Jeremia 20:12 - JAM DE NHIALIC 2011

¹² Ku Bɛ̈nydït de rɛm, Yïn ee kɔc them ë yic, yïn ŋic kë nu ë kenïïm ku në kepiɔ̈ɔ̈th. Tɔ ya tïŋ yïn ke yï guur këdï në kɔc ke aterdï, në biäk cän göönydï tääu ë yïcin.

Jeremia 20:12 ပူးပေါင်းရင်းမြစ်များ

2 Lëk 24:22

Melik acï nɔm guɔ määr në luɔi piɛth cïï Jeɣoyada wun Dhekaria luöi en, ku yɔ̈ɔ̈k kɔc bïk Dhekaria nɔ̈k. Na wën aacï Dhekaria thiɔ̈k ke thuɔɔu, go cööt ë röldït an, “Bɛ̈nydït abï kë loiyë tïŋ ku lui yïn këtuc!”

Diɛt 11:5

Bɛ̈nydït ee kɔc rac them ku them kɔc piɛthpiɔ̈ɔ̈th, ku piɔ̈nde aman raan nhiaar akuöörkuöör.

Diɛt 139:23

Nhialic, woi yapiɔ̈u ku them ɛn, ku ye täŋdï kɔɔric.

Diɛt 17:3

Yïn ŋic a piɔ̈u. Yïn ee ya neem wakɔ̈u, Yïn cï a them arëët, acïn rɛ̈ɛ̈c cï yök në ya guöp,

Diɛt 54:7

Yïn cï ya luök në nuɛɛnkï yiic kedhie, ku yɛn cï kɔc ke aterdï tïŋ ke ke cï tiaam.

Diɛt 58:10

Kɔc piɛthpiɔ̈ɔ̈th abïk piɔ̈ɔ̈th miɛt të le kek kɔc rac tïŋ aluiyë keek këtuc, abïk kecök waak në riɛm de kɔc rac yiic.

Diɛt 59:10

Nhialicdï tɔ nhiëërduön agɔk yök ɛn, abï yɛn tɔ tïŋ kɔc ke aterdï ke ke cï tiaam.

Diɛt 62:8

Kɔckï yak, Nhialic ŋɔ̈ɔ̈th aköölnyïïn. Yak lɛ̈k kë nuan week ëbɛ̈n, Nhialic ee tëde thiaan.

Diɛt 7:9

Yïn ee Nhialic Piɛthpiɔ̈u, ku ye täŋda ku këde piɔ̈nda them. Tɔ luɔi de kɔc ee kërac looi kääc, ku cuöötë kɔc ee kapiɛth looi.

Diɛt 86:4

Bɛ̈nydït tɔ awundu mit piɔ̈u, në biäk ye lɔ̈ŋdï lɔ tëde Yïn nhial.

Yith 37:14

Go melik Ɣedhekia ë awerekë nööm tëde tuuc ku jɔ kueenic. Go lɔ Luaŋdït ku tɛ̈ɛ̈u awerekë në Bɛ̈nydït nɔm,

Yith 38:14

Yɛn ë röl kuur ku acïï be ë piŋ, ka yɛn aa dhiau cït guuk. Yɛn ë nyin ŋoot në luɔi wɔi yɛn paannhial. Bɛ̈nydït acï a luäk në nuanë yic ëbɛ̈n.

Jeremia 11:20

Na wën ke ya läŋ an, “Bɛ̈nydït de rɛm, Yïn ee Raan ee löŋ guiir në yic, Yïn ee täŋ de kɔc them ku them kë yek thɔ̈ɔ̈ŋ. Yɛn cï göönydï tääu ë yïcin, ka Yïn kaar bä Yïn tïŋ ke yï guur yɛn në ee kɔckë.”

Jeremia 12:8

Kɔckiën cä lɔc acïk röt pɔ̈k Yɛn, cï köör tɔ̈u rooric, acïk ŋäär ke ke bëk Yɛn, ka Acä ke maan.

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Jeremia 17:18

Bɛ̈ɛ̈iyë ayäär në kɔc ee ya yɔŋ gup, ku luäk yɛn Bɛ̈nydït. Thiɔ̈ŋ keek në riɔ̈ɔ̈c, ku du yɛn tɔ riɔ̈c. Bɛ̈ɛ̈iyë riääk në kegup, ku dhoŋ keek abïk lɔ thorthor.

1 Pet 2:23

raan wään lɛ̈ɛ̈të, ku cïï be lat, wään guum en kërac, ke cïï kɔc wai, ku cï këde tääu ë Raan cin Raan ee löŋ ŋiëc guiir ëgɔk.

1 Pet 4:19

Yen ka, kɔc ee kërac guum në këde piɔ̈n ë Nhialic ë ke ye wëiken kuɛ̈i Nhialic në luɔiden piɛth yek looi, luɔi ee yen Aciëŋ dïït ee käŋ ŋiëc döt.

Nyuuth 18:20

Jakï piɔ̈ɔ̈th miɛt ë yen, yïn paannhial, ku wek kɔc ɣerpiɔ̈ɔ̈th, ku wek tuuc, ku wek tït, luɔi cï Nhialic we guöör në guiëër cï en löŋde guiir atuc!

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

Nyuuth 6:10

Agokï cööt ë röl dït luelkï, an, “Ee nɛn, yïn Bɛ̈nydït, ɣeric ku ye yic, en bï yïn löŋ guiir, ku bä riɛmda guöör ë kɔc rɛ̈ɛ̈r ë piny nɔm në biäk cï kek wo nɔ̈k?”

1 Tham 1:15

Ago Ɣana ye bɛ̈ɛ̈r an, “Acie yeka bɛ̈nydï, yɛn ee tiiŋ cï nuan arëët, ku yɛn kën kɔn dek ë mɔ̈u ayï mɔ̈n tuc. Yɛn aa läŋ Bɛ̈nydït në yapiɔ̈u ëbɛ̈n.