Jeremia 18:18 - JAM DE NHIALIC 2011

¹⁸ Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 18:18 ပူးပေါင်းရင်းမြစ်များ

2 Tham 15:31

Na wën ke raan tök ë yɔ̈ɔ̈k Debid an, “Aɣithopel ë mɛt në kɔc ke Abthalom yiic.” Go Debid lɔ̈ŋ an, “Bɛ̈nydït, yïn läŋ tɔ jam de Aɣithopel tɔ cïn naamde!”

2 Tham 17:14

Na wën ke lueel Abthalom ku kɔc ke Yithriɛl an, “Kë cïï Ɣucai raan de Arkit lueelë yen aŋuän në kën ë lëk ë Aɣithopel wook.” Acïï Bɛ̈nydït guiir nɔn cïï täŋ piɛth de Aɣithopel bïï gam, ke bï riääk bɛ̈ɛ̈i në Abthalom guöp.

1 Mel 22:24

Na wën, ke tiët Dhedekia jɔt rɔt ku le Mikaya biɔ̈ɔ̈k gëm, ku lop an, “Wëi ke Bɛ̈nydït ë ke jäl nɛn tëde yɛn, ku lek aa jam në yïn?”

2 Lëk 24:21

Melik Jowac acï mat ke kɔc lui Dhekaria kiɛɛr rac, go melik keek yɔ̈ɔ̈k bïk Dhekaria biɔ̈ɔ̈k ë kur në kal ë Luaŋdït yic.

Jop 5:13

Yen ee kɔc ee rɔt tɔ ye ka pel nïïm dɔm në dɛ̈pdenic, ke kïïtdɛn ë ruëëny bïï dap tɔ kääc.

Diɛt 21:11

Ayek kiɛɛrden looi, ku luikï Bɛ̈nydït kiɛɛr rac, ku acïkï bï tiam.

Diɛt 52:2

Yïn ee käŋ kiëët bä kɔc kɔ̈k riɔ̈ɔ̈k, liemdu acït rën moth. Yïn ee cool ë luel tör.

Diɛt 57:4

Yɛn cïï kɔc ke ater gɛɛu cil, ka cït kɔ̈ɔ̈r ee kɔc cuet. Lecken acïtkï tɔɔŋ ku wiɛth ke dhaŋ, ku liëpken acïtkï abätɛ̈ɛ̈u moth thook.

Diɛt 64:3

Acïk keliëp theer cït abätɛ̈ɛ̈u, ku wëlken acïtkï wiɛth ke dhɛ̈ŋ.

Kɛ̈ŋ 18:21

Liep ee kony ku ee näk, raan nhiaar en abï ariöpde thiëëp.

Yith 32:7

Raan dhɔ̈n arac ku karɛc looi, ee kɔc kuanynyïïn nɔ̈k në tör ë lueth, ku cïï ke tɔ yök yicden në gööny yic.

Jeremia 1:19

Ku ee köölë yïn bä gäm riɛl bï yïn ke lëu, yïn bï ciët pänydïït cï gël ë mën ë wëëth, ku ciëtë päny de maläŋ. Acïkï yïn bï tiaam, në biäk bä Yɛn tɔ̈u wo yïn ke yï gɛ̈l. Acä lueel, Yɛn Bɛ̈nydït.”

Jeremia 11:19

Yɛn aa cït nyɔɔŋ amääl le nɔ̈k biic, ku aa cä ŋic nɔn yen yɛn ë luiyë ee kiɛɛr rɛɛcë. Aa yek lueel an, “Yepku tim piny të ŋoot en ke tiɔp, lok nɛ̈kku ke cïn raan bï yen bɛ tak taitai.”

Jeremia 18:11

Ka ënɔɔnë lɛ̈kë kɔc ke Juda ku kɔc ke Jeruthalem, nɔn luöi Yɛn keek kiɛɛr rac, ku cä rɔt kiëët bä ke luöi këtuc. lɛ̈kë keek bïk rëër de rɛ̈ɛ̈c pɔ̈l, ku bïk kuɛɛrken waar ku bïk ka loikï keek pɔ̈l.

Jeremia 18:19

Aguɔ jɔ lɔ̈ŋ an, “Bɛ̈nydït piŋ kë luɛɛl, ku piŋ kë lueel ë kɔc de aterdï në biäkdï.

Jeremia 2:8

Bäny de kake Nhialic akënkï thiëëc an, tɔ̈u Bɛ̈nydït ënou? Bäny ke kake Nhialic de nɔmdï akuckï Yɛn. Bäny ke baai acïk A rɛɛc, ku jam tït në rin ke Baal, ku lɛmkï yiëth cïn naamden.

Jeremia 20:10

Yɛn ee raan ëbɛ̈n piŋ ke ŋun an, “Akuöörkuöör anu ë pinynɔm ëbɛ̈n! Ka lok lëkku bäny ke baai!” Ayï määthkï nɔm atitkï wïïkdï. Ayek lueel an, “Tɛkdäŋ bïï math, ku ëtɛ̈ɛ̈n abuk dɔm ku jɔku röt guöör.”

Jeremia 26:11

Go bäny ke kake Nhialic ku tït jɔ lɛ̈k bäny ku kɔc an, “Raanë arɔ̈ŋ bïï kuöm thuɔɔu, ë biäk cï yen kërac luɛɛl ë päänydïïtda guöp. Acäk piŋ në weyïth.”

Jeremia 37:13

Ku të wën cuööp en Kal Thoŋ ë Benjamin, go bɛ̈ny ë rem de tɔŋ nu ë luɔi nɔm ëtɛ̈ɛ̈n, mony cɔl rin Yirija wën de Celemia, ku ye wën de wën de Ɣanania, go tiët Jeremia dɔm lueel an, “Yïn lɔ rɔt gäm kɔc ke Babilonia!”

Jeremia 43:2

Go Adharia wën de Ɣocaya, ku Joɣanan wën de Karia, ku lɔ röör cïn piɔ̈ɔ̈th kedhie, gokï ya yɔ̈ɔ̈k an, “Yïn tör käŋ! Bɛ̈nydït Nhialicda akën yïn tooc bä bɛ̈n lɛ̈k wook an, duökï lɔ Rip ku bäk lɔ ceŋ ëtɛ̈ɛ̈n.

Jeremia 44:16

“Wo cï jam cï lɛ̈k wook ë rin ke Bɛ̈nydït rɛɛc gam.

Jeremia 44:17

Ku wo bï këriëëc ëbɛ̈n looi, kë cuk lueel an buk looi. Wok bï wal ŋïr nyuöp tiiŋ melik de paannhial, ku abuk wäl nɔm mɔ̈u, cït man ɣɔn ye wok ye looi në kuarkuɔ, ku meliikuɔ ku bänykuɔ ë wuöt ke Juda yiic ku kuɛɛr ke Jeruthalem yiic. Wok cï nïïm dɛ kacaam juëc, ku kuethku, ku aa cïn nuan ë nu.

Jeremia 8:8

Eeŋö ya wek e lueel an, pɛlkï nïïm, ku an ŋiɛckï lööŋkï? Tiëŋkï lööŋ acï ke waar yiic në kɔc ee gär cie adööt.

Dhiëëu 3:62

Kɔc man ɛn ayek thook täu në yaguöp, ku yek kiɛɛr rac looi aköölnyïïn.

Edhekiɛl 7:26

Riäŋë abï bɛ̈n ë riäŋë cök, ku thook luel karɛc abïk aa bɛ̈n. Wek bï nyuuth kɔɔr tëde tiët bï we lɛ̈k ka cï tïŋ. Bäny ke kake Nhialic abïk nïïm ciën kë bï kek kɔc wɛ̈ɛ̈t, ku röördït abïk nïïm ciën ka jiëëm kek kɔc.

Lebai 10:11

Yïn bï kɔc dhil wɛ̈ɛ̈t në lööŋ kedhie, lööŋ wään gëmë Bɛ̈nydït Mothe.”

Maika 3:6

Në biäk de ee kënë, akööl abïkï, akööl bï yiic ciën nyuuth, ku mɔ̈ɔ̈th cïnic cäär. Aköl de tït abï lɔ piny, ku akölden abï rɔt puk aye mɔ̈ɔ̈th.

Maika 3:7

Ku kɔc ee nyuuth tïŋ, abïk yäär, ku tït abïk guöp riɔ̈ɔ̈c. Abïk kenyïïn kum kedhie, në luɔi cän jamden bï bɛ aa puk nɔm Yɛn Nhialic.

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Luk 11:45

Go raan tök ë bäny ke löŋ jɔ bɛ̈ɛ̈r, yöök an, “Bɛ̈ny ee wëët, luɛl lueel yïn ee kakë, ke yïn ë wook lat aya!”

Jɔn 9:40

Të cï Parithai kakë piŋ, Parithai nu ë yelɔ̈ɔ̈m, ke jɔkï thiëëc an, “Ayï wook, yok cöör?”