Jeremia 17:14 - JAM DE NHIALIC 2011

¹⁴ Bɛ̈nydït tɔ ya dem ku yɛn bï waar taitai, luäk yɛn ku acïn kë bän riɔ̈ɔ̈c. Ee Yïn ee raan ya leec!

Jeremia 17:14 ပူးပေါင်းရင်းမြစ်များ

Diɛt 106:47

Kony wook, Bɛ̈nydït Nhialinyda, ku bɛ̈ɛ̈iyë wook ciëën ë juöör yiic. Agoku piɔ̈ɔ̈th miɛt, ku buk rinkuön ɣeriic leec.

Diɛt 109:1

Nhialic Yïn bä leec, du rɔt pɛ̈l piny ke Yï mim!

Diɛt 119:94

Kony yɛn, yɛn ee mɛnhdu! Acä them bä lööŋku riëëu.

Diɛt 12:4

“Wok ee ka kan kɔɔrku yök në jamdan yok lueel. Kë kɔɔrku abuk lueel, ku acïn raan duëër e pɛ̈n wook.”

Diɛt 148:14

Acï jurde tɔ ril, ke bïï ë kɔcke jɔ leec kedhie, kɔc ke Yithriɛl apiɛthkï tëde yen. Lɛckï Bɛ̈nydït!

Diɛt 54:1

Kony yɛn në riɛldu Nhialic, lony yɛn në riɛldu.

Diɛt 6:2

Kokëpiɔ̈u we yɛn Bɛ̈nydït, yɛn cï dak! Miɔc ɛn në riɛl, yɛn cï bäp taitai

Diɛt 6:3

ku wëikï ëbɛ̈n acïk nuan arëët. Bä ya jɔ kony nɛn Bɛ̈nydït?

Diɛt 6:4

Bä kony a Bɛ̈nydït, luäkë ya bei në biäk de nhiëërduön agɔk.

Diɛt 60:5

Luäk wook në riɛldu, bɛ̈ɛ̈rë lɔ̈ŋda, ago kɔckuön nhiaar keek kony wëi.

Yith 6:10

Na wën ke lëk ɛn an, “Tɔ kɔckë ril nïïm, thiök keyïth ku tɔ ke miŋ, agokï cuö be daai në kenyïïn, ku cïkï be piŋ në keyïth, ku cïkï käŋ be yökiic në kepiɔ̈ɔ̈th. Ke ke cïï kepiɔ̈ɔ̈th bï puk aguɔ ke tɔ dem.”

Jeremia 15:20

Yïn bä tɔ cït kal de maläŋ ril të de keek. Abïk thɔ̈ɔ̈r ë yïn, ku acïkï yïn bï tiam, Yɛn bï tɔ̈u wo yïn, ku gɛ̈l yïn ku muɔ̈k yïn aril.

Jeremia 3:23

Wok cie kony taitai në lämdan ë yiëth ë kur nïïm. Kuɔɔny de Yithriɛl ee bɛ̈n tëde Bɛ̈nydït Yetök Nhialicda.

Jeremia 30:17

Wek bä bɛ tɔ piath, ku ta bɔ̈ɔ̈tkun dem, cakaa nɔn ye kɔc ke aterdun ye lueel an, ‘Ye Dhiɔn kë cï cieen, acïn ee ye kuɔny.’ Acä lueel, Yɛn Bɛ̈nydït.”

Jeremia 31:18

“Yɛn ee kɔc ke Yithriɛl piŋ ke ke jam ë dhiëëuwic an, ‘Bɛ̈nydït wok aake cït lɛ̈n roor, go wo wɛ̈ɛ̈t ë riëëu. Bɛ̈ɛ̈iyë wo ciëën, wok cï röt guiir buk röt pɔ̈k yïn, Yïn Bɛ̈nydït Nhialicda.

Jeremia 33:6

Ku Yɛn bï ee pänydïïtë waar kekë kɔcke ku bɛ ke pɔ̈k nïïm pialëguöp. Abä ke nyuöth mändït ku rɛ̈ɛ̈r lɔ läŋ.

Kuɛ̈n 12:13

Go Mothe Bɛ̈nydït lɔ̈ŋ an, “Yïn läŋ Nhialic, tɔ dem.

Math 14:30

Na wën, acï yom tïŋ adït, ke riɔ̈c, go duɛ̈ɛ̈r dïïr, ku jɔ cööt, an, “Bɛ̈nydït, luäk ɛn.”

Math 8:25

Go kɔckɛn ë piööcë bɛ̈n tëde yen, bïk ku päckï, lueelkï an, “Bɛ̈nydït, kony wook, wok thou.”

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

Nyöŋ 10:21

Yak leec. Ee Nhialicdun, ku acäk keek tïŋ ë wenyïïn wapäc, kek kadït ku göök dït cï ke luöi week.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.