Jeremia 2:8 - JAM DE NHIALIC 2011

⁸ Bäny de kake Nhialic akënkï thiëëc an, tɔ̈u Bɛ̈nydït ënou? Bäny ke kake Nhialic de nɔmdï akuckï Yɛn. Bäny ke baai acïk A rɛɛc, ku jam tït në rin ke Baal, ku lɛmkï yiëth cïn naamden.

Jeremia 2:8 ပူးပေါင်းရင်းမြစ်များ

1 Mel 18:22

Go Elija lueel, an, “Yɛn aye tiët ë Bɛ̈nydït cï döŋ yatök, ku tït ke Baal ayek bot kaŋuan ku thiërdhïc.

1 Mel 18:29

Gokï cool ë wou ë ke riäŋ abï akɔ̈l thëi, ku cïn raan piŋ këdäŋ, ku cïn röl cï bɛ̈n piŋ.

1 Mel 18:40

Go Elija lɛ̈k keek, an, “Damkï tït ke Baal, duökï de töŋ takï bän.” Go kɔc ke dɔm kedhie, ku lee ë Elija ke piny në nyin ë Kicon le ke nɔ̈k ëtɛ̈ɛ̈n.

Jop 35:10

Ku cïkï röt puk Nhialic Aciëŋden, Raan ee ke tɔ ŋäth në akööl ke nuandït.

Yith 28:7

Acakaa nɔn ye bäny ke kake Nhialic ku tït wiɛɛt ë mɔ̈u ku yek tuëk. Acïk wiɛɛt ë mɔ̈n tuc arëët ka yek cath ë käŋkäŋ ke ke cï nïïm nuɔɔn. Tït ke Nhialic acïk wiɛɛt ë mɔ̈n tuc ka acïkï nyuuth cïï Nhialic tuööc ee bɛ yökic, ku bäny ke kake Nhialic acïk wiɛɛt ka acïkï göny cï yiɛ̈n keek ee guiir.

Yith 29:10

Bɛ̈nydït ë we tɔ nok, ë döŋ ke ye nïn yen bä wek niin arëët. Tït ke Nhialic aduëërkï aa nyïïn ke kɔc, ku acï Nhialic ke cɔɔr nyïïn.

Yith 30:5

kɔc ke Juda abïk röt tak në kë ŋɛ̈ɛ̈th kek jur cïn guöp kony, jur ee keek päl wei të kɔɔr kek kuɔɔny.”

Jeremia 10:21

Aguɔ bɛ̈ɛ̈r an, “Bänykuɔ ayek dhän, acïkï Bɛ̈nydït ee luɔp bïï ke wat. Yen kën ë tɔ keek löny ka, ku kɔckuɔ acï keek thiɔ̈i.

Jeremia 12:10

Bäny juëc ke juöör kɔ̈k acïk domdï riɔ̈ɔ̈k, acïk duumkï duöm piny, acïk pinydiën piɛth tɔ ee jɔ̈ɔ̈r.

Jeremia 16:19

Bɛ̈nydït ee Yïn ee Raan ee ya gël ku gämë yɛn riɛl, Yïn cï kuɔny në akööl ke nuan, juöör abïk aa bɛ̈n tëde de Yïn ë piny thar ku luelkï an, “Kuarkuɔ aake de nïïm yiëth alueth, ayek yiëth cïn naamden.

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 2:11

Acïn jur däŋ cï yanhdɛn yek lam kɔn waar, na cakaa nɔn cïï kek ee yic. Ku kɔckï acïk A waar, Yɛn Nhialic ɣɔn ë gëm keek dhuëëŋ, waarkï Yɛn në yiëth cïn kë duëërkï luöi keek.

Jeremia 2:6

Akënkï diɛɛr në Yɛn, cakaa nɔn cän ke luäk bei në Rip, ku caath keek në jɔ̈ɔ̈ric, piny ril cïnic pïïu, të cïn raan rɛ̈ɛ̈r thïn, ku cïn raan ee cath thïn.

Jeremia 4:22

Aye Bɛ̈nydït lueel an, “Kɔckï apiɔlkï piɔ̈ɔ̈th, akuckï Yɛn. Acïtkï mïth piɔl piɔ̈ɔ̈th, acïnkï ŋïny de käŋ. Keek ayek atëët ke luɔi de kërac, ku ayek löny në luɔi de këpiɛth.”

Jeremia 5:31

tït ee lueth ke yek lueel, bäny de kakë Nhialic ayek käŋ looi, ku jɔ tït keek aa yɔ̈ɔ̈k, ku kɔckï acïn kë yek rɛɛc. Ku eeŋö bïk looi të lee këriëëc ëbɛ̈n lɔ kɔ̈ɔ̈c?”

Jeremia 7:8

“Tiëŋkï wek ee wël ke mɛth ŋɔ̈ɔ̈th.

Jeremia 9:14

Acïk nïïm riɛl, ku jɔkï yiëth ke Baal lam cït man cï kuarken keek wɛ̈ɛ̈t bïk aa looi.

Edhekiɛl 22:26

Bäny ke kake Nhialic adhoŋkï lööŋke kɔ̈ɔ̈th, ku acïk ciën riëëu de kaɣer yiic. Acïkï käŋ ee bɛ pɔ̈ɔ̈c yiic në kaam de kaɣer yiic ku ka cïï yiic ɣer. Acïkï kɔc ee bɛ wɛ̈ɛ̈t bï kɔc kapiɛth ku karɛc ŋic, ku ayek kööl de Thabath tɔ cïn naamde. Ku në biäk de ee kënë kɔc ke Yithriɛl acïkï Yɛn ee riëëu.

Edhekiɛl 34:2

“Mɛnh ë raan, rɛɛcë bäny ke Yithriɛl. Cäär tëde keek, ku lɛ̈kë keek kë luɛɛl Yɛn Bɛ̈nydït Awärjäŋ: lɛ̈kë keek: Amawoou në week, wek tïït ke Yithriɛl! Wek ee röt muk apiɛth ku wek cïï thök ee kɔn tiit.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Ɣabakuk 2:18

Eeŋö duɛ̈ɛ̈rkï yök në läm de yiëth ë guaŋkï në we cin? Duëër aa ŋö, kë ye kɔc kak ë guaŋkï në ke cïn ŋɔ̈ɔ̈th, ku gamkï tör de lueth cït ee kënë, yiëth cie jam!

Math 16:26

Të ciɛmë raan piny nɔm ëbɛ̈n, ku mɛ̈ɛ̈r wëike, ke piathde akou? Bï raan ŋö gam wɛɛr en wëike?

Luk 11:52

“Amawoou në week, wek bäny ke löŋ! Wek cï gäärgäär de ŋïnydekäŋ jɔt, wegup wek kën lɔ ɣöt, ku kɔc wën an, lek ɣöt, acäk ke pëën!”

Jɔn 16:3

Ku kakë abïk ke luöi week, në kuny kuc kek Wäär, ayïk ɛn.

Jɔn 8:55

ku akɛ̈nkï ŋic: ku aŋiɛc yɛn, ku na luɛɛl en an, akuöc ke yɛn bï ya alueeth cït week: ku aŋiɛc, ku ya jamde döt.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

Nyöŋ 33:10

Abïk mïthku wɛ̈ɛ̈t bïk löŋdu aa riëëu. Abïk miɔ̈c de wal ŋïr ku miɔ̈c ye nyop aa gam në yïïŋdï kɔ̈u.

1 Tham 12:21

Duökï yiëth ee kɔc math kuany cök, acïkï week bï kony ku acïkï week bï gël, në biäk ee kek lueth.

1 Tham 2:12

Wɛ̈ɛ̈t ke Eli ayek kɔc ee karɛc looi. Acïkï jam ë Bɛ̈nydït ee piŋ,