Jeremia 18:22 - JAM DE NHIALIC 2011

²² Tɔ kɔc bɔ̈ bïk ɣöötken bɛ̈n yakiic ke cïn lëk, tɔ keek dhiau në riɔ̈ɔ̈c. Acïk ya wɛ̈c pul bän lööny thïn, ku acïk wïn ë dɛ̈p dɛɛp bïï kek ya dɔm.

Jeremia 18:22 ပူးပေါင်းရင်းမြစ်များ

Diɛt 119:85

Kɔc ee röt lɛɛc, cïï lööŋku ee riëëu, kɔc cï pɔ̈l wec deep kek yɛn.

Diɛt 140:5

Kɔc ke lɛc acïk ya deep, acïk boiken ruk kɔ̈ɔ̈th, ku tɛ̈ɛ̈ukï wïn ë dɛ̈p kueer bï kek a dɔm.

Diɛt 140:6

Guɔ lɛ̈k Bɛ̈nydït an, Yïn ee Nhialinydï. Bɛ̈nydït, piŋ dhiëndiën kaar ɛn kuɔɔny!

Diɛt 142:4

Të tiëŋ yɛn yalɔ̈ɔ̈m, aya yök ke cïn raan kony yɛn, acïn raan gël yɛn. Acïn raan ee diɛɛr në yɛn.

Diɛt 38:12

Kɔc kɔɔr bïk yɛn nɔ̈k ayek wïndɛn ë dɛ̈p dɛɛp, kɔc kɔɔr bïk ɛn luöi tëtöök ayek riääkdï leeŋ, ayek cool ë ciëk ɛn thok.

Yith 10:30

Kiɛɛukï kɔc ke Galim! Piëŋkï kɔc ke Laica! Bɛ̈ɛ̈rkï, kɔc ke Anathoth!

Jeremia 18:20

Ee kërac yen këpiɛth cool? Ku ënɔɔnë acïk ya wɛ̈c pul bän lööny thïn. Tak yïnɔm ë kööl wään bän bɛ̈n tëde yïn ku jaam ë biäkden, ago ke cïï bï luööi në agöth.

Jeremia 20:10

Yɛn ee raan ëbɛ̈n piŋ ke ŋun an, “Akuöörkuöör anu ë pinynɔm ëbɛ̈n! Ka lok lëkku bäny ke baai!” Ayï määthkï nɔm atitkï wïïkdï. Ayek lueel an, “Tɛkdäŋ bïï math, ku ëtɛ̈ɛ̈n abuk dɔm ku jɔku röt guöör.”

Jeremia 20:16

Tɔ cït ee pɛ̈ɛ̈nydïtkë, pɛ̈ɛ̈nydït cïï Bɛ̈nydït ke riɔ̈ɔ̈k ke cïn kokëpiɔ̈u. Tɔ piŋ dhiën de arɛɛm ë dhiëëuwic, ku piŋ kaaŋ de tɔŋ aköl,

Jeremia 4:31

Yɛn cï dhiëëu piŋ, cït dhiën de tiiŋ rɔ̈p, ee kiɛɛu cït kiɛɛu de nyan kaai. Ee kiɛɛu de pänydït de nyan de Dhiɔn, ee wëi gap nhial, ee yeciin riny ke lueel an, “Amawoou, yɛn cï thou! Abïk yɛn bɛ̈n nɔ̈k!”

Jeremia 5:26

“Kɔc ee karɛc looi arëërkï ë kɔckï yiic, ayek rëër ke ke tït cït man ee kɔc ee bɔi thieth ke ke dep amɔ̈r, ku acïk wïïnkɛn ke dɛ̈p luöi kɔc.

Jeremia 6:26

Aye Bɛ̈nydït lueel an, “Tääukï lupɔɔ ke cual ku daalkï röt në ŋethic. Dhiaukï në jiɛthëpiɔ̈u cït man ee raan wëndɛn tök dhiëëu, në biäk bïï raan riäk week we mak ëthiäu.

Dhep 1:16

ee kööl cï thiäŋ kekë awuɔɔu de röl ë kɛŋ ke tɔŋ, ku röl de kiɛɛu de rem de tɔŋ mɛk pɛ̈ɛ̈nydït cï gël ku ɣööt bär cï yïk ë kuur.

Math 22:15

Go Parithai jäl lek löŋ kiëët kapäc ë luɔi bï kek ë deep ë jamic.