Jeremia 2:26 - JAM DE NHIALIC 2011

²⁶ Aye Bɛ̈nydït lueel an, “Cït nɔn ee cuɛ̈ɛ̈r guöp yäär të cïï ë yen dɔm, yen abä wek gup yäär wedhie baai de Yithriɛl, week në meliikkun ku bänykun, ku bänykuön ke ka ke Nhialic ku tït.

Jeremia 2:26 ပူးပေါင်းရင်းမြစ်များ

Edhr 9:7

Gɔl ɣɔn në akööl ke kuarkuɔ agut cï aköölkë, wok kɔcku, wok cï wäc arëët. Ku në biäk de awɛ̈ɛ̈ckuɔ, wok cï lööny në meliik ke juöör kɔ̈k cin, wodhie në Meliikkuɔ ku bänykuɔn ke kake Nhialic, wok aaye tɛm röt, ku rum wo, ku peec wook ke wo mac. Wok ye biɔn gup taitai, karɛckuɔ acïk wo nyäŋ ayär ŋoot aɣet cï ëköölë.

Diɛt 97:7

Kɔc ee yiëth lam abïk gup yäär, yiëth kedhie ayek kenïïm guöt piny në Bɛ̈nydït nɔm.

Yith 1:29

Wek bï gup aa riɔ̈ɔ̈c në luɔi cä wek tiim ke ɣok kɔn lam, ku luɔikï wɛl ee luɔk ë duum yiic ke ke ye ka yaath.

Yith 44:11

Raan ëbɛ̈n raan ee ke lam abïï kuɔɔr piny. Ku kɔc ee yiëth looi ayek kɔc ku acïn däŋ. Tɔ ke bɔ̈ bïk bɛ̈n kɔ̈ɔ̈c ë luk nɔm, abïk riɔ̈ɔ̈c ku jɔkï ayäär guum.

Yith 44:9

Kɔc ee yiëth looi kedhie acïnkï naamden, ku yiëth yek leec aläl acïnkï thaarden. Kɔc ee yiëthkë lam acïk cɔɔr ku acïn kë ŋickï ku abïk gup yäär.

Jeremia 2:36

Wek cï weyiic tɔ piɔl në kë cä wek röt yal tëde yiëth ke juöör kɔ̈k. Wek bïï kɔc ke Rip riɔ̈ɔ̈k piɔ̈ɔ̈th, cït wään cïï kɔc ke Athiriya ye kɔn luöi week.

Jeremia 22:22

Bänykun abï ë yom ke kuɔɔth wei, kɔc ee mat ë week abïï ke dɔm tɔŋ ku peec keek ke ke mac, pänydïïtdun abïï yɔ̈ɔ̈r, ku riɔ̈ɔ̈c guöp, në biäk de karɛc cäk looi ëbɛ̈n.

Jeremia 32:32

në biäk de karɛc juëc cï kɔc ke Juda ku kɔc ke Jeruthalem ke looi, mɛ̈tkï ëtök në meliiken ku bänyken, ku bäny ke kake Nhialicden ku tïtken.

Jeremia 4:9

Go Bɛ̈nydït lueel an, “Në ye köölë, meliik ku bäny, abïk piɔ̈ɔ̈th bäp, ku bäny ke kake Nhialic abïk päu, ku gäi tït.”

Jeremia 48:27

Tak yïnɔm apiɛth Mowap, wëën ë yï cïï kɔc ke Yithriɛl ee dɔl gup? Aa yak keek luööi cït man ë kɔc cïï cuɛ̈ɛ̈r keek gëk.

Edhekiɛl 16:54

Yïn bï guöp yäär, ku ayärdu abï nyïïrëkɔckun nyuɔɔth nɔn piɛth kek awär yïn.

Edhekiɛl 22:26

Bäny ke kake Nhialic adhoŋkï lööŋke kɔ̈ɔ̈th, ku acïk ciën riëëu de kaɣer yiic. Acïkï käŋ ee bɛ pɔ̈ɔ̈c yiic në kaam de kaɣer yiic ku ka cïï yiic ɣer. Acïkï kɔc ee bɛ wɛ̈ɛ̈t bï kɔc kapiɛth ku karɛc ŋic, ku ayek kööl de Thabath tɔ cïn naamde. Ku në biäk de ee kënë kɔc ke Yithriɛl acïkï Yɛn ee riëëu.

Dhek 5:4

Acï Bɛ̈nydït de rɛm lueel an bï aciɛɛn tuɔɔc në ɣööt ke cuɛ̈ɛ̈r yiic, ku ɣööt ke kɔc ee kuëëŋ në lueth yiic. Abï lɔ në ɣöötken yiic, ku nyiëëŋ ke piny ke ke cï riääk taitai.

Romai 6:21

Ee luɔk cït ŋö cäk guɔ yök wään ë kake yiic, ka ya wek gup yäär ë keek ënɔɔnë? Ee thuɔɔu yen ë thök bï kake thök.