Jeremia 19:9 - JAM DE NHIALIC 2011

⁹ Kɔc ke ater abïk pänydït gɔ̈ɔ̈l piny ku themkï bïk kɔcke nɔ̈k. Abïï tuɔɔk cil arac ka kɔc nu ë pänydïtic, abïk röt aa cuet kapäc ku cuetkï mïthken gup.”

Jeremia 19:9 ပူးပေါင်းရင်းမြစ်များ

2 Mel 25:3

Në kööl ye pɛɛi de ŋuan thok dhoŋuan në ee ruöönë yic, cɔk aa cï dït arëët wutic, aa cïn këman ciɛm ë kɔc ke wut.

Yith 9:20

Wutic ëbɛ̈n kɔc abïk kacaam thii cïk aa yök aa gɔ̈ɔ̈p yiic ku camkï, ku cɔŋden acïï ke bï tɔ kueth. Acakaa mïthken abïk keek cuet!

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Jeremia 38:9

“Yïn melik, kë cï ee kɔckë looi ee awäc. Acïk tiët Jeremia tääu ë yithic, ku abï thou ëtɛ̈ɛ̈n në cɔk, në biäk cïn en këcam be nu ë pänydïtic.”

Dhiëëu 2:20

Bɛ̈nydït, tïŋ tei. Eeŋö jɔ yïn wo luöi këtuc aya? Diäär acuetkï rïŋ ke mïthkɛn nhiaarkï! Bäny ke kake Nhialic ku tït anäk keek tëɣeric guöpde!

Dhiëëu 4:10

Riääk cï kɔckï yök acï riɔ̈ɔ̈cdït bɛ̈ɛ̈i, Diëër nhiaar mïth, acïk mïthken thaal ke ke ye kuïn.

Edhekiɛl 5:10

Kë bï tïc, wärken ke mïth ku märken ke mïth abïk mïthken cuet, ku mïth abïk wärken ku märken cuet në Jeruthalem. Wek bä luöi këtuc ku thiäi kɔc bï pïïr në piny nɔm ëbɛ̈n.

Lebai 26:29

Cɔŋdun abï dït aläl ka wek bï rïŋ ke wɛ̈ɛ̈tkun kekë duetkun cuet.