Jeremia 17:24 - JAM DE NHIALIC 2011

²⁴ “Lɛ̈kë kɔckï bïk lööŋkï dhil riëëu kedhie. Acïkï këriëëc thiek ëbɛ̈n bï dhil aa tëëk në kɛ̈l ke pänydït thook kedhie në Thabath yic. Abïk Thabath dhil döt ke ee kööl ɣeric, ku acïn luɔi bïk dhil aa looi thïn liŋliŋ.

Jeremia 17:24 ပူးပေါင်းရင်းမြစ်များ

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Bɛ̈n 20:8

“Ye kööl ë Thabath döt ke ye kööl ɣeric.

Yith 21:7

Na cï kɔc tïŋ ke ke cath në jöŋgöör kɔ̈ɔ̈th rou ku rou, ku kɔc cath ë mul kɔ̈ɔ̈th, ku thɔ̈rɔ̈ɔ̈l kɔ̈ɔ̈th, abïï ke dhil döt ë daai apiɛth.”

Yith 55:2

Eeŋö aa wek wëu riɔ̈ɔ̈r në ka cïï week bï kueth? Eeŋö aa wek ariöpdun thöl ku yak ŋoot ke we nɛ̈k cɔk? Piɛŋkï kë luɛɛl, ku luɔikï cït man luɛɛl Ɛn en, ku yïn bï piɔ̈u miɛt we këcam mit wär kacaam ëbɛ̈n.

Edhekiɛl 20:20

Luɔikï Thabath ke ye kööl ɣeric, ago ya kïn ë män cuk looi, ku abï we täk nïïm nɔn ee yɛn Bɛ̈nydït Nhialicdun.

Dhek 6:15

Ku kɔc mec, abïk bɛ̈n bïk kɔc bɛ̈n kuɔny në yïŋ de Luaŋdït. Yen abä wek en jɔ ŋic ë gɔk nɔn cï Bɛ̈nydït de rɛm ya tuöc week. Ku kënë abï rɔt looi ëbɛ̈n të cä wek Bɛ̈nydït Nhialicdun gam thok në piɔ̈ndun ëbɛ̈n.

Nyöŋ 11:13

Ka week, jakï lööŋ cä gäm week ee köölë riëëu Nhialic Bɛ̈nydït Nhialicdun ku yak luööi në piɔ̈ndun ëbɛ̈n.

Nyöŋ 11:22

Riëëukï lööŋ cä gäm week kedhie në piɔ̈n adöt, nhiaarkï Bɛ̈nydït Nhialicdun, luɔikï këriëëcdun cï lueel ëbɛ̈n, ku yak röt tɔ ye adööt tëde Yen.