Jeremia 17:12 - JAM DE NHIALIC 2011

¹² Tëɣeric de Bɛ̈nydïïtda acït thöny ë dhuëëŋ, ɣɔn gɔlë käŋ aa kääc në kuur thöny nɔm.

Jeremia 17:12 ပူးပေါင်းရင်းမြစ်များ

Diɛt 103:19

Bɛ̈nydït acï thönyde tääu piny paannhial. Yen ë meliŋ de ciɛɛŋ ëbɛ̈n.

Diɛt 96:6

Dhuëëŋde ku dïtde acïk ye gɛɛu cil, riɛl ku dik acïk tëdɛn ɣeric thiɔ̈ɔ̈ŋ.

Yith 6:1

Në ruöön ɣɔn thouwë melik Yudhia, yɛn cï Bɛ̈nydït tïŋ. Aa rɛ̈ɛ̈r në thööc nɔm nhial, ku lupɔde ë luaŋdït thiɔ̈ɔ̈ŋic ëbɛ̈n.

Yith 66:1

Aye Bɛ̈nydït lueel an, “Të nhial yen ee thööcdï ku piny nɔm yen ee të Yɛn a cök dhɔ̈ɔ̈r. Ee ɣön yïndï, duɛ̈ɛ̈rkï yiɛ̈k ɛn, ku ye të yïndï duɛ̈ɛ̈r ɛn rëër thïn?

Jeremia 14:21

Tak gutguutdu ku du wook biɔn gup, du ayäär bïï Jeruthalem, të de thöönyduön ë dhuëëŋ. Du löŋduön cï mac we wook dhoŋ kɔ̈u.

Jeremia 3:17

Na lɔ ee köölë bɛ̈n Jeruthalem abï ya cɔɔl an, “Thöny de Bɛ̈nydït ku juöör kedhie abïk kenïïm mat ëtɛ̈ɛ̈n ku lamkï Yɛn. Acïkï kakɛn ke riɛl ë nɔm ku ka cïï piɔ̈ɔ̈th racken lɛ̈k keek bï bɛ aa looi.

Edhekiɛl 1:26

Në gëlgël nɔm nhial ade kë cït thööc cï looi në kuur cɔl thapiro, ku kë cït raan acï nyuc në yenɔm.

Edhekiɛl 43:7

“Yïn Mɛnh ë raan, kënë ee thöönydï. Yɛn bï rëër eenë në baai de Yithriɛl yic, ku bä tɔ̈u ë kenïïm aɣet athɛɛr. Ku acïn raan bï rinkiën ɣeriic bɛ yɔ̈ɔ̈r gup, në läm ye kek yiëth kɔ̈k lam, ku nɔn tɔ̈ukï gup ke meliikkɛn cï thou eenë, në kɔc ke Yithriɛl yiic ku nɔn yen meliikken.

Math 25:31

Të bï Wën ë Raan ke cath kekë dhuëëŋde, ku bɔ̈ tuucnhial kedhie në yen ëtök, ka bï jɔ nyuc ë thöönyde nɔm, thöönydɛn ë dhuëëŋ,

Ɣeberuu 12:2

Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.

Ɣeberuu 4:16

Yen dɔm wok aŋäth ku cutku röt të nu Yecu në thööny de Nhialic lɔ̈ɔ̈m, ke wo bï kuɔɔny de kok de piɔ̈u kekë dhuëëŋ de piɔ̈u yök në aköölkë yic.

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.