Jeremia 2:32 - JAM DE NHIALIC 2011

³² Duëër tiiŋ koor nɔm määr në kuatdɛn adhääp, ku nɔn ee yen nyan thiak duëër nɔm määr në lupɔɔkɛn ke thiëëk? Ku kɔckï acïk nïïm määr në Yɛn në nïn juëc cïï ke duëërë kueen.

Jeremia 2:32 ပူးပေါင်းရင်းမြစ်များ

Cäk 24:22

Na wën, acï thɔ̈rɔ̈l thök ë dëk kedhie, ke lïm ë nöm jonh thiin adhääp tuc ë ɣööcde, ku tɛ̈ɛ̈u në nyantui wum. Ku nööm joth dït pätiic ke adhääp kaarou, ku tɛ̈ɛ̈u ke në yecin ayadäŋ.

Cäk 24:30

Ku Laban acï joth tïŋ ë nyankënë wum, ku tïŋ joth pätiic kaarou ë yecin, ku piŋ ke luel kak ë lëk ë monytui yen. Ku lïm de Abraɣam akääc ë thɔ̈rɔ̈ɔ̈l lɔ̈m ë nyin ë pïïu nɔm, go lɔ të nu yen.

Cäk 24:53

Ku bïï adhɛ̈p bei, ku ateek ku lupɔɔ, ku gëm ke Rebeka. Ku gëm man Rebeka miɔ̈c tuc ë ɣööcde kekë mänhë Rebeka ayadäŋ.

2 Tham 1:24

Diäär ke Yithriɛl dhiëëukï Thaulo! Acï week gäm lupɔɔ thith cieŋkï keek. ku tɔ we ceŋ adhääp ku guët ariauriau.

Diɛt 106:21

Acïk nïïm määr ë Nhialic wään cï ke kony në riɛldɛn dït wään ë Rip.

Diɛt 9:17

Ku kɔc ee kërac looi ayï juöör reec Nhialic, abïk lɔ kedhie paan ë thuɔɔu.

Yith 17:10

Yithriɛl wek cïï nïïm määr në Nhialic ɣɔn luäk week, ku gël week cï kuur dït. Ënɔɔnë we cï röt cuöm duum yaath, në luɔi bä wek yiëth lei aa lam.

Yith 57:11

Aye Bɛ̈nydït lueel an, “Kek yiëthkë yek yïŋa, ka ayek week tɔ riɔ̈c, ka wek ee ya lɛ̈k lueth ku määrkï nïïm në Yɛn taitai? Cäk riëëu aa wek a riëëu pɔ̈l, në luɔi cän mim në kaamdït yic?

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Jeremia 13:10

Kek ee kɔc rɛckë acïk jaai bïk A riëëu. Acïk nïïm riɛl arëët ku jɔkï rac aläl, ku acïk yiëth kɔ̈k lam ku luuikï keek. Ka keek abïk ciët ee lupɔɔkë, lupɔɔ cïï be piath.

Jeremia 13:25

Acï lueel, an kënë abï aa riääk bï we yök. Yen kë cï lueel ka an bï luöi week, në biäk cä wek nïïm määr ë yen ku ŋäthkï yiëth aluɛth.

Jeremia 18:15

Ku kɔckï acïk nïïm määr ë yɛn, ayek wal ŋïr nyuöp yiëth. Acïk kɔ̈th në kueerdɛn duëër kek lɔ thïn, acïkï kuɛɛrkɛn thɛɛr be kuany yiic, aciɛthkï ë kueer kënë kuaar yic.

Jeremia 2:11

Acïn jur däŋ cï yanhdɛn yek lam kɔn waar, na cakaa nɔn cïï kek ee yic. Ku kɔckï acïk A waar, Yɛn Nhialic ɣɔn ë gëm keek dhuëëŋ, waarkï Yɛn në yiëth cïn kë duëërkï luöi keek.

Jeremia 2:33

Week aŋiɛckï apiɛth luɔi ye kɔc kɔc nhiaarke kuany cök. Na cakaa tiiŋ rac aduëër wëët në wecök.

Jeremia 23:27

Ayek tak an bï nyuöth cïk lueel kɔckï tɔ mär nïïm në yɛn, cït man ɣɔn cï kuarken nïïm määr në yɛn ku pukkï röt Baal.

Jeremia 3:21

Awuɔɔu aye piŋ në kur nïïm, ee kɔc ke Yithriɛl kek adhiau ke ke gööny, në biäk cï kek rëër në luɔi de karɛciic, ku cïk nïïm määr në Bɛ̈nydït Nhialicden.

Edhekiɛl 22:12

Kɔckuön kɔ̈k aye keek riɔp në luɔi bïï kek näk. Kɔ̈k ayek aŋuëk nööm ë wëu cï kek kɔckɛn ke Yithriɛl kony kɔ̈ɔ̈th, ku jɔkï kuɛth në cäm ciɛm keek. Acïk nïïm määr në yɛn.” Bɛ̈nydït Awärjäŋ yen aa jam.

Ɣodh 8:14

“Yithriɛl ë nɔm määr në Aciëŋ ë cak keek, ku acïk röt yiëk ɣööt dït läk. Ku kɔc ke Juda acïk pɛ̈ɛ̈nydït juëc cï gël yïk. Ku Yɛn bï pɛ̈ɛ̈nydïtken ɣɔ̈k mac, ku nyuɔp ɣöötken piny.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Nyuuth 21:2

Ku tiëŋ pänydït ɣeric, Jeruthalem cï piac cak, ke bɔ̈ piny paannhial, abɔ̈ tëde Nhialic, acï rɔt guik cït man ee nyan thiak rɔt kiir në këde monyde.

Bäny 8:34

Ku akënkï Bɛ̈nydït bɛ tak Nhialicden, Raan wään luäk keek në kɔc ke ater wään cï tuɔɔk ëbɛ̈n.