Jeremia 2:25 - JAM DE NHIALIC 2011

²⁵ Yïn Yithriɛl du yïcök tɔ baat, ku nɔn bïï yïn röl ril wei ke yï cop yiëth kɔ̈k cök. Ku acï lueel an, ‘Ei! Yɛn cïï rɔt bï pɔ̈k ciëën. Yɛn nhiaar yiëth ke juöör kɔ̈k, ku yɛn bï lɔ në kecök.”’

Jeremia 2:25 ပူးပေါင်းရင်းမြစ်များ

2 Lëk 28:22

Na wën aa cï awɛ̈ɛ̈c ke melik Aɣadh juëc, go Bɛ̈nydït luöi kërɛɛc kënë kɔn looi anande.

2 Lëk 28:23

Go miɔ̈c näk gäm yiëth ke Thiriya wään cï yen tiaam ë tɔŋic. Ku lueel an, “Yiëth kë acïk melik de Athiriya kony, na cä keek näk, ka bïk yɛn dhil kony aya.” Kënë acï riäŋ dït bɛ̈n bɛ̈ɛ̈i ë yeguöp ku Yithriɛl ëbɛ̈n.

Yith 2:6

Nhialic Yïn ë kɔcku rɛɛc kuat ë Jakop! Në luɔi cïï kek ciɛɛŋ de juöör tɔ̈u të lɔ aköl amiäk dɔmic, cït läm de yiëth, ku cäär ë tït ë kɔc ke Pilithiin.

Yith 57:10

Wek ee röt tɔ bäp ke we kɔɔr yiëth kɔ̈k, ku we cie bäp. Ayak tak nɔn duëër ë yiëthkuön rackë we gäm riɛl, ke we cïï bï kɔ̈c.

Jeremia 13:21

Eeŋö bäk jɔ lueel, të le kɔc yak keek tɔ ee määthkun we peec ku jɔkï week ceŋ? Wek bï tɔ̈u arɛɛmic cï tiiŋ kɔɔr dhiëth.

Jeremia 13:22

Na lak aa lop an eeŋö tɔ ee kakë lui röt week, eeŋö ye lupɔɔkun rɛtiic ku eeŋö ye ë week wiëët, ee biäk de karɛckun rac aläl.

Jeremia 14:10

Aye Bɛ̈nydït lueel në biäk ee kɔckë an, “Ayek nhiaar bïk kat ë Yɛn, ku acïkï röt bï tiit. Ka Yɛn cïï piɔ̈u mit wo keek. Yɛn bï ka cïk wööc tak, ku luöi keek këtuc ë biäk de karɛcken.”

Jeremia 18:12

Ku abïk bɛ̈ɛ̈r an, “Ei, eeŋö duëër wok ke pɔ̈l? Wok bï nïïm riɛl wodhie ku loiku karɛc cït kë kɔɔrku.’”

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Jeremia 22:20

Kɔc ke Jeruthalem lakkï Lebanɔn ku cötkï, lakï piny de Bacan ku dhiaukï, yak cööt në kur ke Mowap nïïm, në biäk cïï kɔc ee mat në week kedhie tiaam.

Jeremia 22:21

Bɛ̈nydït acï jam ke week wään kuɛth wek, ku wek cï jaai bäk jamde piŋ. Yen kë cäk looi ka në pïïrdunic ëbɛ̈n, wek cïï Bɛ̈nydït duëër kɔn riëëu.

Jeremia 3:13

Gam tei nɔn cï yïn awäc looi, ku nɔn cï yïn Bɛ̈nydït Nhialicdu rɛɛc. Gam nɔn cïï yïn yiëth lei näk miɔ̈c në ee tiimkë thäär, ku yïn kën kë cä lɛ̈k yïn riëëu. Acä lueel, Yɛn Bɛ̈nydït.”

Jeremia 44:17

Ku wo bï këriëëc ëbɛ̈n looi, kë cuk lueel an buk looi. Wok bï wal ŋïr nyuöp tiiŋ melik de paannhial, ku abuk wäl nɔm mɔ̈u, cït man ɣɔn ye wok ye looi në kuarkuɔ, ku meliikuɔ ku bänykuɔ ë wuöt ke Juda yiic ku kuɛɛr ke Jeruthalem yiic. Wok cï nïïm dɛ kacaam juëc, ku kuethku, ku aa cïn nuan ë nu.

Dhiëëu 1:2

Ee ruu ke dhiau wakɔ̈u, ku jɔ pïïu wat ë yegëm. Määthkɛn wäänë kedhie, acïn raan cï döŋ bïï yen bɛ̈n duut piɔ̈u. Kɔc wään mät në yen acïk yen nyiɛɛn, ku ënɔɔnë acïk aa kɔc de ater në yen.

Dhiëëu 4:4

Ayek mïthken tɔ thou ë cɔk ku rou. Mïth alipkï kuïn cïn raan bï ye gäm keek.

Edhekiɛl 20:32

Acäk tak ë wepiɔ̈ɔ̈th, nɔn kaar wek bäk ciët juöör kɔ̈k, ku bäk ciët dhiëën kɔ̈k rëër në juöör kɔ̈k yiic, ku bäk tiim ayï kur lam. Ku kënë acïï rɔt duëër looi.

Ɣodh 2:3

Na le ye cuök päl, abä yɔ̈ɔ̈t kɔ̈u bei në lupɔɔ, ka abï cath në yekɔ̈u cït man ɣɔn dhiëëthë yen. Abä tɔ cït jɔ̈ɔ̈r cïn yic pïïu, ku ta nɛ̈k ë rou.

Malakai 3:14

Acäk lueel an, luɔi luui ë raan Nhialic ee kë cïn naamde, eeŋö buk yök të lueel wok en an loiku ka cï lueel an loi keek? Ku eeŋö buk yök të nyuth wok röt Bɛ̈nydït de rɛm nɔn cï wok piɔ̈ɔ̈th diu në karɛc cuk looi?

Luk 15:22

Go wun lïïmke yɔ̈ɔ̈k an, ‘Bɛ̈ɛ̈ikï lupɔ piɛth aläldïïtë, ku tääukï ë yekɔ̈u, ku bɛ̈ɛ̈ikï guelɔ këde yenciin, ku war ka ke yencök.

Luk 16:24

Go cööt, lueel an, “Wääda Abraɣam, kok piɔ̈u we yɛn, ku jɔ Ladharo tooc, bï ciin nɔm bɛ̈n juɔɔl ë pïïu yiic, bï liemdï tɔ lir, yɛn ë leeŋ wëi ë manyë yic.

Romai 8:24

Wo cï kony wëi në aŋäth ŋäthku. Ku kë cï raan tïŋ acie tɔ ye aŋäth. Kë cï raan tïŋ eeŋö duëërë ye bɛ ŋɔ̈ɔ̈th?

Nyöŋ 28:48

Ka ënɔɔnë, wek bï kɔc ke ater aa lɔ luööi, kɔc bïï Bɛ̈nydït keek tuöc week. Wek bïï cɔk nɔ̈k kekë reu, ku ciënkï kɔ̈ɔ̈th lupɔɔ, ku we bï këriëëc ëbɛ̈n aa kɔɔr. Bɛ̈nydït abï week yɔŋ cï ka ɣɛ̈ɛ̈c wëëth agut të bïï ë week riɔ̈ɔ̈k.

Nyöŋ 32:16

Ku lämdɛn ë yiëth acï Bɛ̈nydït dɔ̈m tiɛl, ku kërɛɛc cïk looi acï yen tɔ göth.