Jeremia 19:15 - JAM DE NHIALIC 2011

¹⁵ an acïï Bɛ̈nydït de rɛm, Nhialic de Yithriɛl lueel an, “Yɛn bï ee pänydïïtë kekë wuöt thiääk ë yen kedhie, luöi këtuc wään cä lueel an bä looi, në biäk riɛl wek nïïm, ku cäkkï kë luɛɛl ee piŋ.”

Jeremia 19:15 ပူးပေါင်းရင်းမြစ်များ

Neɣe 9:17

Acïk Yï rɛɛc thok, ku mɛ̈ɛ̈rkï nïïm në këriëëc ɣɔn cï looi ëbɛ̈n, mɛ̈ɛ̈rkï nïïm në kagɛ̈iyë ke cï ke looi, në lɛcden, gokï röt lɔ̈c bɛ̈ny bï ke dak nïïm në lïïmic paan ë Rip. Ku Yïn ee Nhialic ee kɔc päl awɛ̈ɛ̈c, Yïn de nɔm kok de piɔ̈u, ku nhiëër agɔk ku cïï ee dap gɔ̈th, kok de piɔ̈ndu adït arëët, ka kɛ̈n ë ke nyääŋ piny.

Neɣe 9:29

Acï ke yɔ̈ɔ̈k bïk wëëtdu gam ku në biäk ye kek kenïïm ɣääc, ayek lööŋku rɛɛc, na cakaa nɔn ye muŋ de lööŋku kueer de pïïr. Ayek nïïm riɛl ku reeckï ke gam.

Jeremia 11:11

Ka ënɔɔnë, Yɛn Bɛ̈nydït, Ayɔ̈ɔ̈k keek nɔn bän riääk yiɛ̈n keek, ku acïkï bï ban. Ku të le kek lɔ dhiau, ke ke kɔɔr kuɔɔny tëde Yɛn, Yɛn cïï dhiënden bï piŋ.

Jeremia 11:17

“Yɛn Bɛ̈nydït de rɛm, Yɛn cï baai de Yithriɛl com kekë baai de Juda, ku ënɔɔnë acä lëk keek nɔn bän ke yiɛ̈n riääk. Acïk ee kënë bɛ̈ɛ̈i ë kegup ë biäk cï kek awäc looi, acïk Yɛn tɔ göth në baŋ cï kek Baal nyuöp wal ŋïr.”

Jeremia 13:11

Cït man ye lupɔɔ lɔ dekdek ë raan kɔ̈u, yen ayan baai de Yithriɛl kekë baai de Juda kɔɔr bïk röt muɔ̈k ë Yɛn ë dekdek. Yɛn aa loi ee kënë agokï aa kɔckï, ku agokï dhuëëŋ ku riëëu alɛɛc yiɛ̈n rinkï, ku akënkï Ya riëëu.”

Jeremia 17:23

Kuarken akënkï jamdï piŋ, ku cïn këden yic thïn ë yen. Acïk nïïm bɛ̈n riɛl, akënkï ya riëëu ku cïkkï wɛ̈ɛ̈t tëde Yɛn.

Jeremia 18:11

Ka ënɔɔnë lɛ̈kë kɔc ke Juda ku kɔc ke Jeruthalem, nɔn luöi Yɛn keek kiɛɛr rac, ku cä rɔt kiëët bä ke luöi këtuc. lɛ̈kë keek bïk rëër de rɛ̈ɛ̈c pɔ̈l, ku bïk kuɛɛrken waar ku bïk ka loikï keek pɔ̈l.

Jeremia 19:3

Go ë Bɛ̈nydït lɛ̈k yɛn bä lueel an, “Meliik ke Juda, ku kɔc ke Jeruthalem, piɛŋkï kë lueel ë Bɛ̈nydït de rɛm, Nhialic de Yithriɛl. Yɛn bï riääkdït bɛ̈ɛ̈i ee tënë, ku raan ëbɛ̈n raan raan lɔ ee riäŋë piŋ abï nɔm mum.

Jeremia 22:21

Bɛ̈nydït acï jam ke week wään kuɛth wek, ku wek cï jaai bäk jamde piŋ. Yen kë cäk looi ka në pïïrdunic ëbɛ̈n, wek cïï Bɛ̈nydït duëër kɔn riëëu.

Jeremia 25:3

“Në run thiërrou ku diäk, në ruöön thiëër ku diäk wään ye Jothia wën de Amon melik ë Juda agut cï ee köölë, Bɛ̈nydït acï jam ke yɛn, ku yɛn kën kë cï lɛ̈k week kɔn moony. Ku week akënkï piŋ.

Jeremia 25:4

Wek kën këde piŋ, ku cäkkï gɔkic, cakaa nɔn ye Bɛ̈nydït ŋoot ke tuc week tïtke kɔc ee Yen luööi.

Jeremia 25:7

Ku acï Bɛ̈nydït lueel guöp, nɔn cä wek këde rɛɛc piŋ. Acäk tɔ göth në yiëthkun ku bɛ̈ɛ̈ikï luɔi bïï ë këtucde looi ë wegup.

Jeremia 25:8

“Ku në biäk kën wek këde piŋ, aye Bɛ̈nydït de rɛm lueel an,

Jeremia 36:31

Yïn bä luöi këtuc, wekë kuatdu, ku bänyku, në biäk de karɛc cäk looi wedhie. Yïn wekë kɔc ke Jeruthalem ku kɔc ke Juda we kën yöökdï piŋ, ka wek bä yiɛ̈n riääk cä lueel wedhie.”

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Jeremia 6:19

Ku yïn piny piëŋë! Ku në biäk luöi Yɛn täŋdɛn rac këtuc ëbɛ̈n, Yɛn bï riääk bɛ̈ɛ̈i në ee kɔckë gup, në biäk cï kek wëëtdï rɛɛc ku kënkï wëlkï riëëu.

Jeremia 7:26

Ku acïn raan ee këden gam ku cïn raan piŋ këden. Ku wek cï nïïm riɛl ku rɛɛckï käŋ awär kuarkun.

Dhiëëu 2:2

Bɛ̈nydït acï kɔc ceŋ wuöt ke Juda ëbɛ̈n riɔ̈ɔ̈k ke cïn kokdepiɔ̈u. Në agönhde acï ɣään ril ee piny gël dhuɔŋ piny. Acï ayäär bɛ̈ɛ̈i ë ciɛɛŋ guöp kekë bänykë.