Jeremia 19:13 - JAM DE NHIALIC 2011

¹³ Ɣööt ke Jeruthalem, ku ɣööt ke meliik ke Juda, ku lɔ ɣööt kedhie, ɣööt ye ke wal ŋïr nyuöp kuɛl ë kenïïm, ku të cï mɔ̈u gam thïn ke ye miɔ̈c gɛ̈më yiëth, abïk yiic cuɔl kedhie cït Topeth.”

Jeremia 19:13 ပူးပေါင်းရင်းမြစ်များ

2 Mel 17:16

Acïk lööŋ ke Bɛ̈nydït Nhialicden dhoŋ kɔ̈ɔ̈th ëbɛ̈n, ku luikï röt yiëth ke daau kaarou bïk keek lam, ku loikï yanh tiiŋ cɔl Acera, ku yek kuɛl nhial lam ku luuikï Baal.

2 Mel 23:10

Go melik yïïŋ de Topeth tɔ nhiany, ɣɔn nu ë Wak de wɛ̈ɛ̈t ke Ɣinomic, ke cïn raan bï wënde ku nɔn ee nyande be lɔ gam ke ye miɔ̈c nyupë yanh cɔl Molek.

2 Mel 23:12

Ku dhoŋ yïïk nu ɣön ë Aɣadh nɔm nhial, ka ɣɔn looi ë meliik ke Juda, ku yïïk ɣɔn looi ë melik Manatha në aguuk kaarou nu në për ke Luaŋdït yic, acï ke thɛ̈l bei ëbɛ̈n, ku dhiɛc ke yiic ku weer aromden në Wak de Kidronic.

2 Mel 23:14

Go melik Jothia mën ke kur dhuööŋ, ku yep kïït ke yanh tik cɔl Acera piny, ku löök ɣäänkɛn ë kɛ̈ɛ̈c kek thïn thiɔ̈ɔ̈ŋiic në yom ke kɔc.

Diɛt 74:7

Acïk tëduön ɣeric thuöör piny ku nyopkï në mac, acïk të ye ë Yïn lam thïn riɔ̈ɔ̈k.

Diɛt 79:1

Nhialic, kɔc kën gam acïk paandu yak, acïk luaŋduön ɣeric yɔ̈ɔ̈r, ku nyiëëŋkï Jeruthalem piny ke cï riääk.

Yith 22:1

Kënë ee jam në biäk de Nyuuth de Wak. Eeŋö loi rɔt? Eeŋö tɔ kɔc ke pänydït loi dhuëëŋ ëbɛ̈n në ɣööt nïïm nhial?

Jeremia 19:12

Yɛn cï gutguut lueel nɔn bän ee pänydïïtë kekë kɔc ceŋe tɔ cït Topeth.

Jeremia 32:29

ku abïk ɣɔ̈k mac. Abïk nyuɔp piny kekë ɣööt ëtök, ɣööt cï kɔc Yɛn tɔ göth në nyum ye kek wal ŋïr nyuöp Baal ë ɣööt nïïm, ku yek miɔ̈c de mɔ̈u ye poor gäm yiëth kɔ̈k.

Jeremia 44:18

Ku gɔl të wään pɛ̈l wok luöi ye wok tiiŋ melik de paannhial nyuöp wal ŋïr, ku pɛ̈lku luöi ye wok yen wäl nɔm mɔ̈u, wok cï nïïn bɛ̈n ciɛ̈n käŋ, ku kɔckuɔ acïk bɛ̈n thou ë tɔŋ ku në cɔk.”

Jeremia 52:13

Go Luaŋdït nyuɔp piny, ku nyop ɣön de bääny, ku nyop ɣööt ke kɔc de naamden ëbɛ̈n ë Jeruthalem,

Jeremia 7:18

Mïth ayek tiim lɔ määt yiic, ku loi röör mac, ku jɔ diäär awac nuaai, bï kek kuïn cï pam luöi yanh tiiŋ cɔl Tiiŋ melik Nhial. Ayek miɔ̈c ye poor në mɔ̈u gäm yiëth kɔ̈k aya, në biäk bïï kek Ɛn yiëk buɔ̈t.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Edhekiɛl 20:28

Acä ke bɛ̈ɛ̈i piny wään cän gutguut lueel an bä gäm keek. Na wën tïŋ kek kur bär ku tiim tɔ̈c, gokï miɔ̈c näk gäm keek kedhie. Acïk a tɔ göth në miɔc näk yek nyop ku mɔ̈n yek bɛ̈ɛ̈i ke ye miɔ̈c.

Dhep 1:5

Yɛn bï kɔc riɔ̈ɔ̈k, kɔc ee kenïïm guöt piny në ɣööt nïïm nhial, ke ke lam akɔ̈l ku pɛɛi ku kuɛl, ku kɔc ee röt tɔ ye kɔc ee kuëëŋ në Yɛn ku ayek lɔ kuëëŋ në Molek yanhden,

Luɔi 10:9

Na ɣɔn amiäk, të ŋoot kek kueer, ku cïk thiääk ë pänydït, të cï akɔ̈l kɔ̈ɔ̈c cil, go Petero lɔ nhial ë ɣöt nɔm le lɔ̈ŋ.

Luɔi 7:42

Na wën, ke Nhialic yɛl rɔt wei, ku pɛ̈l keek bïk rem de kuɛl nhial aa lam, acït man cï këcïgɔ̈ɔ̈r de tït e lueel an: ‘Wek baai de Yithriɛl! Acie Yɛn ë yak näk läi ku tëmkï ke röt Ɛn ë jɔ̈ɔ̈ric në run kathiërŋuan?

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.