Jeremia 16:16 - JAM DE NHIALIC 2011

¹⁶ Aye Bɛ̈nydït lueel an, “Yɛn cï kɔc juëc ee dep ë rec cɔɔl, bïk ee kɔckë bɛ̈n dɔm. Ëtɛ̈ɛ̈n Yɛn cï kɔc juëc ee yäp cɔɔl, bïk ee kɔckë bɛ̈n yɔ̈ɔ̈p, ë kuriic ëbɛ̈n, ku kurthii nïïm ëbɛ̈n ku kɔ̈kkiic ku ë kur dït nïïm.

Jeremia 16:16 ပူးပေါင်းရင်းမြစ်များ

Cäk 10:9

Ku aaye yiëm dïït cï leec, në luɔi ë cï Bɛ̈nydït ye kuɔny. Go kääŋ aa thɔ̈ɔ̈th an, “Yïn bï Bɛ̈nydït tɔ ee yiëm ril cït Nimrɔt.”

Yith 2:21

Të le Bɛ̈nydït piny bɛ̈n lath, kɔc abïk thiaan në pɔ̈liic, ku kɔ̈k ke kuriic, themkï bïk röt kual në agönh ë Bɛ̈nydït, në biäk de riɛldïïtde ku dhuëëŋ.

Yith 7:19

Ku abïk bɛ̈n ku piɔ̈ɔ̈tkï në kur nïïm ku wëk yiic ku kɔ̈k ke kur yiic ku abïk roor thiɔ̈ɔ̈ŋ yic ëbɛ̈n ayï të ye puur.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 4:29

Në awuööu de kɔc ke jöŋgöör, ku kɔc ke dhɛ̈ŋ raan ëbɛ̈n abï kat. Kɔc kɔ̈k abïk kenïïm cɔ̈k roor, ku kɔc kɔ̈k abïk lɔ ë kur nïïm. Wuöt ëbɛ̈n abïk döŋ ke ke cïn yiic kɔc, ku acïn raan bï ke bɛ cieŋ.

Jeremia 49:5

Yɛn bï riɔ̈ɔ̈cdït yiɛ̈n week në aguuk kedhie. Ka wek bï kat wedhie. Ŋɛk abï wëike aa bääk, ku acïn raan bï remduön ë tɔŋ bɛ määt yiic.

Jeremia 6:9

Acïï Bɛ̈nydït de rɛm lɛ̈k ɛn an, “Yithriɛl abïï piɔ̈ɔ̈th kɔ̈u bei abïï lipëlip cï enap cïï ë mïthke tɛ̈t bei. Ka wek duëër kɔc luök të ŋoot ë kaam thiin akäŋ wei.”

Dhiëëu 4:18

Ku raan de ater aa woi wook, ka wok cïï duëër cath në kuɛɛr yiic. Nïnkuɔ acïk guɔ thök, ku jɔ thök bɛ̈n.

Dhiëëu 4:19

Acïk wook cuɔp piny, kɔc cop wook awärkï cor nu nhial në riŋ. Acïk wook cop ë kuur nïïm, ku jɔkï wook gïth ëthiäu ë jɔ̈ɔ̈ric.

Ɣodh 10:10

Go Bɛ̈nydït lueel an, “Kɔc ke Yithriɛl abä keek luöi këtuc në kööl cä tak. Abä keek tɔ dut ë juöör, ku peckï keek. Në baŋ de karɛckɛn juëc cïk looi.

Amoth 4:2

Bɛ̈nydït Awärjäŋ ë kuëëŋ në ɣɛɛr ë yicde, ku lueel an, “Akööl abïkï, akööl bïï ë week thɛ̈l bei, ka wek bï ciët rec nu në alɔbithɔɔ thook.

Amoth 5:19

Abï rac, ka abï ciët raan ë kɔt në köör, ku le piny rɔ̈m kekë köörayuääl. Ku cït raan ë lɔ ɣönde, na wën aa kɛn yeciin në päny, ke kɛc ë kërac.

Maika 7:2

Kɔc piɛth piɔ̈ɔ̈th acï ke thöl nyïïn paanda kedhie, acïn raan piɛth töŋ cï döŋ. Kɔc kedhie ayek buuth bïk kɔc nɔ̈k, ku ŋɛk ee mɛnhkënë yɔ̈ɔ̈p cï lɛ̈i.

Dhep 1:12

“Në aköölkë ee manyalath yen abä nööm ku kaar Jeruthalem yic. Ku luöi këtuc kɔc cï piɔ̈ɔ̈th kuɛth ee röt ŋɔ̈ɔ̈th, ee ye lueel an, ‘Acïn kë bïï ë Bɛ̈nydït luöi wook, nɔn yen këpiɛth ku nɔn ee kërac.’

1 Tham 24:11

Tïŋ ënɔɔnë wäär, tïŋ biäk de lupɔduön nu në yaciin! Yɛn cï biäk thiin akäŋ tëëm bei në lupɔdu thok, ku yïn kën nɔ̈k. Ënɔɔnë ŋic ëgɔk nɔn cïn en kërɛɛc kaar bä luöi yïn, ku nɔn cïn en tɔŋ kɔ̈ɔ̈r yïn. Acïn kërɛɛc cä luöi yïn, ku yïn yɔ̈p ɛn bä yɛn nɔ̈k, cakaa nɔn cïn en kë cä wäc yïn.

1 Tham 26:20

Du yɛn tɔ näk piny lei, të mec ke Bɛ̈nydït. Eeŋö duëër ë melik de Yithriɛl bɛ̈n bïï ya bɛ̈n nɔ̈k? Eeŋö duëër en yɛn jɔ yɔ̈ɔ̈p cï dit ë kur nïïm?”