Jeremia 17:22 - JAM DE NHIALIC 2011

²² ku në cïn kë bïk aa bɛ̈ɛ̈i bei ë ɣöötken yiic në Thabath yic. Acïkï bï dhil aa lui në Thabath yic, abïk dhil aa döt ke ee kööl ɣeric, cït man cän kuarken yɔ̈ɔ̈k.

Jeremia 17:22 ပူးပေါင်းရင်းမြစ်များ

Neɣe 13:15

Në ee thaar ɣɔnë yɛn ë kɔc tïŋ ë Juda ke ke dhim mɔ̈u ë kööl ë Thabath, ku kakë acïk rap ku mɔ̈u, ku enap kekë ŋaap ku kakɛn kɔ̈k käp në mulken kɔ̈ɔ̈th, ku leerkï ke Jeruthalem, guɔ keek gɔ̈k, ke cïn këriëëc bïk aa ɣaac në kööl ë Thabath.

Bɛ̈n 23:12

“Yak luui në akööliic kadhetem, ku duökï ee luui në kööl ye akööl dhorou, ke ɣɔ̈kkun ku mulkun ku lïïmkun, ayï kɔc lɛɛn luui week ke ke bï lɔ̈ŋ.

Yith 58:13

Aye Bɛ̈nydït lueel an, “Na yak kööl ë Thabath tɔ ye kööl ɣeric, ku cäkï ka kɔɔr ë piɔ̈ɔ̈thkun ee looi në ye köölë, na gämë kööldiën ɣeric naamde, ku riëëukï, ke we cïï kɛny, ku cäkï lui thïn, ku cäkï jam ɣäär yiic ee lueel në ye köölë,

Jeremia 17:24

“Lɛ̈kë kɔckï bïk lööŋkï dhil riëëu kedhie. Acïkï këriëëc thiek ëbɛ̈n bï dhil aa tëëk në kɛ̈l ke pänydït thook kedhie në Thabath yic. Abïk Thabath dhil döt ke ee kööl ɣeric, ku acïn luɔi bïk dhil aa looi thïn liŋliŋ.

Edhekiɛl 20:12

Acä ke gäm kööldiën de Thabath ke ye kïn de mät në kaamdï wo keek, bïï keek aa täk nïïm, an yɛn Bɛ̈nydït, acä keek tɔ ɣer yiic.

Edhekiɛl 22:8

Wek cï ɣään ɣeriic ee riëëu, ku cäkï kööl de Thabath ee muk.

Lebai 19:3

Ku ŋɛk ë ye man riëëu kekë wun, ku yak kööl de Thabathdï döt, ee Yɛn Bɛ̈nydït Nhialicdun.

Lebai 23:3

Wek de nïïm nïn kadhetem bä wek lui thïn, ku kööl de dhorou abï aa kööl de lɔ̈ŋ. Ee kööl de män ɣeric. Acïn luɔi bä dhil looi. Ee Thabath de Bɛ̈nydït në ɣöötkun yiic ëbɛ̈n.

Dhek 1:4

Duökï be ciët kuarkun, kɔc ɣɔn ye tït ke guiëër jamdï. Acï Bɛ̈nydït de rɛm lueel an, ‘Pälkï karɛckuön yak looi. Ku acïkï jamdï ee piŋ, ku cïkï ya riëëu.’

Luk 23:56

Gokï kenïïm dhuny, lek wɛ̈ɛ̈l cï ŋïrëŋïr guik ku miök. Gokï lɔ̈ŋ ëkööl ë Thabath cït man cï e lueel ë löŋic.

Luk 6:5

Go ke yɔ̈ɔ̈k an, “Wën ë Raan ee Bɛ̈nydïït ë Thabath aya.”

Nyuuth 1:10

Yɛn aa cath wo Wëidït ëkööl ë Bɛ̈nydït, na wën, ke ya piŋ röldïït cït röl ë kaaŋ ë yakɔ̈u ciëën,