Jeremia 2:15 - JAM DE NHIALIC 2011

¹⁵ Ayek yiic ŋun në biäkde cït kɔ̈ɔ̈r, acïk pinyde tɔ ye jɔ̈ɔ̈r, ku cï pɛ̈ɛ̈nydïtke nyääŋ piny në riääkic ëbɛ̈n.

Jeremia 2:15 ပူးပေါင်းရင်းမြစ်များ

Jop 4:10

Kɔc ee karɛc looi ayek ŋäär cït kɔ̈ɔ̈r, ku ye Nhialic ke dhuööŋ lec ku miim kethook,

Diɛt 57:4

Yɛn cïï kɔc ke ater gɛɛu cil, ka cït kɔ̈ɔ̈r ee kɔc cuet. Lecken acïtkï tɔɔŋ ku wiɛth ke dhaŋ, ku liëpken acïtkï abätɛ̈ɛ̈u moth thook.

Yith 1:7

Wundun acï riɔ̈ɔ̈k ku pɛ̈ɛ̈nydïtkun acï ke nyuɔp piny në mac. Në we nyïïn ka wek lɔ ke we woi kɔc lei ke ke nöm pinydun ku riäkkï këriëëc ëbɛ̈n.

Yith 24:1

Bɛ̈nydït abï piny riɔ̈ɔ̈k ku nyiëëŋ piny ke cï riääk. Abï niɛŋ nɔm ku thiɛ̈i kɔc nu thïn.

Yith 5:29

Rem de tɔŋ ayek ŋäär cï kɔ̈ɔ̈r cï lɛ̈i nɔ̈k, ku mukkï ke cïn raan duëër ye bɛ̈ɛ̈i bei tëde keek.

Yith 5:9

Yɛn cï Bɛ̈nydït de rɛm piŋ ke lueel an, “Ɣön dït läk ëbɛ̈n abïk yiic ciën kɔc, ku abïk dhɔt piny ke ke cï riääk.

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Jeremia 10:22

Piëŋkï! Thok acï bɛ̈n! Ade awuɔɔu looi ë jur nu të lɔ rut, rem de tɔŋde abï pɛ̈ɛ̈nydït ke Juda tɔ ye jɔ̈ɔ̈r, të bï kɔ̈ɔ̈rgɔl aa ceŋ thïn.”

Jeremia 25:30

“Ku yïn Jeremia, yïn bï këriëëc cä lueel ëbɛ̈n guiir. Yïn bï ee kɔckë dhil yɔ̈ɔ̈k an, ‘Bɛ̈nydï abï wuur tënhial, ku rel tëdɛn ɣeric nhial ya. Abï wuur ë kɔcke gup, abï kïïu cï raan dum enapic. Abï raan ëbɛ̈n piŋ ë piny nɔm,

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 26:9

Eeŋö lueel yïn en, në rin ke Bɛ̈nydït nɔn bï ee Luaŋdïïtë ciët Cilo, ku nɔn bïï ë pänydïïtë riɔ̈ɔ̈k, ku cïn raan bï rëër thïn?” Go kɔc kenïïm kut ë yalɔ̈ɔ̈m.

Jeremia 33:10

Go Bɛ̈nydït lueel an, “Aye kɔc lueel an tënë acït jɔ̈ɔ̈ric, an acïn kɔc ayï läi rɛ̈ɛ̈r thïn. Ku këden ee yic, wuöt ke Juda ku kuɛɛr ke Jeruthalem acïnkï yiic kɔc, acïn kɔc ayï läi rɛ̈ɛ̈r thïn. Ku në ee ɣäänkë yiic yïn bï

Jeremia 34:22

Abä ke yɔ̈ɔ̈k ka abïk kenïïm pɔ̈k ee pänydïïtë. Abïk mak ku abïk peec, ku nyopkï piny. Yɛn bï wuöt ke Juda tɔ cït jɔ̈ɔ̈ric të cïn raan ee ceŋ thïn. Acä lueel, Yɛn Bɛ̈nydït.”

Jeremia 4:7

Acït köör bɔ̈ biic tëdɛn ë thiaan, kën ee juöör riɔ̈ɔ̈k acï bɛ̈n bei. Abï Juda bɛ̈n riɔ̈ɔ̈k. Pɛ̈ɛ̈nydït ke Juda abïï keek nyääŋ piny ke ke cï riääk, ku acïn raan bï ke cieŋ.

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Jeremia 5:6

Në biäk de ee kënë yen abïï köör roor keek nɔ̈k, abïï aŋuööth ke jɔ̈ɔ̈ric keek riɔ̈ɔ̈k, ku kuac abï aa cath ë pɛ̈ɛ̈nydïtken yiic. Të lee ee kɔckë lɔ biic, abïï keek rɛt yiic, në biäk juëc awɛ̈ɛ̈cken, ku ayek cool ke ke jäl ë Nhialic lɔ̈ɔ̈m.

Jeremia 50:17

Aye Bɛ̈nydït lueel an, “Kɔc ke Yithriɛl acïtkï amɛ̈l cïï ë köör ke cop ku thiɛ̈i ke wei. Wään tueŋ, acï melik de Athiriya keek mak, ku be Nebukadnedhar melik de Babilonia yomken reem.

Jeremia 51:38

Kɔc ke Babilonia abïk aa ŋun kedhie cï köör, ku abïk yiic aa door cï aduuk ke köör.

Jeremia 6:8

Kɔc ke Jeruthalem, takkï ee nuɛɛnkë ee ka jäny week, na cäkkï lɔ looi, ke we bä pɔ̈l, Yɛn bï pänydïïtdun tɔ ee jɔ̈ɔ̈r, të cïn raan bï rëër thïn.”

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Edhekiɛl 36:3

“Cäärë, ëtɛ̈ɛ̈n, ku caalë kë luɛɛl Yɛn Bɛ̈nydït Awärjäŋ. Të le juöör thiɔ̈k we peec ku rumkï kur ke Yithriɛl, keek kedhie acïk Yithriɛl läät.

Edhekiɛl 5:14

Kɔc ke juöör thiääk ë week ëbɛ̈n, kɔc ee tëëk ëtɛ̈ɛ̈n, abïk yïn aa dɔl guöp, ku mëëckï röt në week.

Ɣodh 11:10

Abïk Bɛ̈nydït kuany cök, cït man ye köör mïthke cɔɔl në kiɛɛu. Të le yen cööt, mïthke abïk aa bɛ̈n në riëëu të lɔ aköl athɛ̈i.

Ɣodh 5:14

Në biäk bän rɔt dɛ̈ny kɔc ke Yithriɛl cït köör, ku dɛ̈ny rɔt kɔc ke Juda cït man ë ŋun ë köör. Abä keek rɛtiic Yɛn guöpdï, ku nyääŋ keek piny. Abä keek kuaath, ku acïn raandɛn bï keek luäk bei në yaciin.

Amoth 3:12

Aye Bɛ̈nydït lueel an, “Kɔc ke Yithriɛl tɔ̈u në Thamaria, abïk cït man ye raan tit thök thïïm cï döŋ ë köör thok lɔ̈ɔ̈k yök piny, nɔn ë yök yom kaarou ke cök, ku nɔn ee yen thïm de biäk de yïny de thɔ̈k. Kɔc bï poth në keyiic abïk lïk, kek ee kɔc rɛ̈ɛ̈r në ageenken nïïm ënɔɔnë në Thamaria. Ayï adhuëëŋkɛn rɛ̈ɛ̈r në thöckɛn piɛth nïïm në Thamaria.

Amoth 3:4

Duëër köör ŋäär baaŋ në butic, ke cïn lɛ̈n cï dɔm? Ku dhuŋ ë köör duëër kïïu baaŋ ɣönde, të cïn kë cuet?

Amoth 3:8

Të cïï köör ŋäär eeŋa cïï duëër riɔ̈ɔ̈c? Të cïï Bɛ̈nydït Nhialic jam, eeŋa duëër mim ke cïï jamde lueel?

Naɣum 2:11

Ka pänydït cï lɔ ënou ënɔɔnë Wun wään cït duŋ de kɔ̈ɔ̈r yen mïthke cääm thïn, ku cath mïthke ke cïn kë riëëc keek.

Dhep 1:18

Në ee kööl bï Bɛ̈nydït rac de tuöc agönhde nyuɔɔthë, acakaa ateek kekë adhäm de mɛnh ë raan ëbɛ̈n acïkï ke bï kony, në luɔi bï Bɛ̈nydït piny riɔ̈ɔ̈k nɔm ëbɛ̈n kekë kɔc ëthiäu.

Dhep 2:5

Amawoou në week, wek kɔc cieŋ wɛ̈ɛ̈r yɔu, jur de Kereth! Bɛ̈nydït abï we luöi këtuc, wek Pilithiin cieŋ piny de Kanaan. Abï we riɔ̈ɔ̈k wedhie abïï ciën raan töŋ dɔ̈ŋ.

Dhep 3:6

Aye Bɛ̈nydït lueel an, “Yɛn cï juöör nyaai nyïïn ëbɛ̈n, ku riääk pɛ̈ɛ̈nydïtken ku ta pɛ̈ɛ̈ny ke ɣöötkɛn bär dɔ̈ŋ piny ke ke cï riääk. Pɛ̈ɛ̈nydït acï ke nyääŋ piny ku kuɛɛr acïn raan ee cath thïn, acïn raan cï döŋ.

Dhek 11:3

Bäny adhiaukï në jiɛthëpiɔ̈u, dhuëëŋden ë jäl! Piɛŋkï kïïu de kɔ̈ɔ̈r, ɣöndɛn roor nu ë Jordan yɔu acï riɔ̈ɔ̈k!

Bäny 14:5

Ago Thamthon lɔ Timena kekë wun ku man. Na jɔkï ɣëët ë duum ke enap ke Timena lɔ̈ɔ̈m, go aduur ë köör ŋäär ke bɛ̈k Thamthon.