Jeremia 20:16 - JAM DE NHIALIC 2011

¹⁶ Tɔ cït ee pɛ̈ɛ̈nydïtkë, pɛ̈ɛ̈nydït cïï Bɛ̈nydït ke riɔ̈ɔ̈k ke cïn kokëpiɔ̈u. Tɔ piŋ dhiën de arɛɛm ë dhiëëuwic, ku piŋ kaaŋ de tɔŋ aköl,

Jeremia 20:16 ပူးပေါင်းရင်းမြစ်များ

Jeremia 18:22

Tɔ kɔc bɔ̈ bïk ɣöötken bɛ̈n yakiic ke cïn lëk, tɔ keek dhiau në riɔ̈ɔ̈c. Acïk ya wɛ̈c pul bän lööny thïn, ku acïk wïn ë dɛ̈p dɛɛp bïï kek ya dɔm.

Jeremia 18:8

ku na cï ee jurë rɔt puk në karɛcke yiic, Yɛn cïï kë cä lueel an luɔi bï looi.

Jeremia 23:14

Ku Yɛn cï tït ke Jeruthalem tïŋ aloikï karɛc aläl, ayek diäär nööm ku luelkï lueth, ayek kɔc kuɔny bïk karɛc looi, ka acïn raan ee luɔi de karɛc dɔ̈m kɔ̈ɔ̈c. Aya ke tïŋ acïk rac kedhie, cït kɔc ke Thɔdom ku Gomoora

Jeremia 26:13

Wek bï kueerduön ya wek rëër ku kakuön yak looi dhil waaric, ku we bï Bɛ̈nydït Nhialicdun dhil riëëu, na lak looi, abï yenɔm waar në riääk cï lueel an bïï yiɛ̈n week.

Jeremia 4:19

Arɛɛm! Yɛn cïï arɛɛm bï lëu në guöm! Ya piɔ̈u! Yɛn cï piɔ̈u lɔ lik arëët! Yɛn cïï duëër mim, yɛn cï röl de kɛŋ piŋ akoth, ku awuɔɔu de tɔŋ.

Dhiëëu 4:6

Kɔckï acï keek luöi këtuc, këtuc wär këtuc cï luöi kɔc ceŋ Thɔdom, kɔc ɣɔn yök duëër adur ë thiäu ë Nhialic cin.

Edhekiɛl 21:22

Ënɔɔnë! Ciin cuënyde amuk wïnh ë dhaŋ cï giit an ‘Jeruthalem’ aye yɔ̈ɔ̈k bïï kɛ̈l lɔ dhuööŋ thook, ku looi awuɔɔu de tɔŋ, ku took kɛ̈l thook, ku thɔɔc tiɔp nɔm, ku wec puɔ̈l.

Ɣodh 10:14

awuɔɔu de tɔŋ abï rɔt jɔ̈t week, ka pänykuön ril cäk yïk, abï keek thuöör piny kedhie. Abï ciët man ɣɔn thuur ë melik Calman pänydït de Beth Arbel piny në kööl ë tɔŋ, ago diäär dhiac piny abïk thou në mïthken ëtök.

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Ɣodh 13:14

Bä keek wɛ̈ɛ̈r bei paan ë thuɔɔu? Nu jɔɔkku ë nou yïn thuɔɔu? Luöi këtuc, nɔ̈k! Bɛ̈ɛ̈iyë Ku nu riääkdun ë nou wek rɛ̈ŋ? Yɛn cïï piɔ̈u bï bɛ kɔn kok wo keek.

Amoth 1:14

Në biäk de ee kënë, Yɛn bï mac tuɔɔc Raba bï lɔ nyuɔp piny, ku nyop ɣään riilke piny. Ku ëtɛ̈ɛ̈n, abï dɛ awuɔɔu de tɔŋ, ku anuɔɔn de kööl amaŋdït.

Amoth 2:2

Në biäk de ee kënë, yɛn bï mac tuɔɔc Mowap le nyuɔp piny, ku nyop ɣään riilke piny në Kerioth. Ku kɔc ke Mowap abï keek tiaam, ku näk keek në awuɔɔu de tɔŋ, ku lɔ rem de tɔŋ ke ke kïïu, ku lɔ kaaŋ ke koth.

Amoth 4:11

“Yɛn ë kɔckuön kɔ̈k riɔ̈ɔ̈k cït man wään riääk Ɛn Thɔdom kekë Gomoora. Kɔc cï pïïr ë we yiic, wek cït luny ë tim ë göpë bei mɛɛc. Ku wek ŋoot ke we kën röt pɔ̈k Ɛn.” Kë cïï Bɛ̈nydït lueel ka.

Jona 3:4

Ku yen gɔl ë Jona yen në ciɛɛthë yic në kööl tök. Na wën aa cï caathic ke yöök kɔc nu thïn an, “Ninebe abï riɔ̈ɔ̈k të le nïn thiërŋuan thook thök!

Jona 4:2

Ago lɔ̈ŋ an, “Bɛ̈nydït, cie kë wään ŋiɛc ka, luɔi bïï Yïn ë looi aya, wään ŋuɔɔt ɛn paanda? Ee yen ë tɔ ya kɔt ke ya lɔ wun cɔl Tarcic. Aa ŋiɛc luɔi Yïn Nhialic de nɔm nhiëër agɔk, ku päl de karɛc, Yïn ee piɔ̈u adhuɛ̈ŋ ku ye piɔ̈u dap kok, ku Yïn ee Yïnɔm dap waar ku cïï kɔc ee luöi këtuc.

Dhep 1:16

ee kööl cï thiäŋ kekë awuɔɔu de röl ë kɛŋ ke tɔŋ, ku röl de kiɛɛu de rem de tɔŋ mɛk pɛ̈ɛ̈nydït cï gël ku ɣööt bär cï yïk ë kuur.

Dhep 2:9

Ku në biäk de ee kënë, Yɛn Bɛ̈nydït de rɛm pïïr, Yɛn ë kuëëŋ nɔn bï yɛn Mowap kekë Ammon dhiɛl tɔ cït Thɔdom, ku Gomoora, abï ya piny de amilɔ ku puɔ̈l, ku ee piny ee yuööt yen bï rɔt jɔt thïn, ku cïn raan ceŋe anande. Abïï jurdiën lik cï döŋ apïïr ke yak ku nömkï pinyden.

Luk 17:29

Ku kööl ë jiël Lɔt ë Thɔdom, kööl manë guöp, ke mac löny nhial kekë thulpur, bï ku nɛ̈k keek kedhie.

Nyöŋ 29:22

“Në rɛm bï bɛ̈n wadäŋ abïï mïth ke mïthkun ku alɛi tɔ̈u tëmec tïŋ, yen riääk ku nuan cï Bɛ̈nydït bɛ̈ɛ̈i pinydun.

Nyöŋ 29:23

Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,

2 Pet 2:6

Ku kuiith pɛ̈ɛ̈nydït Thɔdom ku Gomoora piny ë mac abïk aa ŋeth, guiir en löŋden, an, bïke dhuöör piny, ago ke tɔ ye kääŋ bï kɔc bɛ̈ɛ̈i nïïm, kɔc an, bïk Nhialic aa rɛɛc riëëu.

Juda 1:7

Cït man ë Thɔdom ku Gɔmoora, ayï pɛ̈ɛ̈nydït ë nu ë ke këc, të cï kek röt aa gäm luɔi de dhööm, cït man ë tuucnhialkë, ku yek gup lei kɔɔr, ke ke jɔ tääu ë kɔc nïïm abï aa kë ye kɔc bɛ̈ɛ̈i nïïm, në yöŋ cï kek këtucden yök mɛɛc many tɔ̈u athɛɛr.