Jeremia 16:19 - JAM DE NHIALIC 2011

¹⁹ Bɛ̈nydït ee Yïn ee Raan ee ya gël ku gämë yɛn riɛl, Yïn cï kuɔny në akööl ke nuan, juöör abïk aa bɛ̈n tëde de Yïn ë piny thar ku luelkï an, “Kuarkuɔ aake de nïïm yiëth alueth, ayek yiëth cïn naamden.

Jeremia 16:19 ပူးပေါင်းရင်းမြစ်များ

1 Mel 20:23

Go bäny ke Thiriya aake ye melik Benɣadad yɔ̈ɔ̈k an, “Nhialiic ke kɔc ke Yithriɛl ee Nhialiic ke kur nïïm, ye ka tiɛɛm ë kɔc ke Yithriɛl wook. Ku abuk ke tiaam të le wok lɔ thɔ̈ɔ̈r ë keek në riaaŋic.

Diɛt 18:3

Yɛn ee Bɛ̈nydït cɔɔl, ago ya kony në kɔc ke aterdï. Lɛckï Bɛ̈nydït!

Diɛt 19:14

Gam jamdï kekë täŋdï, Bɛ̈nydït, gëlgëldï, ku konydï!

Diɛt 27:5

Në akööl ke nuan abï yɛn aa thiaan, abï yɛn gël ɣönde ku kony ɛn në kuur bäär nɔm.

Diɛt 46:1

Nhialic Yen ee gëlgëlda ku riɛlda, atɔ̈u ëceŋ ke bï wo kony në akööl ke nuan.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 46:7

Bɛ̈nydït de rɛm atɔ̈u ke wook, Nhialic de Jakop ee tëdan ë thiaan.

Diɛt 62:2

Yen Yetök, Yen aye kuurdï ku Ye konydï, ee tëdiën ë riɛl, ee ya gël, yɛn cïï duëërë tiaam.

Diɛt 62:7

Kuɔɔnydï kekë dhuëëŋdï atɔ̈ukï tëde Nhialic, Yen ee kuurdiën ril, Yen ee tëdiën ë thiaan Yen Nhialic.

Diɛt 65:3

në biäk de karɛcken. Karɛckuɔ ayek wo tiaam, ku aye keek päl wook.

Diɛt 68:31

Abï kɔc ke Rip yɔ̈ɔ̈k bïk miɔ̈c de maläŋ bɛ̈ɛ̈i, ku kɔc ke Kuc abïk kecin täär Nhialic ke ke läŋ.

Diɛt 86:9

Juöör cï keek cak kedhie, abïk kenïïm bɛ̈n guöt piny në Yïnɔm, abïk dïtdu aa piɔɔny.

Kɛ̈ŋ 18:10

Rin ke Bɛ̈nydït acïtkï alooc bäär, ye raan piɛthpiɔ̈u kɔt thïn ku yök kuɔɔny.

Yith 25:4

Kɔc kuanynyïïn ku kɔc cïn käŋ acïk kɔt të nu Yïn ku acï ke kony në akööl ke nuan. Acï ke gäm gëlgël në amaŋ ku atïm gël keek në atuöc kɔc ke akuöörkuöör ayek kɔc mak cït man amaŋ de rut ë ɣöt kɔ̈u.

Yith 32:2

Raan ëbɛ̈n ë keyiic abï ciët gëlgël ë yom ku cït tëde thiaan në amaŋ. Abïk ciët awɛɛŋ ke pïïu wat ë jɔ̈ɔ̈ric, ku cïtkï atïm liir ë kuur dït nu piny tuc cie luɔk.

Yith 44:10

Acïï piɛth bï kɔc joth aa looi ke ke ye yiëth bïk aa lam.

Yith 44:20

Ee kɔc gäm täŋ ee raan cït kë cam ŋeth. Täŋdɛn ë dhɔ̈ɔ̈n ee ye thɛl të wär kaam duëërë yen kony. Acïï bï gäm rɔt nɔn ye yanh muk në yeciin nɔn cïï yen ee yath taitai.

Yith 45:14

Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 62:2

Jeruthalem, juöör abïk tiëmdu tïŋ! Meliikken kedhie abïk dhuëëŋdu tïŋ. Yïn bï ya cɔl në rin cï piac cak, rin ë gëm Bɛ̈nydït ke yïn guöpde.

Jeremia 10:3

Yanh de ee kɔckë acïn kony. Tim aye yep rooric, aye guaŋ në ka ye atët ke tiim guaŋ,

Jeremia 10:5

Kek ee yiëthkë acïtkï gɛk kɔt ë dom de abuth yic, acïkï ee jam, aye keek ɣääc, në biäk cïï kek ee cath. Duökï riɔ̈c ë keek, acïn kërɛɛc duëërkï luöi week, ku cïn këpiɛth luikï week.”

Jeremia 12:16

Na lek Nhialic de kɔckï gam ë kepiɔ̈ɔ̈th ëbɛ̈n, ku lek kuëëŋ luelkï an, ‘Cït man pïïr ë Bɛ̈nydït’, cït man cïï kek kɔckï kɔn wɛ̈ɛ̈t bïk aa kuëëŋ ë Baal, ka keek aya abïk aa kɔckiën kɔ̈k ku abïk kuɛth.

Jeremia 14:8

Yïn aye aŋäth töŋ de Yithriɛl, Ee Yïn ee raan ee wo kony ë riääkic. Eeŋö jɔ Yïn ciët alei pinyda, eeŋö ee Yïn ciët raan keny ee nïn tök thöl?

Jeremia 17:17

Du rɔt tɔ ee riɔ̈ɔ̈cdït tëde yɛn, Yïn ee tëdiën de thiaan të cï nuan bɛ̈n.

Jeremia 2:11

Acïn jur däŋ cï yanhdɛn yek lam kɔn waar, na cakaa nɔn cïï kek ee yic. Ku kɔckï acïk A waar, Yɛn Nhialic ɣɔn ë gëm keek dhuëëŋ, waarkï Yɛn në yiëth cïn kë duëërkï luöi keek.

Jeremia 2:8

Bäny de kake Nhialic akënkï thiëëc an, tɔ̈u Bɛ̈nydït ënou? Bäny ke kake Nhialic de nɔmdï akuckï Yɛn. Bäny ke baai acïk A rɛɛc, ku jam tït në rin ke Baal, ku lɛmkï yiëth cïn naamden.

Jeremia 3:23

Wok cie kony taitai në lämdan ë yiëth ë kur nïïm. Kuɔɔny de Yithriɛl ee bɛ̈n tëde Bɛ̈nydït Yetök Nhialicda.

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Jeremia 4:2

ke aduëër piath bäk röt kuëëŋ në rinkï. Ke juöör kedhie abïk athiɛɛi aa thiëëc tëde Ɛn ku abïk Ɛn aa piɔɔny.”

Edhekiɛl 11:16

“Ënɔɔnë lɛ̈k ë kɔckuön ke Yithriɛl kë luɛɛl. Ee yɛn aa tooc keek bïk lɔ rëër në ee juöör meckë yiic ku thiäi keek në piiny kɔ̈k yiic. Ku në kaam thiinakäŋ yɛn aaye tëdɛn ɣeric në ɣäänkɛn cï kek thiɛ̈i thïn ëbɛ̈n.

Jowɛl 3:16

Ku Bɛ̈nydït, Raan ril de Yithriɛl, abï jam në Dhiɔn, ku reel në Jeruthalem, ago tënhial kekë piny lath. Ku Bɛ̈nydït abï kɔcke gël apiɛth.

Amoth 2:4

Aye Bɛ̈nydït lueel an, “Kɔc ke Juda abä keek luöi këtuc, në biäk de karɛc juëc cïk looi. Arëk abïk wëët de Bɛ̈nydït rɛɛc piŋ, ku cïkï lööŋke muk aya. Acïï yiëth ɣäär yiic keek mɔ̈ɔ̈r, yiëth ɣɔn kɔn ë kuarken keek kuany cök.

Naɣum 1:7

Bɛ̈nydït apiɛth, ee kɔcke gël në akööl ke kërac, ee kɔc ŋäth En döt apiɛth.

Ɣabakuk 3:19

Nhialic Bɛ̈nydït ee ya gäm riɛl. Abï ya gäm cök cie rieth cït man ë ŋɛɛr ku ɣeet ɛn ë kur nïïm ke cïn kërɛɛc nu.

Dhek 2:11

Ku ëtɛ̈ɛ̈n, juöör juëc ëbɛ̈n abïk bɛ̈n tëde Bɛ̈nydït, ku tɔkï röt ee kɔckï ku Yɛn bï bɛ̈n rëër në weyiic, ka abäk jɔ ŋic ëgɔk nɔn cï Bɛ̈nydït de rɛm yɛn tuöc week ë yic.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Romai 1:25

Kɔc cï yic de Nhialic puk tɔkï ye lueth, ku yek kë cï cuëëc riëëu ku yek luööi, awär Aciëŋ ë cak käŋ, Raan cath ke athiɛɛi aɣet athɛɛr. Amiin.

1 Pet 1:18

Në ŋïny ŋiɛc wek en an, acie ka duëër dhiap, cït ateek ku adhääp, kek ë wëërë we bei në täuduön ɣɔ̈ric cäk yök tëde kuarkun,

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.