Jeremia 18:16 - JAM DE NHIALIC 2011

¹⁶ Acïk ee pinyë tɔ ee këde riɔ̈ɔ̈c, bï biɔɔn guöp aɣet athɛɛr. Kɔc ee tɛ̈ɛ̈k eenë kedhie ayek gäi në kë cïk tïŋ, ayek kenïïm bet në gäidït.

Jeremia 18:16 ပူးပေါင်းရင်းမြစ်များ

1 Mel 9:8

Ku Luaŋdït abï tɔ̈u piny ke ye kuut cï riääk, ku raan ee tëëk eenë ëbɛ̈n abï gäi, ku riëëk piɔ̈u an, ‘Eeŋö luiyë Bɛ̈nydït ee kënë pinyë, ayï Luaŋdïïtë?’

2 Lëk 29:8

Ku në biäk de ee kënë Bɛ̈nydït acï gɔ̈th kekë Juda ku Jeruthalem, ku kë cï luöi keek acï raan ëbɛ̈n tɔ riɔ̈c ku tɔ ke mum nïïm. Wek ŋic ee kakë apiɛth.

Diɛt 109:25

Të ye kɔc yɛn tïŋ, ayek yɛn bui guöp, ayek kenïïm bet ku dɔlkï yɛn guöp.

Diɛt 22:7

Kɔc ee yɛn tïŋ ayek en geet guöp. Ayek keliëp läŋ bei ku betkï kenïïm.

Diɛt 44:14

Yïn cï wo tɔ ye kɔc ye juöör biɔɔn gup, ku ayek kenïïm bet ke ke dɔl wo gup.

Yith 37:22

acïï Bɛ̈nydït lueel an, “Nyan de Dhiɔn adɔl yïguöp, ku nyan de Jeruthalem abiɔn Thenakerip guöp.

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Jeremia 19:8

Yɛn bï gökdïït de riääk bɛ̈ɛ̈i ë pänydïtic, ka raan bï aa tɛ̈ɛ̈k ëtɛ̈ɛ̈n abï wɛ̈ɛ̈ŋ ku gɛ̈i arëët.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 29:18

Abä keek cop cök ë tɔŋ, ku cɔk, ku jɔɔk, ku juöör ke piny nɔm kedhie abïk riɔ̈ɔ̈c në kë yek tïŋ. Të cän keek thiäi thïn ëbɛ̈n, kɔc abïk aa gäi ku riɔ̈ckï në kë cï tuöl tëde keek. Abïï kɔc ke biɔɔn gup ku tɔ rinken ee këde aciɛɛn.

Jeremia 42:18

“Acïï Bɛ̈nydït de rɛm, Nhialic de Yithriɛl lueel an, ‘Cït man cï agönhdiën tuc wäl ë kɔc ke Jeruthalem gup, yen abï agönhdiën tuc wäl ë wegup aya të la wek lɔ lɔ Rip. We bï aa kɔc ye kɔc riɔ̈ɔ̈c të tïŋ ë we, kɔc abïk we aa luööi në abiaan, ku ye rinkun tɔ aa ciɛɛn. Wek cïï ee tënë bï bɛ tïŋ taitai.’ ”

Jeremia 44:12

Ku në biäk de kɔc ke Juda cï döŋ, ku acïk dhel nɔn bï kek lɔ ceŋ ë Rip, abä dhil kiëët nɔn bïï ë keek riɔ̈ɔ̈k kedhie. Abïk thou kedhie ë Rip, röördït, ku kɔc kor, abïk thou ë tɔŋ, ku nɔn ee cɔk. Kɔc abïk aa riɔ̈ɔ̈c në tïŋden, abï kɔc keek aa luööi në abiaan, ku tɔ rinken ee këde aciɛɛn.

Jeremia 48:27

Tak yïnɔm apiɛth Mowap, wëën ë yï cïï kɔc ke Yithriɛl ee dɔl gup? Aa yak keek luööi cït man ë kɔc cïï cuɛ̈ɛ̈r keek gëk.

Jeremia 49:13

Yɛn guöp, Yɛn cïï kuëëŋ, nɔn bïï ë pänydïït de Bothera aa të bïï kɔc aa riɔ̈ɔ̈c të tïŋ ë yen, ku abï aa jɔ̈ɔ̈r, abï kɔc aa dɔl guöp, ku yek rinke tɔ aa aciɛɛn. Ku wuöt kor thiääk në yen abïk riääk aɣet athɛɛr. Acä lueel, Yɛn Bɛ̈nydït.”

Jeremia 49:17

Go ë Bɛ̈nydït lueel an, “Riääk bï bɛ̈n Edom abï rac arëët, cakaa raan tɛ̈k kueer abï aa päu ku riɔ̈ɔ̈c arëët.

Jeremia 50:13

Në biäk de agönhdï acïn raan bï ceŋ ë Babilon, abïï nyääŋ piny ke cï riääk, ku kɔc bï aa tëëk ëtɛ̈ɛ̈n abïk päu ku gɛ̈ikï.

Jeremia 51:37

Yen ee paanë abï ya akut de ka cï riääk, të bïï kɔ̈ɔ̈rgɔl aa ceŋ thïn. Abï kɔc aa tïŋ ku dɔm riɔ̈ɔ̈cdït keek, acïn raan bï ceŋ ëtɛ̈ɛ̈n, ku kɔc bï yen aa tïŋ ëbɛ̈n abïk aa riɔ̈ɔ̈c.

Jeremia 51:43

Wuöt acïk aa kak ee kɔc gäm riɔ̈ɔ̈cdït të tïŋ ë keek, ku acïk ciët jɔ̈ɔ̈r cïn yic pïïu, të cïn raan ee ceŋ thïn, ku cïn mɛnh ë raan ee tëëk thïn.

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Dhiëëu 1:12

Ku ye kɔc tɛ̈k kueer ëbɛ̈n yöök an, “Tïŋ ɛn! Acïn raan cï arɛɛm kɔn yök cït man ë yɛn. Arɛɛm ë yïïn ë Bɛ̈nydït yɛn në akööl ke agönhde.

Edhekiɛl 12:19

lɛ̈kë jur ëbɛ̈n an kënë ee jam de Bɛ̈nydït Awärjäŋ, jam lëk kɔc ke Jeruthalem ŋoot ke ke rɛ̈ɛ̈r pinyden: Abïï ke lath të ciëm kek, ku lɛthë keek në riɔ̈ɔ̈c të dek kek pïïu. Pinyden abï döŋ ke cïn kë tɔ̈u thïn, në biäk liiu ë löŋ tëde kɔc rɛ̈ɛ̈r thïn.

Edhekiɛl 27:36

Yïn ë jäl, ë jäl athɛɛr, ku kɔc ee käŋ ɣaac ë pinynɔm acïk riɔ̈ɔ̈c, acïk riɔ̈ɔ̈c në luɔi bï kek riääkdu rɔm ë yïn.”

Edhekiɛl 36:3

“Cäärë, ëtɛ̈ɛ̈n, ku caalë kë luɛɛl Yɛn Bɛ̈nydït Awärjäŋ. Të le juöör thiɔ̈k we peec ku rumkï kur ke Yithriɛl, keek kedhie acïk Yithriɛl läät.

Edhekiɛl 6:14

Ɣɛɛ, Yɛn bï yaciin riny ku riääk pinyden. Abä tɔ ee jɔ̈ɔ̈r gɔl në wöuwic leer piny de Ribila në biäk të lɔ rut, acïn të bä pɔ̈l në ɣään ceŋ ë kɔc ke Yithriɛl. Ago ë raan ëbɛ̈n ŋic nɔn Yan Bɛ̈nydït.”

Lebai 26:32

Yɛn bï pinydun riɔ̈ɔ̈k liŋliŋ, ka kɔc dɛ wek ater rɛ̈ɛ̈r ëtɛ̈ɛ̈n abïk gäi aläl në riääk cït ee kënë.

Lebai 26:43

Në biäk bï kek piny pɔ̈l, ku yɛn jɔ lɔ̈ŋde looi, të bï en rɛ̈ɛ̈r yetök të cïn keek. Abïk ariöp de karɛcken cuat piny në biäk cï kek lööŋkï rɛɛc ku mankï wëëtdï.

Maika 6:16

Kënë abï rɔt looi në biäk cä wek lööŋ rac ke melik Omri kekë wëndɛn melik Aɣap kuany yiic. Wek cï kë yek lɛ̈k week lɔ̈ɔ̈k aa looi, ku wek bä tɔ riäk, ka wek bïï raan ëbɛ̈n dhɔ̈l gup. Ku kɔc ke pinynɔm kedhie, abïk week aa luööi arac abï we luööi në män.”

Math 27:39

Go läät ë kɔc wën ee tëëk ëtɛ̈ɛ̈n, ke ke lek kenïïm,

Mak 15:29

Go kɔc wën ee tëëk agokï aa läät, ke ke lek kenïïm, luelkï an, “Aa! Yïn ee raan ë Luaŋdït dhuöör piny, ku bɛyë yïk ë nïn kadiäk!

Nyöŋ 28:59

abï week ku mïth ke mïthkun tuöc jɔɔk cie waar ku jɔɔk tuc thook ee kɔc thöl, jɔɔk cïï duëër kɔ̈ɔ̈c taitai.

Nyöŋ 29:23

Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,