Jeremia 17:3 - JAM DE NHIALIC 2011

³ ku lɔ kur nu ë riaaŋ nɔm. Yɛn bï kɔc ke aterdun tɔ jɔt kuɛthdun, ku kakun në biäk de karɛc cäk looi pinydun ëbɛ̈n.

Jeremia 17:3 ပူးပေါင်းရင်းမြစ်များ

2 Mel 24:13

ku jɔt wëu ke Luaŋdït ku kake ɣön ë melik ëbɛ̈n, leer ke Babilon. Cït man cïï Bɛ̈nydït ye kɔn lueel, go Nebukadnedhar wëu cï loi në adhääp dhuööŋ ëbɛ̈n, ka ɣɔn bïï Melik Tholomon ke looi në baŋ de luɔi ë Luaŋdïtic.

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Yith 27:9

Ku awäny de Yithriɛl abï päl en të cïï kek yïïk ke yiëth kɔ̈k dhuɔŋ piny, ku cïn yïïk ke wal ŋïr be tɔ̈u ayï kïn de yanh tik Acera.

Jeremia 12:12

Ë wuöt ke kur ë jɔ̈ɔ̈ric ëbɛ̈n, kɔc acïk bɛ̈n bïk bɛ̈n rum. Yɛn cï tɔŋ tuɔɔc bïï piny lɔ riɔ̈ɔ̈k ëbɛ̈n, acïn raan bï rëër ë mätic.

Jeremia 15:13

Go ë Bɛ̈nydït lɛ̈k ɛn an, “Yɛn bï kɔc ke ater tuɔɔc bïk wëu ku kajuëc ke kɔckï lɔ jɔt, në baŋ bän ke luöi këtuc në biäk de karɛc cïk looi pinyden ëbɛ̈n.

Jeremia 20:5

Ku yɛn bï kɔc ke aterden tɔ rum kuɛth de ee pänydïïtë, nömkï kaken ku wëuken ëbɛ̈n, ayï wëu ke melik de Juda, ku jɔt käŋ ëbɛ̈n leer ke Babilonia.

Jeremia 21:13

Yïn Jeruthalem, yïn kääc tëthöny ë wɛ̈k nïïm, yïn cït kuur nu ë riaaŋ nɔm. Ku Yɛn bï thɔ̈ɔ̈r we yïn. Aye lueel an acïn raan bï yïn mak, ku acïn raan duëër rem de tɔŋdu reetic.

Jeremia 26:18

“Wään ye Ɣedhekia melik de Juda, tiët Maika wun ë Moreceth, acï kɔc ëbɛ̈n bɛ̈n yɔ̈ɔ̈k, an acïï Bɛ̈nydït de rɛm lueel nɔn, ‘Bï ë Dhiɔn puur cï dom, ku Jeruthalem abï aa dhuur nɔm, ku kuur de Luaŋdït abï aa roor.’

Dhiëëu 1:10

Kɔc ke ater acïk wëuke peec kedhie. Acï keek tïŋ ke ke lɔ tëɣeric guöp, të cïï Bɛ̈nydït pɛ̈n juöör cie Judai, ke ke cïï bï aa lɔ në akutnɔmdu yic.

Edhekiɛl 16:39

Yïn bä tääu në riɛlden yic, ku abïk ɣäänkuön ya wek bal looi thïn ku läm de yiëth thuöör piny. Abïk lupɔɔku yɔ̈ɔ̈t bei, ku jɔtkï kuɛɛtkuön ke adhɛ̈p jɔt, ku nyiëëŋkï yï piny ke yï cïn kɔ̈u lupɔ.

Edhekiɛl 23:46

Kë ye Bɛ̈nydït Awärjäŋ lueel kï an: “Bɛ̈ɛ̈iyë kɔc juëc bïk keek bɛ̈n riääc ku rumkï keek.

Edhekiɛl 6:3

lɛ̈kë kur ke Yithriɛl bïk jam de Bɛ̈nydït Awärjäŋ piŋ, bïk kë luɛɛl, yɛn Bɛ̈nydït Awärjäŋ piŋ, yɛn yöök kur ku ɣään thöny ku liɛl, ku wɛ̈k: yɛn bï abätäu tuɔɔc bïï ɣään ye kɔc yiëth lam thïn riɔ̈ɔ̈k.

Lebai 26:30

Yɛn bï ɣäänkuön ke läm nu ë kur nïïm riɔ̈ɔ̈k, ku dhuɔŋ yïïŋdun piny yïïŋ ye wal ŋïr nyop, ku wiɛt gupkuön cï thou në yanhduön cï wïïk kɔ̈u, ku wek bä maan aläl.

Maika 3:12

Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.

Dhep 1:13

Kaken abïï keek peec, ku riäk ɣöötken, acïkï ɣööt yïkkï bï cieŋ, ku nɔn dekï mɔ̈n de mïthkɛn ke tiim ë comkï.