Jeremia 2:34 - JAM DE NHIALIC 2011

³⁴ Lupɔɔkun acïk gup riɔk në rim ke kɔc kuanynyïïn ku kɔc cïn gup awɛ̈ɛ̈c, acie riɛm de kɔc ee ɣööt dhoŋ. “Ku në biäk de ë kake kedhie.

Jeremia 2:34 ပူးပေါင်းရင်းမြစ်များ

2 Mel 21:16

Manatha acï kɔc juëc cïn kë cïk wööc nɔ̈k në Jeruthalem thok biic, ale guööt ë wut thar ciëën, mɛt rɔt kekë kë cï yen kɔc ke Juda lɛɛr ë karɛciic abïk karɛc looi në Bɛ̈nydït nyin.

2 Mel 24:4

ku në biäk de rim de kɔc cï ke nɔ̈k ëbɛ̈n ke cïn kë cïk wööc. Bɛ̈nydït acïï Manatha bï pɔ̈l në biäk de ee kënë.

Bɛ̈n 22:1

“Të cïï raan weŋ kual, ku nɔn ee yen amääl, ku cï nɔ̈k ku nɔn cï ɣaac, ka bï ɣɔ̈k kadhïc lony cool en ke weŋ cï kual. Ku na amääl ke cool në amɛ̈l kaŋuan.

Bɛ̈n 22:2

Na cï cuɛ̈ɛ̈r dɔm ke kuël, ku cï yup abï thou, ke raan ë yup en acïn guöp gääk. Ku acïn riɛm nu në yeyeth.

Yith 57:5

Wek ee yiëth ee diäär tɔ dhiëth lam në nïn ya wek niin në diäär në tiim ke ɣok thäär. Wek ee mïthkun gam ke ke ye miɔ̈c näk, në kɔ̈k ke kur thiääk ke nyïïn ke pïïu tɔ̈u në kur thäär piny.

Yith 59:3

Wek de gup awɛ̈ɛ̈c ke jam në lueth, ku aköörkuöör, ku nääk.

Yith 59:7

Wek ee kiɛɛr de riääk looi ë ceŋ, ku acïï ë tiit bä looi, ku ayak dap looi. Wek cie gääu ë näŋ de kɔc cïn gup awɛ̈ɛ̈c. Wek ee dhuur ku riääk nyääŋ të cä wek lɔ thïn ëbɛ̈n,

Jeremia 19:4

Yɛn lɔ ee kënë looi në biäk cï kɔc Yɛn pɔ̈l, ku acïk eetënë dhiöök në luɔi ye kek yiëth kɔ̈k nyuöp wal, yiëth kuckï keek, ku kuc kuarken ayï meliik ke Juda acïn kë ŋickï ë biäkden. Acïk ee tënë riɔ̈ɔ̈k në riɛm de kɔc cïn kë cïk wööc,

Jeremia 2:33

Week aŋiɛckï apiɛth luɔi ye kɔc kɔc nhiaarke kuany cök. Na cakaa tiiŋ rac aduëër wëët në wecök.

Jeremia 6:15

Ë ke ye gup yäär të wään ye kek karɛc cït ee kakë looi? Ei, acïkï gup ee yäär taitai, ku acïkï ŋic aya luöi duëër kek ye pɔ̈l. Ka keek abïk wïïk cït man cï kɔc kɔ̈k wïïk, wään luöi Yɛn keek këtuc, yen abï aa thökden. Acä lueel, Yɛn Bɛ̈nydït.”

Jeremia 7:31

Në Wak de Ɣinom yic acïk yïïŋ cɔl Topeth yïk, agokï wɛ̈ɛ̈tken ku duetken nɔ̈k ë macic. Akën keek yɔ̈ɔ̈k bïk ee kënë looi, akën kɔn lɔ në yanɔm aya.

Jeremia 7:6

Duökï alɛi ee cam, ku mïth abɛɛr, ku diëër abɛɛr. Ku duökï kɔc cïn gup awɛ̈ɛ̈c ee nɔ̈k ee pinyë. Duökï yiëth kɔ̈k ee lam, kënë abï week riɔ̈ɔ̈k.

Jeremia 8:12

Kɔckï, ë we kën gup riɔ̈ɔ̈c në biäk cä wek kake ayäär looi? Ei, wek kën gup riɔ̈ɔ̈c taitai, ku wek kuc luöi ye kɔc diɛɛr aya! Ka wek bï wïïk cït man cïï kɔc kɔ̈k wïïk, të lan week lɔ luöi këtuc, kënë yen abï aa thökdun. Acä lueel, Yɛn Bɛ̈nydït.

Dhiëëu 1:9

Kërɛɛcde acï guɔ tïŋ, ku acïn këde yic thïn kekë riääkde. Wïïkde ee kërac aläl, ku acïn raan cï ye duut piɔ̈u. Kɔc ke aterde acïk tiam, ku ee Bɛ̈nydït lɔ̈ŋ në kokdepiɔ̈u.

Dhiëëu 4:14

Bäny ke Jeruthalem ayek cath ë paarpaar ë kuɛɛriic cï cɔɔr, acïk riɔk në riɛm ka cïn raan duëër ke jak.

Edhekiɛl 20:31

Agut cï ee köölë, wek ee miɔ̈c töŋë gam, ku jakï röt riɔ̈ɔ̈k në ee yiëth mankë, në gɛm ya wek mïthkun gam, tɔ ke ye miɔ̈c ye nyop ëbɛ̈n në mac yic. Ku ayadäŋ baai de Yithriɛl wek ee ŋoot ke we thiëc ɛn, eeŋö ye ee këde piɔ̈ndï! Ee yic, ke ya ye Bɛ̈nydït Awärjäŋ, yɛn ee Nhialic pïïr, wek cä bï bɛ pɔ̈l athiëc këdäŋ tëde yɛn.

Edhekiɛl 22:25

Bäny acïk ciët kɔ̈ɔ̈r kïïu ë läi cïk nɔ̈k kɔ̈ɔ̈th. Ayek kɔc nɔ̈k, ku nömkï wëu kedhie, ku kakɛn cïk yök, ku në nääkdɛn ye kek kɔc nɔ̈k acïk diëër abɛɛr juëc nyääŋ piny.

Edhekiɛl 23:45

Kɔc piɛthpiɔ̈ɔ̈th abïk löŋden guiir në biäk de kɔ̈ɔ̈r ë diäär ku nääk de kɔc, ku në biäk ye kek kɔ̈ɔ̈r ku cïk cin thiäŋ në rim.”

Edhekiɛl 24:7

Ade raan nɛ̈k në pänydït yic, ku riɛm akën kuëër piny të duëër abuui ye thiaan, aa kuëër në kuur kɔ̈u nhial.

Edhekiɛl 9:9

Go ë Nhialic bɛ̈ɛ̈r an, “Baai de Yithriɛl ku Juda acïk awɛ̈ɛ̈c juëc looi. Ayek kɔc nɔ̈k piny ë piny yic ëbɛ̈n, ku acïk Jeruthalem thiɔ̈ɔ̈ŋ yic në luɔi rac. Ayek lueel an, Yɛn Bɛ̈nydït, Yɛn cï pinyden nyääŋ piny, ku nɔn cän keek ee tïŋ.