Jeremia 18:21 - JAM DE NHIALIC 2011

²¹ Ku ënɔɔnë Bɛ̈nydït, tɔ mïthken thou në cɔk, tɔ keek näk në abätäu. Tɔ diäär tɔ cïn nïïm röör ku mïth, tɔ röör thou në jɔk, ku tɔ dhuök näk ë tɔŋic.

Jeremia 18:21 ပူးပေါင်းရင်းမြစ်များ

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

Diɛt 63:10

Abïï keek nɔ̈k në abätäu, ku guupken abïï kɔ̈ɔ̈rgɔl ke cam.

Diɛt 63:11

Në biäk bï Nhialic yen tɔ tiëm, go melik piɔ̈u miɛt. Kɔc ee kuëëŋ në rin ke Nhialic abïk dhuëëŋ yök, ku thook ke kɔc ee lueth töör abïï ke miɛɛm.

Bɛ̈n 22:24

Ku Yɛn bï gɔ̈th ku ta we näk tɔŋ. Ka diäärkun abïk aa abɛɛr, ku mïthkun abïk aa abɛɛr cïn nïïm wärken.

Yith 13:18

Në dhɛ̈ŋken ku në wiɛthken abï kek ke wɛ̈ɛ̈t dhuök nɔ̈k. Acïn kokëpiɔ̈u bïk nyuöth kor ku acïn mïth dït bïk pɔ̈l.

Yith 9:16

Kɔc wat kɔc acïk kɔc mɔ̈ɔ̈r taitai ku kɔc acïk nïïm mum.

Yith 9:17

Në biäk de ee kënë Bɛ̈nydït acïï wɛ̈ɛ̈t dhuökken bï tɔ poth, ku acïn kokdepiɔ̈u bïï nyuöth mïthkɛn abɛɛr ku diëër abɛɛr, në biäk cïï kɔc kedhie Nhialic kuc ku yek karɛc looi, raan ëbɛ̈n ee jamde pialëpiɔ̈u bɛ̈ɛ̈i bei në yethok. Cakaa yen ë tɔ̈u aya, agönh de Bɛ̈nydït abï ŋoot ke cïï thök, ku ciinde abï ŋoot ke nu biic ke kɔɔr bï këtuc looi.

Jeremia 12:3

Ku Bɛ̈nydït, Yïn ŋic yɛn, Yïn ee kë luɔi woi, ku Yïn nhiaar aläl. Thɛlë kɔc ee karɛc looi wei, cï thök le nɔ̈k, tit keek aɣet të bïï ë kaam nɛ̈kë keek bɛ̈n.

Jeremia 14:16

Ku kɔc cïk keek lɛ̈k ee jamë abïï keek nɔ̈k në ee kueerë aya. Gupken abïï keek cuat wei ë kuɛɛr ke Jeruthalem yiic, ku abï ciɛ̈n raan bï keek tɔ̈ɔ̈u. Kënë abï rɔt luöi keek kedhie. Diäärken ku wɛ̈ɛ̈tken, ku duetken, abä keek tɔ col karɛcken.”

Jeremia 15:7

We ya wiɛɛu ë yomic cï wal, ë wuöt ke pinydun ëbɛ̈n. Kɔckï wek cä riɔ̈ɔ̈k, ku näk mïthkun, në biäk kën wek kuɛɛrkuön rac pɔ̈l.

Jeremia 15:8

Ade diëër abɛɛr juëc pinydun, diëër wär liɛɛt ë wɛ̈ɛ̈r yɔu. Yɛn ee dhuökkun nɔ̈k ke ke kor, ku ta märken nuan. Aya keek yuöp piny ëthiäu në tɔ̈ɔ̈k ku riɔ̈ɔ̈cdït.

Jeremia 50:30

Ka dhuökke abïk keek nɔ̈k në kuɛɛr ke pänydït yiic, ku remdɛn ë tɔŋ ëbɛ̈n abïï riɔ̈ɔ̈k ee köölë. Acä lueel, Yɛn Bɛ̈nydït.

Jeremia 9:21

Thuɔɔu acï bɛ̈n thïn në awëërkuɔ nyïïn, ku le ë ɣöötkuɔn ke bääny yiic, acï mïth dhuɔŋ piny ë kuɛɛr yiic, ku dhoŋ dhuök piny ë ɣään ke ɣööc yiic.

Dhiëëu 1:15

“Bɛ̈nydït acï kɔckiën ril kë tɔŋ rɛɛc kedhie. Ku tooc amatnɔm bïï dhuökï riɔ̈ɔ̈k. Acïk kɔckï dhuɔŋ piny cït man ye raan mɔ̈n de enap dhiim tëde dhiɛ̈m.

Dhiëëu 5:3

Wärkuɔ acïï kɔc ke ater ke nɔ̈k, ku ënɔɔnë märkuɔ ayek diëër abɛɛr.

Edhekiɛl 16:38

Yïn bä luöi këtuc në biäk de kɔ̈ɔ̈r ë diäär ku nääk de kɔc, ku në agönhdï, ku tuöc de piɔ̈ndï yïn bä mäc thuɔɔu.

Edhekiɛl 22:25

Bäny acïk ciët kɔ̈ɔ̈r kïïu ë läi cïk nɔ̈k kɔ̈ɔ̈th. Ayek kɔc nɔ̈k, ku nömkï wëu kedhie, ku kakɛn cïk yök, ku në nääkdɛn ye kek kɔc nɔ̈k acïk diëër abɛɛr juëc nyääŋ piny.

Amoth 4:10

“Wek cä luöi riääkdït, cït riääk ɣɔn cä kɔn luöi kɔc ke Rip. Yɛn ë wɛ̈ɛ̈t dhuökkun tɔ näk tɔŋ, ku jöŋgöörkun abä ke peec ë tɔŋ. Ku ta we tɔ nɛ̈k aŋuäc de kɔc cï thou ë pɛɛnykun yiic. Ku wek ŋoot ke we kën röt pɔ̈k Ɛn. Kë cïï Bɛ̈nydït lueel ka.

Nyöŋ 32:25

Ku tɔŋ abï thuɔɔu bɛ̈ɛ̈i në kuɛɛriic, ku riɔ̈ɔ̈c abï keek yuöp piny në ɣöötic. Dhuök ku duet abïk thou, ku acïn mɛnh koor ayï monydït bïï pɔ̈l.

2Tim 4:14

Alekandaro thänh ë maläŋ acï a luöi kërac aläl: abïï Nhialic tɔ yök këdɛn rɔ̈ŋ ke luɔide.

1 Tham 15:33

Go Thamwɛl lɛ̈k yen an, “Cït man cïï abätäudu diäär juëc tɔ cïn nïïm mïth, yen abï moor nɔm ciën meth në diäär yiic.” Go Thamwɛl Agak nɔ̈k në yïïŋ de Bɛ̈nydït nɔm ë Gilgal ëtɛ̈ɛ̈n.