Jeremia 2:20 - JAM DE NHIALIC 2011

²⁰ Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Jeremia 2:20 ပူးပေါင်းရင်းမြစ်များ

1 Mel 12:32

Go Jerobowam dhuëëŋ looi në kööl ye pɛɛi de bɛ̈t thok thiëër ku dhïc cït man de dhuëëŋ nu ë Juda. Ku ye miöör ke adhääp wään cï looiyë näk miɔ̈c në yïk nɔm në Bethel, ku tɔ guc lui në ɣään thöny ɣɔn cï ke yïk në Bethel.

1 Mel 14:23

Acïk ɣään ye yiëth lam thïn yïk, ku tɛ̈ɛ̈ukï mëën ke kur nhial, ku kït bï yanh cɔl Acera, ku bï aa lam ë kur nïïm ku atïïp ke tiim thäär.

Diɛt 107:14

Ku abï Bɛ̈nydït ke bɛ̈ɛ̈i bei ë mɔ̈ɔ̈thic ku mum ë nɔmic ku dhoŋ joth mɛc kek abïk lɔ thorthor.

Diɛt 2:3

Ku luelkï an, “Nömku nɔm lääu ku nyiɛɛiku röt në ciɛɛŋden yic, ciɛɛŋdɛn cieŋ kek wook.”

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Bɛ̈n 19:8

Agokï puk nɔm an, “Këriëëc cïï Bɛ̈nydït lueel ëbɛ̈n abuk looi.” Go Mothe ee jamë guiëër Bɛ̈nydït?

Bɛ̈n 24:3

Na wën, ke Mothe ë lɔ kɔc guiëër jam kedhie, jam cï Bɛ̈nydït lueel ëbɛ̈n ayï lööŋke. Go kɔc puk nɔm kedhie an, “Këriëëc cï Bɛ̈nydït lueel ëbɛ̈n abuk looi.”

Bɛ̈n 3:8

ka Yɛn aa bɔ̈ piny, bä keek bɛ̈n luäk bei në kɔc ke Rip cin. Ku bɛ̈ɛ̈i keek bei piny ë Rip, lɛɛr keek piny piɛth dïït lääu. Piny ee wat ë ca ku miök ë kiëc. Piny rëër ë kɔc ke Kanaan thïn, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Yith 1:21

Pänydïït ɣɔn piathëpiɔ̈u, acï ciët tiiŋ akɔɔrröör! Ɣɔn tueŋ aa thiäŋic ke kɔc piɛthpiɔ̈ɔ̈th, ku ënɔɔnë ee kɔc ee kɔc nɔ̈k kapäc kek cï döŋ thïn.

Yith 10:27

Të lee köölë bɛ̈n, wek bä lony yiëth në riɛl de Athiriya, ku kathieken acïkï bï bɛ aa ka dït thiek ë weyiëth.”

Yith 14:25

Yɛn bï Athiriya riɔ̈ɔ̈k pinydiën ë Yithriɛl, ku duöm ke yiic në kurkï nïïm. Yɛn bï kɔckï luöny bei në yaaŋ de Athiriya yic, ku bɛ̈ɛ̈i kathiek ɣɛ̈ɛ̈ckï bei.

Yith 9:4

Në biäk cï yïn jonh cï ke duut dhuööŋ kɔ̈ɔ̈th ku thieec ɣɔn ye ke dui kët. Yïn ë juöör tiaam ɣɔn ee kɔcku yɔŋ ku rumkï keek, cït man wään tiɛɛm Yïn rem de tɔŋ de Midian.

Jeremia 13:27

Acï week tïŋ ke we loi ka mɛɛn keek. Acï week tïŋ ke we kuany yiëth kɔ̈k cök ë kur nïïm ku ë duumiic, cït man ë mony cïï tiiŋ ë raan thiëëk kek diir, ku cït thɔn ë kɛɛu cop ŋun ë kɛɛu. Amawoou në week kɔc ke Jeruthalem, wek cï luöi këtuc, ee nɛn yen bä wek dikëdik?

Jeremia 17:2

Kɔckun ayek lam në yïk kɔ̈ɔ̈th, ku në kït cï luöi yanh tiiŋ cɔl Acera, ku në tiim tɔ̈c thäär ëbɛ̈n, ku kur nïïm,

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Jeremia 3:13

Gam tei nɔn cï yïn awäc looi, ku nɔn cï yïn Bɛ̈nydït Nhialicdu rɛɛc. Gam nɔn cïï yïn yiëth lei näk miɔ̈c në ee tiimkë thäär, ku yïn kën kë cä lɛ̈k yïn riëëu. Acä lueel, Yɛn Bɛ̈nydït.”

Jeremia 30:8

Acïï Bɛ̈nydït de rɛm lueel an, “Të le ee köölë bɛ̈n, yɛn bï tïm cï duööt ë keyiëth dhoŋ kɔ̈u, ku bɛ̈ɛ̈i joth rek kek bei, ku acïkï bï bɛ aa lïïm ke alɛi.

Jeremia 5:5

Yɛn bï lɔ tëde röördït, ku jam wo keek. Ee yic aŋickï kë kɔɔr ë Nhialicden, kë kɔɔr ë Bɛ̈nydït bïk looi.” Ku keek kedhie acïk bääny de Bɛ̈nydït rɛɛc ku acïk jaai bïk riëëu.

Edhekiɛl 16:28

“Në biäk kën yïn piɔ̈u thök we kɔc kɔ̈k, go lɔ ke yï kɔt në kɔc ke Athiriya cök. Yïn aye tiiŋdɛn akɔɔrröör, ku yïn kën piɔ̈u kuɛth we keek aya.

Edhekiɛl 16:31

Yïn cï ɣään ke läm de yiëth yïk në kuɛɛr këc ëbɛ̈n, ku jakkï röt aa nööm thïn. Ku yïn cïï wëu ee nööm cït man akɔɔrröör kɔ̈k nhiaar wëu.

Edhekiɛl 16:41

Abïk ɣöötkun nyuɔp piny ku jɔkï kuut ke diäär tɔ tïŋ luɔi luiyë ë yïn këtuc. Yïn bä tɔ päl baldu, ku pɛ̈n yïn luɔi bï yïn määthku aa gäm miɔ̈c.

Edhekiɛl 20:28

Acä ke bɛ̈ɛ̈i piny wään cän gutguut lueel an bä gäm keek. Na wën tïŋ kek kur bär ku tiim tɔ̈c, gokï miɔ̈c näk gäm keek kedhie. Acïk a tɔ göth në miɔc näk yek nyop ku mɔ̈n yek bɛ̈ɛ̈i ke ye miɔ̈c.

Edhekiɛl 23:5

Cakaa nɔn yen këdï, Oɣola aŋoot ke ye akɔɔrröör, ku acï guöp thiäŋ ke ŋɔ̈ɔ̈ŋ de nhiëër ë määthke kɔc ke Athiriya.

Ɣodh 1:2

Të ɣɔn gɔl ë Bɛ̈nydït jam kekë kɔc ke Yithriɛl në kueer de Ɣodhiya, kë ë kɔn lɛ̈k en kï an, “Lɔ thiak tiiŋ akɔɔrröör, ke bï yï dhiëth mïth kɔ̈k adhiëthlëër. Në biäk cïï kɔckï ya nyääŋ piny, ku lamkï Baal.”

Ɣodh 3:3

Ku acä lɛ̈k en an, “Rɛ̈ɛ̈rë wekë yɛn në aköölkë yiic kedhie, ku du be köör, ku cïn raan däŋ määth wek. Ku yɛn bï rëër wo yïn.

Ɣodh 4:13

Ayek yiëth miɔɔc në kur nïïm nhial ya, ku nyopkï miɔ̈c ye nyop ëbɛ̈n në kur kor nïïm, ku në tim de ɣok thar. Ku në atïïp ke tiim cï lɔ niëpniëp, në luɔi liir atïïpken. “Yen kë ye duetkun tɔ ya akɔɔrröör ka. Ku yen aye diäär ke wɛ̈ɛ̈tkun röt tɔ nöm.

Ɣodh 9:1

Wek kɔc ke Yithriɛl, duökï dhuëëŋ loi cï juöör kën gam. Wek kën kake Nhialicdun döt, wek nhiaar ariöp de akɔɔrröör cït man ya wek en tak nɔn yen yiëth kek ee week gäm jööŋ ke rap!

Lebai 26:13

Ee Yɛn Bɛ̈nydït Nhialicdun, raan ë bïï we bei ë Rip, aguɔkï cïï be aa lïïm ke kɔc ke Rip. Yɛn cï joth rɛk wek dhoŋ kɔ̈ɔ̈th, ku ta week cath ke we tɔ̈u nïïm nhial në nɔm lääu.”

Naɣum 1:13

Wek bä waar yiëth në ciɛɛŋ cieŋ Athiriya week, ku tɛɛm wïïn cïï ke we duut kɔ̈ɔ̈th.

Nyöŋ 12:2

Wek bï ɣään ye juöör bä keek lɔ cop lam thïn riɔ̈ɔ̈k ëbɛ̈n, ɣään tɔ̈u në kuur nïïm, ku ɣään tɔ̈u të thöny, ku tiim tɔ̈c thäär ëbɛ̈n.

Nyöŋ 15:15

Takkï wenïïm, we cï kɔn aa lïïm në Rip, go Bɛ̈nydït Nhialicdun we gäm nɔm lääu, yen kë gäm ɛn week ee löŋë ka.

Nyöŋ 26:17

Köölë acäk lueel nɔn Ye Bɛ̈nydït Nhialicdun, acäk gam nɔn bäk wek En riëëu, ku bäk lööŋke döt kedhie, ku bäk kakɛn cï lueel ëbɛ̈n looi.

Nyöŋ 4:20

Ku wek ee kɔc ë luɛ̈kë bei në Rip, yen manydïït ë wëëth dɛ̈p. Aa bïï week bei, bïï week bɛ̈n tɔ ye kɔcke, cït man tɔ̈u wek ee köölë.

Nyöŋ 4:34

De yanh cïï jur kɔn bɛ̈ɛ̈i bei në jurdäŋ yic, ku tɔ keek ee kɔcke, cït man cï Bɛ̈nydït Nhialicdun ye luöi week ë Rip? Ke woikï ë wenyïïn, acï riɛldɛndït kekë riɛl luɔɔi, acï kuöm ku tɔɔŋ bɛ̈ɛ̈i, ku looi göök ku kak ke gäi, ku kadït ee riɔ̈ɔ̈c tɔ loi rɔt.

Nyöŋ 5:27

Lɔɔr ciëën Mothe, ku piŋ këriëëc ëbɛ̈n, kë bï Bɛ̈nydït Nhialicda lueel. Ku jɔ rɔt puk ku lɛ̈kë wook kë cï lɛ̈k yïn. Abuk piŋ ku abuk riëëu.’

Jocua 1:16

Na wën, ke pukkï nɔm Jocua an, “Këriëëc cï lɛ̈k wook ëbɛ̈n, abuk looi. Ku agut të cïn wo tuɔɔc thïn, wok bï lɔ.

Jocua 24:24

Gokï lɛ̈k Jocua an, “Wok bï Bɛ̈nydït Nhialicda luööi, ku dötku lööŋke.”

Jocua 24:26

Na wën, ke Jocua ë gɔ̈ɔ̈r ee lööŋkë piny në awerek de lööŋ ke Nhialic yic. Ku ciëp gök dïït ë kuur thar piny në tim de ɣok thar tëɣeric në Bɛ̈nydït lɔ̈ɔ̈m.

Nyuuth 17:1

Na wën, ke tunynhial bɔ̈, tunynhial töŋ de tuuc kadhorou wën cath në guöl kadhorou, bï ku jiɛɛm ke yɛn, lueel, an, “Bä eenë, bä yï nyuöth guiëër cï löŋ de akɔɔrröör guiir atuc, akɔɔrröör rɛ̈ɛ̈r ë piëëu juëc nïïm,

Bäny 10:6

Go kɔc ke Yithriɛl kërac bɛ looi në Bɛ̈nydït nyin. Acïk Baal kekë Acetaroth lam, ku yiëth ke Thiriya, ku yiëth ke Thidon, ku yiëth ke Mowap, ku yiëth ke kɔc ke Ammon, ku yiëth ke kɔc ke Pilithiin. Ku në luɔi cïï Yithriɛl Bɛ̈nydït puɔ̈l ku cïkkï be luööi.

Bäny 2:11

Na ɣɔn ke kɔc ke Yithriɛl ë ke jɔ kërac looi në Bɛ̈nydït nyin, ku yek Baal lam.

Bäny 2:13

Acïk Bɛ̈nydït pɔ̈l në läm ku lɛmkï Baal kekë Acetaroth.

1 Tham 12:10

Na wën ke ke jɔ dhiau ku lɛ̈ŋkï Bɛ̈nydït bï keek kony an, ‘Wok cï awäc looi, në biäk cï wok kueerdu puɔ̈l Bɛ̈nydït, ku lamku yiëth ke Baal ku Acetaroth. Kony wook në kɔc ke aterda, ku Yïn buk lɔ̈ŋ!’