Jeremia 17:26 - JAM DE NHIALIC 2011

²⁶ Kɔc abïk aa bɛ̈n në wuöt ke Juda yiic, ku në wuöt thiääk ë Jeruthalem, abïk aa bɛ̈n piny de Benjamin, ku në kur thäär, ku piny ë kuur, ku në Juda të lɔ wöuwic. Abïk ɣöndiën ë Bɛ̈nydït yiɛ̈n yic miɔ̈c ye nyop ëbɛ̈n, ku miɔ̈c näk, ku miɔ̈c ë rap ku wal ŋïr, ku miɔ̈c de thieithieei.

Jeremia 17:26 ပူးပေါင်းရင်းမြစ်များ

Edhr 3:11

Gokï ket në diɛt piɔɔny kek Bɛ̈nydït ku jɔkï pal ke ke wëër diɛt në kët, an: “Bɛ̈nydït apiɛth, ku nhiëërdɛn agɔk atɔ̈u athɛɛr ke Yithriɛl.” Go kɔc kedhie kiɛɛu moc ë röldït wën piɔɔny kek Bɛ̈nydït, në biäk cïï këërkëër de Luaŋdït tääu piny.

Diɛt 107:22

Abïk Bɛ̈nydït dhil gäm miɔ̈c de thieithieei, ku në diɛt ke miɛtëpiɔ̈u abïk ka cï looi kedhie nyuɔɔth.

Diɛt 116:17

Yïn bä gäm miɔ̈c de thieithieei ku gäm Yïn lɔ̈ŋdï.

Diɛt 66:13

Yɛn bï miɔ̈c ye nyop ëbɛ̈n bɛ̈ɛ̈i ɣöndu Yïn bä gäm kë cän gutguut lueel.

Yith 58:13

Aye Bɛ̈nydït lueel an, “Na yak kööl ë Thabath tɔ ye kööl ɣeric, ku cäkï ka kɔɔr ë piɔ̈ɔ̈thkun ee looi në ye köölë, na gämë kööldiën ɣeric naamde, ku riëëukï, ke we cïï kɛny, ku cäkï lui thïn, ku cäkï jam ɣäär yiic ee lueel në ye köölë,

Jeremia 30:19

Kɔc rɛ̈ɛ̈r ëtɛ̈ɛ̈n abïk diɛt ke thieithieei kiit, abïk aa kïïu ë miɛtëpiɔ̈u. Ku abïk kenyïïn ŋuak në athiɛɛidï, ku abï athiɛɛidï ke yiɛ̈n riëëu.

Jeremia 32:44

Abïï kɔc ke ɣɔɔc, ku löŋ abïï thaany, ku gur thok, ku abïï ŋic ë kɔc. Kënë abï rɔt looi piny de Benjamin, në ɣään thiääk ë Jeruthalem, ë pɛ̈ɛ̈nydït ke Juda yiic, ku në pɛ̈ɛ̈nydït nu piny ë kuur, ku në kur thäär, ku ë Juda të lɔ wöuwic. Yɛn bï kɔc pɔ̈k nïïm pinyden. Acä lueel, Yɛn Bɛ̈nydït.”

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Jeremia 33:13

Në wuöt ke piny ë kuur, ku në kur thäär, ku Juda nu të lɔ wöuwic, ku në piny de Benjamin, ku wuöt kor thiääk ë Jeruthalem, ku në wuöt ke Juda yiic, kɔc ee thök tiit abïk thöken bɛ aa kuëën nyïïn. Acä lueel, Yɛn Bɛ̈nydït.”

Dhek 7:7

Yen jam wään tɔ Bɛ̈nydït lueel ë tït ɣɔn thɛɛrë ka, të wään ŋoot ë Jeruthalem ke kueth. Ku ŋoot ke thiäŋ ke kɔc. Të ɣɔn ŋoot ë kɔc juëc ke ke rɛ̈ɛ̈r në wuöt thiääk në Jeruthalem, ku wuöt tɔ̈u baŋ të lɔ wöuwic, ku rɛ̈ɛ̈r kɔ̈k në kur thäär.

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,