Jeremia 18:11 - JAM DE NHIALIC 2011

¹¹ Ka ënɔɔnë lɛ̈kë kɔc ke Juda ku kɔc ke Jeruthalem, nɔn luöi Yɛn keek kiɛɛr rac, ku cä rɔt kiëët bä ke luöi këtuc. lɛ̈kë keek bïk rëër de rɛ̈ɛ̈c pɔ̈l, ku bïk kuɛɛrken waar ku bïk ka loikï keek pɔ̈l.

Jeremia 18:11 ပူးပေါင်းရင်းမြစ်များ

Cäk 11:7

Bäkï, ya lɔ piny, la thoŋden liääpic ke ke cïï bï bɛ piŋ ë röt.”

1 Mel 22:23

Go Mikaya jamde thïk thar an, “Yen kë ë loi rɔt ka. Bɛ̈nydït ë tïtkuön kë tɔ töör yïn lueth. Ku yen guöpde ë löŋ tääu piny an bï riääk yï yök!”

2 Mel 17:13

Ku Bɛ̈nydït acï Yithriɛl jɔ̈ɔ̈ny në jam de tiët ëbɛ̈n ku jam de monydaai ëbɛ̈n an, “Pälkï kuɛɛrkuön rac, ku riëëukï lööŋkï ku wëëtdï cït man cän ke gäm week në kueer ë awuutkï tït ke Nhialic.

2 Mel 22:13

“Lakkï, ku thiëckï Bɛ̈nydït në biäkdï, ku biäk de kɔc, ku në biäk de kɔc ke Judai ëbɛ̈n, ku në biäk de jam de awerek de löŋ cï yökë, në biäk dïït agönh ë Bɛ̈nydït nu ë wo yiëth, në luɔi kënë ë kuarkuɔ jam de awerekë döt, ku luikï në kë cï gɔ̈ɔ̈r ëbɛ̈n në biäkda.”

2 Mel 5:5

Go melik ë Thiriya lueel an, “Lɔ tëde melik de Yithriɛl ku bä gäm awerekë.” Ago Naaman jäl, ke muk aguum kathiërdiäk ke ateek, ku aguum kadhetem ke adhääp, ku dut de lupɔɔ ee cieŋ kathiëër.

Yith 5:5

“Kë bä luöi domdiën enap kï, yɛn bï thɔc cän e geeu nyaai, ku thuöör kal wään cän e gël piny, ku ta ciɛm ë läi roor ku dumkï.

Yith 57:1

Kɔc piɛth ayek thou, ku acïn raan ee ye yökic, ku cïn raan diɛɛr në yen. Ku të cï kek thou acïn riäŋ ee ke yök.

Jeremia 11:11

Ka ënɔɔnë, Yɛn Bɛ̈nydït, Ayɔ̈ɔ̈k keek nɔn bän riääk yiɛ̈n keek, ku acïkï bï ban. Ku të le kek lɔ dhiau, ke ke kɔɔr kuɔɔny tëde Yɛn, Yɛn cïï dhiënden bï piŋ.

Jeremia 11:19

Yɛn aa cït nyɔɔŋ amääl le nɔ̈k biic, ku aa cä ŋic nɔn yen yɛn ë luiyë ee kiɛɛr rɛɛcë. Aa yek lueel an, “Yepku tim piny të ŋoot en ke tiɔp, lok nɛ̈kku ke cïn raan bï yen bɛ tak taitai.”

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 19:15

an acïï Bɛ̈nydït de rɛm, Nhialic de Yithriɛl lueel an, “Yɛn bï ee pänydïïtë kekë wuöt thiääk ë yen kedhie, luöi këtuc wään cä lueel an bä looi, në biäk riɛl wek nïïm, ku cäkkï kë luɛɛl ee piŋ.”

Jeremia 19:3

Go ë Bɛ̈nydït lɛ̈k yɛn bä lueel an, “Meliik ke Juda, ku kɔc ke Jeruthalem, piɛŋkï kë lueel ë Bɛ̈nydït de rɛm, Nhialic de Yithriɛl. Yɛn bï riääkdït bɛ̈ɛ̈i ee tënë, ku raan ëbɛ̈n raan raan lɔ ee riäŋë piŋ abï nɔm mum.

Jeremia 25:2

Acï tiët Jeremia lɛ̈k kɔc ke Juda kedhie ku kɔc ke Jeruthalem an,

Jeremia 25:5

Acïk week yɔ̈ɔ̈k bäk röt puk në kuɛɛrkuön rac yiic, ku në karɛc yak looi yiic, aguɔkï rëër piny cï Bɛ̈nydït gäm week ë kuarkun ke ye këdun aɣet athɛɛr.

Jeremia 26:13

Wek bï kueerduön ya wek rëër ku kakuön yak looi dhil waaric, ku we bï Bɛ̈nydït Nhialicdun dhil riëëu, na lak looi, abï yenɔm waar në riääk cï lueel an bïï yiɛ̈n week.

Jeremia 26:3

Tɛkdäŋ bï kɔc piŋ ku pɛ̈lkï kuɛɛrkɛn rac. Na lek ke pɔ̈l, ke Yɛn bï Yanɔm waar në riääk cä kiëët kaar bä yiɛ̈n keek, në biäk ë luɔi rɛɛcden ëbɛ̈n.”

Jeremia 3:1

Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Jeremia 3:22

Pɔ̈kkï röt ee në wedhie, wek kɔc wään cï röt yal wei tëde Bɛ̈nydït, abï we tɔ piɔl gup ku tɔ we ye adööt. Ayak lueel an, “Ɣɛɛ, wok bɔ̈ tëde Bɛ̈nydït, në biäk ee Yen Nhialicda.

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Jeremia 36:3

Tɛk däŋ të le kɔc ke Juda riääk kaar bä yiɛ̈n keek ëbɛ̈n piŋ, abïk röt puk ë kuɛɛrkɛn rac yiic. Ku ëtɛ̈ɛ̈n Abä ke päl karɛcken ku awɛ̈ɛ̈cken.”

Jeremia 36:7

Tɛk däŋ bïk Bɛ̈nydït lɔ̈ŋ ku pukkï röt ë kuɛɛrkɛn rac yiic, ë biäk cï Bɛ̈nydït kɔckë lɛ̈k në agöth ku diu ë piɔ̈u.”

Jeremia 4:1

Aye Bɛ̈nydït lueel an, “Kɔc ke Yithriɛl, na kaarkï bäk bɛ̈n ciëën ke we puk röt Ɛn. Ku nyaaikï yiëthkuön maan ku takï wepiɔ̈ɔ̈th adööt në Yɛn,

Jeremia 4:14

Yïn Jeruthalem waakë rɛ̈ɛ̈c tɔ̈u në yïpiɔ̈u wei, ke yï bï kony. Bä jɔ ŋoot ke yï tak karɛc agut cï nɛn?

Jeremia 4:23

Yɛn cï piny tïŋ ke ye riaaŋ cïn kë ye yök thïn, ku të nhial acïn ɣɛɛr.

Jeremia 4:6

Nyuɔthkï kueer lɔ Dhiɔn! Kuɔnykï röt wei! Duökï gääu! Bɛ̈nydït abïï riääk, riäŋdïït bɔ̈ në biäk të lɔ rut.

Jeremia 51:11

Bɛ̈nydït acï meliik ke Media tuök nhial, në biäk cï Yen ye guiir nɔn bïï En Babilonia riɔ̈ɔ̈k. Yen kueer bïï Yen riääk de luaŋde guöör ka. Bɛ̈ny de rem mɛk wut ee kɔc yɔ̈ɔ̈k an, “Cuɔthkï wiɛthkun thook! Guiirkï köötkun apiɛth!

Edhekiɛl 13:22

“Në luethkun wek cï kɔc piɛth tɔ riääk piɔ̈ɔ̈th, kɔc cä ke kɔɔr bïk piɔ̈ɔ̈th riääk. Yïn ee kɔc ee karɛc looi pɛ̈n puŋëpiɔ̈u agokï wëiken kony.

Edhekiɛl 18:23

Go Bɛ̈nydït Awärjäŋ thiëc an, “Ye tak ya piɔ̈u miɛt të tiëŋ ɛn raan ee karɛc looi ke thou? Ei, aya kɔɔr bä tïŋ ke puk yepiɔ̈u ku bï pïïr.

Jona 3:8

Raan ëbɛ̈n abï Nhialic dhil lɔ̈ŋ në yepiɔ̈u ëbɛ̈n, abï yepiɔ̈u dhil puk ëgɔk, ago täu rɛɛcde pɔ̈l, ku pɛ̈l kɛcëpiɔ̈u yen kërac dap looi yë.

Maika 2:3

Ago Bɛ̈nydït lueel an, “Piɛŋkï, wek ee kɔckë, wek luöi keek këtuc, kë cä wek weyiëth bï lëu në luny. Ka wek cïï bï bɛ cath ke we ɣɛ̈ɛ̈c wenïïm, në luɔi bï kek aa kööl rac arëët.

Dhek 1:3

ku ënɔɔnë, alɛ̈k ë Bɛ̈nydït de rɛm week an, “Puɔ̈kkï röt ɛn, ku yɛn bï rɔt pɔ̈k week.

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.

Jakop 4:13

Cai week, wek kɔc ee ye lueel an, “Ë köölë ayï miäk wo bï dhil lɔ paanë lok ruöön tök thöl ëtɛ̈ɛ̈n, agoku käŋ aa ɣɔɔc ku ɣɛɛcku käŋ, ago wëukuɔ kenyïïn ŋuak.”

Jakop 5:1

Cai week, wek kɔc kueth, dhiaukï abäk kiɛɛu moc, në katuc bɔ̈ ka bï we dhal!