Jeremia 18:19 - JAM DE NHIALIC 2011

¹⁹ Aguɔ jɔ lɔ̈ŋ an, “Bɛ̈nydït piŋ kë luɛɛl, ku piŋ kë lueel ë kɔc de aterdï në biäkdï.

Jeremia 18:19 ပူးပေါင်းရင်းမြစ်များ

2 Mel 19:16

Ënɔɔnë, Bɛ̈nydït, Tïŋ kë luiyë wook, piŋ wo röt. Piŋ ka jɔ Thenakerip melik de Athiriya ke Yï dɔl guöp, Yïn Nhialic pïïr.

Neɣe 6:9

Keek aa themkï bïk wo riääc, nɔn duëërku luɔi tɔ kääc, guɔ lɔ̈ŋ luɛɛl an, “Ënɔɔnë Nhialic tɔ ya ril!”

Diɛt 109:28

Abïk yɛn aa cieen, ku Yïn bï yɛn aa thieei. Tɔ ya tiaam kɔc ee yɛn yɔŋ, ku tɔ yɛn mit piɔ̈u yɛn awundu.

Diɛt 109:4

Ayek yɛn rɛɛc, cakaa nɔn nhiaar Yɛn keek ku yɛn cï lɔ̈ŋ ë biäkden.

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 18:20

Ee kërac yen këpiɛth cool? Ku ënɔɔnë acïk ya wɛ̈c pul bän lööny thïn. Tak yïnɔm ë kööl wään bän bɛ̈n tëde yïn ku jaam ë biäkden, ago ke cïï bï luööi në agöth.

Jeremia 20:12

Ku Bɛ̈nydït de rɛm, Yïn ee kɔc them ë yic, yïn ŋic kë nu ë kenïïm ku në kepiɔ̈ɔ̈th. Tɔ ya tïŋ yïn ke yï guur këdï në kɔc ke aterdï, në biäk cän göönydï tääu ë yïcin.

Dhiëëu 3:59

Luök ë ya luk Yïn ŋic awäny cï luöi yɛn.

Maika 7:8

Du yïnɔm lec në yɛn raan de ater, na cakaa nɔn cän wïïkë, yɛn bï rɔt bɛ jɔt. Na ya cakaa rëër në mɔ̈ɔ̈th yic ënɔɔnë, Bɛ̈nydït ee yɛn gäm ɣɛɛr.