Jeremia 16:10 - JAM DE NHIALIC 2011

¹⁰ “Të lee yïn keek lɔ lëk ee kakë kedhie, abïk yïn luɔp an eeŋö duöi Ɛn keek atuc aya. Abïk aa lop an ee kërɛɛc ŋö cuk looi, aa awäny ŋö cuk luöi Bɛ̈nydït Nhialicden.

Jeremia 16:10 ပူးပေါင်းရင်းမြစ်များ

Jeremia 11:17

“Yɛn Bɛ̈nydït de rɛm, Yɛn cï baai de Yithriɛl com kekë baai de Juda, ku ënɔɔnë acä lëk keek nɔn bän ke yiɛ̈n riääk. Acïk ee kënë bɛ̈ɛ̈i ë kegup ë biäk cï kek awäc looi, acïk Yɛn tɔ göth në baŋ cï kek Baal nyuöp wal ŋïr.”

Jeremia 13:22

Na lak aa lop an eeŋö tɔ ee kakë lui röt week, eeŋö ye lupɔɔkun rɛtiic ku eeŋö ye ë week wiëët, ee biäk de karɛckun rac aläl.

Jeremia 2:23

Eeŋö duɛ̈ɛ̈r yïn e lueel nɔn kën yïn rɔt dhiöök, an kënë Baal kɔn lam? Tïŋ awäny cï looi në wakic, tïŋ ka cï looi. Yïn cï cït thɔ̈rɔ̈l roor cï guöp tuöc, thɔ̈rɔ̈l ee cökke nyɔ̈ɔ̈kiic,

Jeremia 2:35

Ayak lueel an, ‘Wok cïn gup awɛ̈ɛ̈c, ee yic Bɛ̈nydït acïï be ŋoot ke göth ke wook.’ Ku yɛn Bɛ̈nydït wok bä luöi këtuc në biäk cä wek jai nɔn cïn en awäny cäk looi.

Jeremia 44:3

në biäk cïï ë kɔcken karɛc looi, ku acïk Yɛn tɔ göth. Ayek yiëth kɔ̈k nyuöp wal ŋïr, ku yek yiëth kɔ̈k luööi, yiëth kënkï ke kɔn luööi, ayï week, ayï kuarkun akënkï ke kɔn luööi.

Jeremia 5:19

Të lee kek lɔ lop an eeŋö luɔi Yɛn ee kakë kedhie, lɛ̈kë ë keek Jeremia, an cït man cï kek kenïïm wɛl wei tëde Yɛn ku luuikï yiëth kɔ̈k pinyden, yen abï kek kɔc kɔ̈k lɔ luööi piny cie pinyden.”

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Ɣodh 12:8

Aye kɔc ke Eparaim lueel an, “Wok kueth, wok cï dɛk kajuëc. Ku në kuɛth kueth wokë ëbɛ̈n, acïn raan lëu en bï wook gɔ̈k, ku cïn raan duëër en lueel nɔn cïï wok wäc.