Jeremia 17:11 - JAM DE NHIALIC 2011

¹¹ Raan ee wëu yök në ruëëny acït din ee toŋ kën ke dhiëëth kuem. Në pïïrde yic cil, kuɛthde abï määr ëbɛ̈n, ku në kecök ciëën abï ciën naamde, abï aa dhɔ̈n tei.

Jeremia 17:11 ပူးပေါင်းရင်းမြစ်များ

Jop 20:21

Cämdɛn ë kajuëc acïn kë ye both, në biäk de ee kënë acïn këdɛn bï rëër.

Diɛt 49:13

Tïŋ kë ye tuöl tëde kɔc ee röt ŋɔ̈ɔ̈th, thon ë kɔc cï lɔ̈ŋ në kakɛn juëc yiic,

Diɛt 55:23

Ku yïn Nhialic, bɛ̈ɛ̈iyë kɔc ee kɔc nɔ̈k ku kɔc ee käŋ töör, tɔ ke lɔ në raŋic, ke biäk de runken ë kën kɔn thök. Ku në biäkdï, yɛn bï Nhialic ŋɔ̈ɔ̈th.

Kɛ̈ŋ 13:11

Kajuëc ye yök ë wup ayek riääk, ku ka ye yök ëmääth ayek kuet.

Kɛ̈ŋ 15:27

Raan dït piɔ̈u ee kɔc cam, ee baaide yiɛ̈nic awuɔɔu, ku raan man kum thok ee rëër në miɛt ë piɔ̈uwic.

Kɛ̈ŋ 21:6

Kajuëc ee määtiic në liëp ee tör ë lueth abïk dap riäär cït tol ku bïïkï thuɔɔu.

Kɛ̈ŋ 28:16

Yaaŋ ee këde bɛ̈ny cïï käŋ ee yökiic, ku bɛ̈ny ee kum thok rɛɛc ee ceŋ ë bäänyic.

Kɛ̈ŋ 28:20

Kɔc piɛthpiɔ̈ɔ̈th abïk athiɛɛidït yök, ku kɔc ee kuɛth kɔɔr në piɔ̈ndït abïï ke luöi këtuc.

Kɛ̈ŋ 28:22

Riɛl ë ciin ee kɔ̈ɔ̈r ë kajuëc, ku kuc nɔn tiit ë kuɛɛny de nyin en.

Kɛ̈ŋ 28:8

Raan ee känyke ŋuak nïïm, kake ayek bɛ̈n lɔ tëde kɔc ee kɔc kuanynyïïn kuɔny.

Jeremia 22:13

Amawoou në raan ee ɣönde yïk në yaaŋ, ku ye ŋuak nyin në ruëëny, raan ee kɔcken tɔ lui baaŋ, ku cïï wëu ke ariöpden ee gäm keek.

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Jeremia 6:13

Raan ëbɛ̈n, röördït ayï kɔc kor, ayek wëu ke ayäär kɔɔr, ayï tït ku bäny de kakë Nhialic ayek kɔc math.

Jeremia 8:10

Yɛn bï duumken gäm kɔc kɔ̈k, ku gäm diëërken röör kɔ̈k. Raan ëbɛ̈n meth ku raandït aye kɔɔr bïï wëu yök në kueer de ruëëny. Ayï tït ke Nhialic ku bäny de kakë Nhialic ayek kɔc math.

Amoth 3:10

Aye Bɛ̈nydït lueel an, “Kek ee kɔckë akuckï luɔi de këpiɛth. Acïk ɣöötdïtken thiɔ̈ɔ̈ŋ në kak ë peckï në riɛl tëde kɔc.

Maika 2:9

Wek ë diëër ke kɔckï cuɔp wei në ɣöötkɛn läk yiic. Ku kualkï athiɛɛidï tëde mïthken aɣet athɛɛr.

Maika 7:3

Acïk luɔi de kërac ŋic aläl kedhie, ku bäny ayek ariöp cɔɔl. Ku bäny ee lööŋ guiir ayek kumthok nööm. Ku kɔc ril acïk kethook mat kedhie, ku ayek kë kɔɔrkï tɔ loi.

Dhep 1:9

Yɛn bï kɔc ee ciɛɛŋ lei kuɛny cök luöi këtuc ëbɛ̈n, ku ayek kual ku näkkï kɔc në biäk bï kek ɣön ë bɛ̈nyden thiɔ̈ɔ̈ŋ në kak ë rumkï në riɛl.

Dhek 5:4

Acï Bɛ̈nydït de rɛm lueel an bï aciɛɛn tuɔɔc në ɣööt ke cuɛ̈ɛ̈r yiic, ku ɣööt ke kɔc ee kuëëŋ në lueth yiic. Abï lɔ në ɣöötken yiic, ku nyiëëŋ ke piny ke ke cï riääk taitai.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.

Luk 12:20

Na wën, ke yöök ë Nhialic an, ‘Yïn dhɔ̈n! Ëlëwakɔ̈u wëiku abï ke cɔɔl tëde yïn: ku kakuön cï guik bïk guɔ aa ka ke ŋa?”’

1 Tim 6:9

Ku kɔc kɔɔr luɔi bï kaken juëc ayek lööny ë thëmic, ku löönykï ë bɔi yic, ku ye ŋɔ̈ɔ̈ŋ ke dɔm ŋɔ̈ɔ̈ŋ ë kajuëc ɣäär yiic, kak ee kërac bɛ̈ɛ̈i, ku yek kɔc thɛl ë riääkic tɔkï ke mär ë taiwei.

Tito 1:11

Kɔckë abï ke dhil ruɔɔt thook, ayek dhiën riɔ̈ɔ̈k ëliŋliŋ, ku yek kɔc wɛ̈ɛ̈t ë kë cïï piɛth, në biäk de nhiëër nhiɛɛr kek wëu ke ayäär.

2 Pet 2:14

Kɔc cï nyïïn a pirpir në kɔ̈ɔ̈r ee kek diëër lei kɔɔr, kɔc cïn nyïïn päl duëër kek kërac pɔ̈l, ayek kɔc wëŋ kɔc cï piɔ̈ɔ̈th aläuläu në jam, aciɛthkï në piɔ̈n cï kajuëc ŋic ë kɔ̈ɔ̈r. Mïth de gup aciɛɛn ka!

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!