Jeremia 18:8 - JAM DE NHIALIC 2011

⁸ ku na cï ee jurë rɔt puk në karɛcke yiic, Yɛn cïï kë cä lueel an luɔi bï looi.

Jeremia 18:8 ပူးပေါင်းရင်းမြစ်များ

2 Lëk 12:6

Go Melik Reɣobowam kekë kɔcke lueel an, “Ee yic wok cï kërac looi, ka kë looi Bɛ̈nydït ee yic.”

Diɛt 106:45

Në biäkden akën nɔm määr në mänden ke keek, ku looi në biäk de dït de nhiëërdɛn agɔk.

Diɛt 135:14

Bɛ̈nydït abï kɔcke gël, ku abï piɔ̈u kok kekë awuutke.

Diɛt 90:13

Agut cï nɛn yen bïï agönhdu jɔ thök? Kokëpiɔ̈u wekë awuutku Bɛ̈nydït!

Bɛ̈n 32:12

Eeŋö bï Yïn e tɔ lueel ë kɔc ke Rip an ë yï bïï kɔcku bei Rip bä ke bɛ̈n nɔ̈k ë kuriic, ku riäär kenyïïn taitai? Du loi në diu ë piɔ̈u, ku du kërɛɛcë lui kɔcku.

Bɛ̈n 32:14

Na wën, ke Bɛ̈nydït ë waar E nɔm, ku cïï kërɛɛc kɔɔr aa lui kɔcke be looi.

Jeremia 12:16

Na lek Nhialic de kɔckï gam ë kepiɔ̈ɔ̈th ëbɛ̈n, ku lek kuëëŋ luelkï an, ‘Cït man pïïr ë Bɛ̈nydït’, cït man cïï kek kɔckï kɔn wɛ̈ɛ̈t bïk aa kuëëŋ ë Baal, ka keek aya abïk aa kɔckiën kɔ̈k ku abïk kuɛth.

Jeremia 15:6

Wek cï Ya rɛɛc, wek cï wekɔ̈ɔ̈th wɛ̈l Yɛn. Aguɔ a cin riɛny tueŋ ku dhiac we yiic, në biäk cän bäp në guöm de agönhdï.

Jeremia 26:13

Wek bï kueerduön ya wek rëër ku kakuön yak looi dhil waaric, ku we bï Bɛ̈nydït Nhialicdun dhil riëëu, na lak looi, abï yenɔm waar në riääk cï lueel an bïï yiɛ̈n week.

Jeremia 26:19

Kɔc ke Juda ku melik Ɣedhekia akënkï Maika bɛ̈n tɔ näk. Ɣedhekia acï Nhialic bɛ̈n riëëu, ku ye kɔɔr bïï tɔ mit piɔ̈u. Go Bɛ̈nydït yenɔm waar, në biäk ë riääk cï lueel an bï yiɛ̈n keek. Ënɔɔnë wok kɔɔr buk riääk bɛ̈ɛ̈i ë wogup.”

Jeremia 26:3

Tɛkdäŋ bï kɔc piŋ ku pɛ̈lkï kuɛɛrkɛn rac. Na lek ke pɔ̈l, ke Yɛn bï Yanɔm waar në riääk cä kiëët kaar bä yiɛ̈n keek, në biäk ë luɔi rɛɛcden ëbɛ̈n.”

Jeremia 36:3

Tɛk däŋ të le kɔc ke Juda riääk kaar bä yiɛ̈n keek ëbɛ̈n piŋ, abïk röt puk ë kuɛɛrkɛn rac yiic. Ku ëtɛ̈ɛ̈n Abä ke päl karɛcken ku awɛ̈ɛ̈cken.”

Jeremia 42:10

‘Na kaarkï bäk ŋoot ke we rɛ̈ɛ̈r ee pinyë, ke we bä yïk abäk lɔ nhial, wek cä ke bï thuöör piny, wek bä com, wek cä bï cuän bei. Riääk cä yiɛ̈n week acï Yɛn tɔ jeth piɔ̈u aläl.

Edhekiɛl 18:21

“Na cï raan ee karɛc looi luɔi de karɛc pɔ̈l ku muk lööŋkï, na looi këpiɛth ku ee yic, acïï bï thou, abï dhil pïïr ë yic.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Edhekiɛl 33:12

‘Ënɔɔnë, mɛnh ë raan lɛ̈kë kɔc ke Yithriɛl, an piathëpiɔ̈u de raan ee kapiɛth looi acïï yen bï kony të cï yen wäc. Na cï raan ee karɛc looi luɔidɛn de awɛ̈ɛ̈c pɔ̈l, acïï bï bɛ luöi këtuc, ku piathëpiɔ̈u de raan ee kapiɛth looi acïï yen bï kony wëi të cï yen wäc.

Edhekiɛl 33:13

Yɛn duëër raan piɛth thɔ̈n pïïr, ku na le ye tak an piathëpiɔ̈ndɛn thɛɛr adït arɔ̈ŋ ke yen, ku jɔ luɔi de awɛ̈ɛ̈c bɛ gɔl, ke yɛn cïï kapiɛth ɣɔn cï looi thɛɛr bï bɛ tak. Abï thou në biäk de awɛ̈ɛ̈cke.

Edhekiɛl 33:14

Yɛn bï raan ee karɛc looi yɔ̈ɔ̈k nɔn bï yen thou, ku na pɛ̈l luɔidɛn awɛ̈ɛ̈c ku looi yic ku këpiɛth,

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Amoth 5:15

Nhiaarkï këpiɛth, ku mankï kërac. Ku yak gööny ŋiëc guiir tëde gööny. Tɛk däŋ bï Bɛ̈nydït Nhialic Awärjäŋ piɔ̈u kok kekë kɔc lik cï döŋ baai de Jothep.

Jona 4:2

Ago lɔ̈ŋ an, “Bɛ̈nydït, cie kë wään ŋiɛc ka, luɔi bïï Yïn ë looi aya, wään ŋuɔɔt ɛn paanda? Ee yen ë tɔ ya kɔt ke ya lɔ wun cɔl Tarcic. Aa ŋiɛc luɔi Yïn Nhialic de nɔm nhiëër agɔk, ku päl de karɛc, Yïn ee piɔ̈u adhuɛ̈ŋ ku ye piɔ̈u dap kok, ku Yïn ee Yïnɔm dap waar ku cïï kɔc ee luöi këtuc.

Nyöŋ 32:36

Bɛ̈nydït abï kɔcke luök, të cien yen tïŋ nɔn cïï riɛlden jäl. Abï piɔ̈u kok, kekë kɔc ee yen luööi, të cien yen tïŋ nɔn cïn kek nïïm kony.

Bäny 2:18

Të cïï Bɛ̈nydït bɛ̈ny ee löŋ guiir bɛ̈ɛ̈i, Bɛ̈nydït ee tɔ̈u kekë bɛ̈ny abïï keek luäk bei në kɔc ee ke yɔŋ cin të pïïr en. Bɛ̈nydït ee piɔ̈u kok ke keek, në luɔi cï dhiëndɛn ye kek dhiau në yaaŋ yɔŋë keek Bɛ̈nydït puk piɔ̈u.