Jeremia 17:15 - JAM DE NHIALIC 2011

¹⁵ Aye kɔc lɛ̈k yɛn an, “Täu karɛc wään cï Bɛ̈nydït lueel an bïï ke bɛ̈ɛ̈i ë wogup ënou? Tɔ ke looi keek ënɔɔnë!”

Jeremia 17:15 ပူးပေါင်းရင်းမြစ်များ

Yith 5:19

Ayak lueel an, “Adï jɔ Bɛ̈nydït dap bɛ̈n, ku looi kë cï lueel an bï lëu ke buk tïŋ, Nhialic Ɣeric de Yithriɛl aduëër wo dap nyuöth kiɛɛu de kë buk ŋic.”

Edhekiɛl 12:22

“Mɛnh ë raan, eeŋö ye kɔc ke Yithriɛl kääŋë nyɔkic: ‘Akööl ayek tëëk, ku kë cï caar acie aa yic’?

Amoth 5:18

Amawoou në week, wek kɔc kɔɔr bɛ̈n de kööl ë Bɛ̈nydït. Eeŋö kɔ̈ɔ̈rkï kööl ë Bɛ̈nydït? Ku abï ya kööl col ë cut tëde week, ke cie kööl ɣer.

Malakai 2:17

Wek ë Bɛ̈nydït nuaan në jam. Ku wek ee lop an, “Cuk nuaan adï? Acäk nuaan në luɔiduön ya wek en lueel an, “Kɔc ee karɛc looi ëbɛ̈n, kek aye kɔc piɛth tëde Bɛ̈nydït. Ku luɛlkï an, ye Bɛ̈nydït piɔ̈u miɛt ke keek. Ku ayï lop ya wek lop ayadäŋ an, “Nu Nhialic ë nou, Nhialic de yic?