Jeremia 18:10 - JAM DE NHIALIC 2011

¹⁰ ku na lɔ ee jurë ya kɛ̈n riëëu ku looi kërac, Yɛn cïï kë cä lueel an luɔi bï looi.

Jeremia 18:10 ပူးပေါင်းရင်းမြစ်များ

Diɛt 125:5

Ku të lui yïn kɔc rac këtuc luöiyë këtuc kɔc ee lööŋku rɛɛc aya. Mät abï tɔ̈u ke Yithriɛl.

Edhekiɛl 18:24

‘Ku na päl raan ee kapiɛth looi luɔidɛn de piathëpiɔ̈u, ku ciɛk luɔi de karɛc cït karɛc ye kɔc ee karɛc looi ke looi, bïï ceŋ ke pïïr aya? Ei! Acïn töŋ de kapiɛth wään ye looi bïï bɛ tak. Abï dhil thou në biäk de ciɛ̈n adöt ku në baŋ de karɛcke.

Edhekiɛl 33:12

‘Ënɔɔnë, mɛnh ë raan lɛ̈kë kɔc ke Yithriɛl, an piathëpiɔ̈u de raan ee kapiɛth looi acïï yen bï kony të cï yen wäc. Na cï raan ee karɛc looi luɔidɛn de awɛ̈ɛ̈c pɔ̈l, acïï bï bɛ luöi këtuc, ku piathëpiɔ̈u de raan ee kapiɛth looi acïï yen bï kony wëi të cï yen wäc.

Edhekiɛl 33:18

Na cï raan piɛthpiɔ̈u luɔidɛn piɛth pɔ̈l ku gɔl luɔi de karɛc, ke abï thou në biäkde.

Edhekiɛl 45:20

Në kööl de dhorou ë pɛɛi yic, wek bï kë cït ee kënë looi, në biäk de raan ëbɛ̈n, raan bï wäc ke kuc nɔn cïï yen awäc looi, në ye kueerë wek bï Luaŋdït jɔ teem guöp.

Dhep 1:6

ku riääk kɔc ee röt dak ciëën ku cïkï Ya be kuany cök, kɔc cie bɛ̈n ku thiëckï Yɛn bä ke wat.

Kuɛ̈n 14:22

acïn raan tök në ee kɔckë yiic bï tɔ̈u abï ɣet piny cä than. Acïk riaudïït lɔ wic tïŋ, riau de dhuëëŋdï, ku tïŋkï göökdït ke gäi ɣɔn bä looi Rip, ayï jɔ̈ɔ̈ric ayadäŋ, ku ŋootkï ke ke ye ya them ë cieŋ, ku reeckï këdï gam.

Kuɛ̈n 14:23

Acïkï duëër kɔn lɔ piny wään thɔ̈n kuarken ananden. Acïn raan töŋ de ee kɔc reec Ɛn bï kɔn lɔ thïn ë tɔt.

Kuɛ̈n 14:34

Wek bï gum në biäk de awänydun në runiic kathiërŋuan. Kööl tök, në akööl ɣɔn caath wek piny kathiërŋuan, abï nɔm aa ruöön tök. Yen abä wek en jɔ ŋic ëgɔk nɔn cän piɔ̈u diu.

1 Tham 13:13

Go ë Thamwɛl lueel an, “Yïn cï këde pialëpiɔ̈u looi. Yïn kën lööŋ cïï Bɛ̈nydït Nhialicdun gäm yïn riëëu. Na ë cï keek döt aduëër yïn tääu në kɔc ke Yithriɛl nïïm wekë käudu ëbɛ̈n aɣet athɛɛr.

1 Tham 15:11

“Yɛn cï rɔt gɔ̈k në baŋ cän Thaulo tɔ ye melik, në baŋ cïï yen rɔt yal wei, ku cïï lööŋkiën cä lɛ̈k en döt.” Go Thamwɛl piɔ̈u jiɛth ago ruu ke läŋ Bɛ̈nydït ee wɛ̈ɛ̈rë yic ëbɛ̈n.

1 Tham 15:35

Agut cï ɣɔn thou ë Thamwɛl, akën bɛ lɔ lee Thaulo tïŋ, cakaa wään ye Thamwɛl ye dhiëëu. Ku Bɛ̈nydït ë piɔ̈u jieth në baŋ cï Yen Thaulo looi ke ye melik de Yithriɛl.

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.