛ̈r, yöök an, “Bɛ̈ny ee wëët, luɛl lueel yïn ee kakë, ke yïn ë wook lat aya!”

Ɣeberuu 11:26

Aa ŋic ë Mothe an wëu juëc kuöt nïïm paan ë Rip, acïkï piath de ka buk yök në guöm gum wok në kɔc ke Nhialic ëtök bï wöör, në biäk de Kërtho, aa ŋäth ariöp ŋuän nu tëde Nhialic.

Ɣeberuu 13:13

Yen kë duëër wok lɔ ka në wut këc biic, lok ayäär rɔm në yen ëtök.

1 Pet 4:14

Tën ee we cäk thook në biäk de rin ke Kërtho, ka ye thieithieei week, Wëi ke dhuëëŋ ku Wei ke Nhialic ë ke rɛ̈ɛ̈r ë wegup: ee ke bï aa läät tëde keek, ku ye dhuëëŋ tëde week.