Jeremia 2:5 - JAM DE NHIALIC 2011

⁵ Aye Bɛ̈nydït lueel an, “Ee gɔny ŋö cïï kuarkun yiɛ̈n Ɛn? Eeŋö tɔ ke yiɛl röt wei tëde Yɛn? Ayek yiëth cïn naamden lam, ku jɔkï ciën naamden gupken.

Jeremia 2:5 ပူးပေါင်းရင်းမြစ်များ

2 Mel 17:15

Acïk lööŋke dhɔɔtiic, ku akënkï löŋ ɣɔn cï mac ke kuarken riëëu. Acïk yiëth rac lam, agokï jɔ rac gupken, ku jɔkï ciɛɛŋ de juöör thiääk në keek kuany cök, ku akënkï löŋ de Bɛ̈nydït wään cï lɛ̈k keek riëëu an cïkkï keek bï kuany cök.

Diɛt 115:8

Në raan ëbɛ̈n raan ee yiëth looi ku kɔc ee keek ŋɔ̈ɔ̈th abïk ciët ee yiëthkɛn cïn naamden.

Yith 29:13

Acï Bɛ̈nydït lueel an, “Kɔckë ayek röt tɔ ye kɔc lam ɛn, ku jamden ee ɣɔ̈ric, ku piɔ̈ɔ̈thken anukï tëdäŋ pei. Ka yek theek ee lööŋ ke kɔc tei, ku ciɛɛŋ thɛɛr, ka cïk keek tääu ë kenïïm.

Yith 44:9

Kɔc ee yiëth looi kedhie acïnkï naamden, ku yiëth yek leec aläl acïnkï thaarden. Kɔc ee yiëthkë lam acïk cɔɔr ku acïn kë ŋickï ku abïk gup yäär.

Yith 46:12

“Piɛŋkï këdï, wek kɔc ril nïïm, kɔc ee ye tak nɔn mec ë tiëm aläl.

Jeremia 10:8

Keek kedhie ayek dhän ku piɔlkï piɔ̈ɔ̈th. Eeŋö duëërkï ŋic tëde yiëth cï looi ë tim? Kë ye yiëthken wɛ̈ɛ̈t acïn kony.

Jeremia 12:2

Aye keek com, ku ayek ɣet piny, ayek luɔk, ku dhiëthkï mïth. Ayek jam apiɛth ë biäkdu, ku acïkï Yïn ee riëëu guöp ëyic.

Jeremia 14:22

Acïn yanh de juöör kɔ̈k duëër deŋ bɛ̈ɛ̈i, ayï tënhial yetök acïï duëër nyieer. Wok cï aŋäth tääu ë Yïguöp, Yïn Bɛ̈nydït Nhialicda, në biäk yen Yïn ë loi ee kakë.

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Jeremia 2:4

Piɛŋkï jam de Bɛ̈nydït, wek kuat de Jakop, wek bɛ̈i ke baai de Yithriɛl.

Jeremia 8:19

Piɛŋkï! Piny yic ëbɛ̈n, Yɛn ee kɔckï piŋ röt ke ke dhiau an, “Cïï Bɛ̈nydït be tɔ̈u ë Dhiɔn? Cïï melikde bï tɔ̈u ëtɛ̈ɛ̈n?” Go Bɛ̈nydït melikden bɛ̈ɛ̈r an, “Eeŋö ta wek Ɛn göth ë lam ë yiëthkun, ku eeŋö ya wek we nïïm guöt piny në yiëth nïïm?”

Edhekiɛl 11:15

“Mɛnh ë raan, kɔc rɛ̈ɛ̈r në Jeruthalem ajamkï në biäkdu ku në biäk de mïthëkɔckuön cï peec. Ayek lueel an ‘Baai de Yithriɛl cï peec ëbɛ̈n anukï në ɣään mec bï kek Bɛ̈nydït lam. Acï wo gäm piny ke ye këda.’

Edhekiɛl 14:5

Yiëth kedhie acïk baai de Yithriɛl yal wei tëde yɛn, ku në bëërdï yic aŋääth nɔn bän riëëuden bɛ pɔ̈k nɔm ciëën.

Jona 2:8

Kɔc ee yiëth cïn naamden lam, acïk jäl në riëëuwic, riëëudɛn ye kek Yïn riëëu.

Math 15:8

“Jurë ee rɔt cuöt tëthiɔ̈k ke yɛn në keliëp, ku yek a riëëu ë kethook, Ku piɔ̈nden amec kek yɛn.

Luɔi 14:15

an, “Wek röör, eeŋö luɔɔi wek kakë? Wok ee kɔc tei, wok kït piɔ̈ɔ̈th ë week! Ku wek guïïrku wëlpiɛth, ke we bï röt yal wei ë kaɣäär yiic cït ee kakë, ku jakï wepiɔ̈ɔ̈th wël Nhialic pïïr, Raan ë cak nhial ku piny ku wɛ̈ɛ̈r, ku ka nu ë keyiic kedhie.

Romai 1:21

ku të ciɛk kek Nhialic ŋic, ka cïkï ee riëëu ë riëëu ee Nhialic riëëu, ku cïkï ee leec, acïk aa kɔc ee ɣɔ̈ric tak ë kepiɔ̈ɔ̈th, ago piɔ̈ndɛn piɔl ago cuɔl ëcut.

Nyöŋ 32:21

Keek në yiëthken acïk ɛn tɔ göth, ku tiɛl kakɛn cɔl ke yiëth, kek yiëth cie Nhialic yith. Ka yɛn bï kë cɔl jur tuöc keek, bï ke tɔ göth. Abä keek tɔ dɔm tiɛl në jur dhɔ̈n.

1 Tham 12:21

Duökï yiëth ee kɔc math kuany cök, acïkï week bï kony ku acïkï week bï gël, në biäk ee kek lueth.