Jeremia 16:6 - JAM DE NHIALIC 2011

⁶ Kɔc kueth ku kɔc kuanynyïïn abïk thou ee pinyë, ku acïn raan bï ke tɔ̈ɔ̈u ku cïn raan bï ke dhiëëu. Acïn raan bï rɔt ŋuɛ̈ɛ̈t ku cïn raan mut yenɔm bïï yen ke dhiëndepiɔ̈u nyuɔɔth.

Jeremia 16:6 ပူးပေါင်းရင်းမြစ်များ

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

Yith 22:12

Bɛ̈nydït Awärjäŋ aa cɔl week bäk bɛ̈n dhiau ku dhuöörkï, ku mɔ̈tkï wenïïm në dhiënë piɔ̈u ku cieŋkï lupɔɔ ke cuɔl.

Yith 24:2

Raan ëbɛ̈n abï ë kënë yök, bäny ke kake Nhialic, ku kɔc tei, lïïm ku bäny, kɔc ee ɣööc ku kɔc ee käŋ ɣaac, kɔc ee kɔc dhɛ̈ɛ̈n ku kɔc ee dhëën, ku kɔc kueth ku kɔc kuanynyïïn.

Jeremia 13:13

Ku lëkkë keek aya an Yɛn, Yɛn Bɛ̈nydït, Yɛn bï kɔc ke ee pinyë thiɔ̈ɔ̈ŋ ë mɔ̈u abïk wiɛɛt: Meliik, kek mïth ke wɛ̈ɛ̈t ke Debid, ku bäny ke kake Nhialic, ku tït, ku kɔc ke Jeruthalem kedhie.

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 41:5

go röör kathiërbɛ̈t bɛ̈n në Cekem, ku Cilo, ku Thamaria. Acïk nhïm de kethook muut, ku retkï lupɔɔken yiic, ku ŋuëëtkï kegup. Aake bïï rap ku wal ŋïr bïk bɛ̈n gam ë Luaŋdït yic.

Jeremia 47:5

Jiɛthëpiɔ̈u dït acï bɛ̈n në kɔc ke Gadha gup, ku kɔc ke Acekelon alek lik. Agut cï nɛn yen bïï kɔc kɔ̈k ke Pilithtiya jɔ dhiau?

Jeremia 48:37

Keek kedhie acïk kenïïm muut, ku temkï nhïm de kek thook. Ku acïk kecin ŋuɔt kedhie, ku raan ëbɛ̈n aceŋ lupɔ de cual.

Jeremia 7:29

“Kɔc ke Jeruthalem dhiaukï, tɛmkï nhïmkun ku cuatkï keek wei. Kiɛtkï diɛt ke dhiëëu në kur nïïm, në biäk cän göth, Yɛn Bɛ̈nydït, ku Yɛn cï kɔckï rɛɛc.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Lebai 19:27

Du yïnɔm ee muut në biäk, ku du nhïm ke yïthok ee tem.

Lebai 19:28

Duökï wegup ee tɛm të dhiëëu wek raan cï thou, ku duökï kït ke käŋ ee käär ë wegup.

Amoth 6:11

Ku ënɔɔnë, acï Bɛ̈nydït lueel an bï, ɣöötdït thuöör piny, ku dhoŋ ɣööt kor piny taitai.

Math 9:23

Na wën, acï Yecu bɛ̈n ɣön ë bɛ̈ny awën, ke tïŋ kɔc ë kɛŋ kooth ku kut ë kɔc awou,

Nyöŋ 14:1

Go Mothe jam an, “Wek ee kɔc ke Bɛ̈nydït Nhialicdun. Ka të dhiëëu wek raan cï thou, duökï wegup ee ŋuɔt, ku nɔn mɔ̈tkï wenïïm në biäk tueŋ, cït man ye kɔc kɔ̈k ye looi.

Nyuuth 20:12

Guɔ kɔc cï thou tïŋ, kɔc kor ayï röördït, ke ke kääc ë Nhialic nɔm, na wën, ke awereek ë ke pet yiic: ku pet awerek däŋic, awerek de pïïr: go löŋ de kɔc cï thou guiir në ka cï gɔ̈ɔ̈r ë awereek yiic në këde luɔidɛn cïk looi.

Nyuuth 6:15

Go meliik ke piny nɔm, ku bänydït, ku kɔc juëcëkäŋ, ku bänydït ke rem, ku kɔc ril, ku lïm ëbɛ̈n ayï raan lääunɔm ëbɛ̈n, agokï thiaan ë kɔ̈k yiic ku kur ke kuurdït yiic.