Jeremia 15:6 - JAM DE NHIALIC 2011

⁶ Wek cï Ya rɛɛc, wek cï wekɔ̈ɔ̈th wɛ̈l Yɛn. Aguɔ a cin riɛny tueŋ ku dhiac we yiic, në biäk cän bäp në guöm de agönhdï.

Jeremia 15:6 ပူးပေါင်းရင်းမြစ်များ

Yith 1:4

Amawoou në week, jur ee karɛc looi, kɔc ɣɛ̈ɛ̈c awɛ̈ɛ̈c thiek! Mïth ke kɔc ee karɛc looi! Wek cï Bɛ̈nydït rɛɛc, Nhialic Ɣeric de Yithriɛl ku wɛ̈lkï wekɔ̈ɔ̈th En.

Yith 28:13

Yen kë bï Bɛ̈nydït we wɛ̈ɛ̈t ka kïït ë kïït cök, ku këërkëër ë këërkëër cök, ku wëët ë wëëtë cök. Ku yïn bï aa tuëk të tëëk në kueer bä a nööm yic ëbɛ̈n. Yïn bï yiëk gup buɔ̈t, ku dep week ku leer ë we në pɛ̈cic.

Yith 31:3

Kɔc ke Rip acïkï ee yiëth, ayek kɔc tei. Ku jöŋgöörken acïnkï riɛl bɔ̈ nhial. Të le Bɛ̈nydït lɔ lui, ke jur ril abï kuɛɛm, ku jur kɔ̈c ye kony abï wïïk. Keek kedhie abï keek riɔ̈ɔ̈k.

Jeremia 1:16

Yɛn bï kɔckï luöi këtuc në biäk cï kek awäc looi, acïk A nyääŋ piny, ku lek yiëth kɔ̈k gäm miɔ̈c de wal ŋïr, ku loikï yiëth ku lamkï keek.

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Jeremia 2:13

në biäk cïï kɔckï awɛ̈ɛ̈c kaarou looi: acïk röt yal wei tëde Yɛn, Yɛn awaŋ de pïïu piɛth, acïk awuul wec, awuul cï ɣaar cïï pïïu lëu në muk, abïk ciën pïïu ananden.

Jeremia 2:17

Yithriɛl, yïn cï ee kënë yiɛ̈në rɔt! Yïn cï ya nyääŋ piny, Yɛn Bɛ̈nydït Nhialicdu, ku ee Yɛn ë ciɛɛth yïn në pïïrdu yic ëbɛ̈n.

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 20:9

Ku të luɛɛl yɛn en an, “Yɛn bï nɔm määr ë Bɛ̈nydït, ku yɛn cïï bï bɛ jam ë rinke,” ke jamdu acït many dɛ̈p ë ya yic thïn. Acä them aläldïïtë në luöi bän ye muk, ku acïn luöi duëër yɛn en bɛ lëu në guöm.

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Jeremia 6:11

Agönhduön göth yïn we keek Bɛ̈nydït, ee dëp në ya yic ayadäŋ, ku acïn luöi duɛ̈ɛ̈r ɛn en bɛ muk.” Na wën, go ë Bɛ̈nydït lɛ̈k ɛn an, “Wälë agönhdï në mïth gup në kuɛɛriic ku në amɛɛt ke dhuök yiic. Ku moc ku tik abï keek jat wei, acakaa raandït cï dhiɔp arëët acïï bïï pɔ̈l.

Jeremia 6:12

Ɣöötken abï keek gäm kɔc kɔ̈k, ayï duumken ayï diëërken. Yɛn bï kɔc ke ee piny luöi këtuc.

Jeremia 6:19

Ku yïn piny piëŋë! Ku në biäk luöi Yɛn täŋdɛn rac këtuc ëbɛ̈n, Yɛn bï riääk bɛ̈ɛ̈i në ee kɔckë gup, në biäk cï kek wëëtdï rɛɛc ku kënkï wëlkï riëëu.

Jeremia 7:16

Go Bɛ̈nydït lueel an, “Du läŋ në biäk ee kɔckë Jeremia. Du dhiau, ku du läŋ në biäkden, du jam we Yɛn, në luöi cän këdu bï gam.

Jeremia 7:24

Ku keek akënkï ya riëëu ku kënkï kë luɛɛl gam, acïk ka ye nïïmken ku piɔ̈ɔ̈thkɛn rac tak looi, ka acïk jɔ rac aläl ku cïkkï be piath.

Jeremia 8:5

Eeŋö kɔckï, kë yal wek röt wei në Yalɔ̈ɔ̈m, ku cäkkï röt be pɔ̈k Ɛn? Wek cï nuɛt ë yiëthkun kɔ̈ɔ̈th, ku jaikï në baŋ bä wek röt pɔ̈k Ɛn.

Jeremia 8:9

Röörkuön pelnïïm acï keek tɔ yäär, acïk nïïm mum ku dɔm keek. Acïk jamdï rɛɛc, ee pɛlënɔm ŋö jɔ tɔ̈u ke keek ënɔɔnë?

Edhekiɛl 14:9

“Na cï tiët math, abïï lop bɛ̈ɛ̈r në tör, ee biäk cän yen math yɛn Bɛ̈nydït. Abä nyaai në kɔc ke Yithriɛl yiic.

Edhekiɛl 25:7

Në biäk de kë cäk looi, wek bä ke tääu në riɛl de juöör kɔ̈k cin, kɔc bï week rum ku yiɛkkï week. Wek bä riɔ̈ɔ̈k taitai, ka wek cïï bï bɛ aa jur, ku ciënkï piny de nɔmdun. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 35:3

lɛ̈kë kɔc kë luɛɛl Yɛn Bɛ̈nydït Awärjäŋ: Yɛn ee raan de aterdun wek kur ke Edom! Wek bä tɔ ee të cï pɔ̈l.

Ɣodh 11:7

Acïï ë kɔckï gam nɔn bïk kek a nyääŋ piny. Na cakaa nɔn ye kek Awärjäŋ cɔɔl rin, acïï keek bï kɔn jat nhial ë taiwei. Kënë atuc arëët, acä duëër lëu bä looi.

Ɣodh 13:14

Bä keek wɛ̈ɛ̈r bei paan ë thuɔɔu? Nu jɔɔkku ë nou yïn thuɔɔu? Luöi këtuc, nɔ̈k! Bɛ̈ɛ̈iyë Ku nu riääkdun ë nou wek rɛ̈ŋ? Yɛn cïï piɔ̈u bï bɛ kɔn kok wo keek.

Ɣodh 4:16

Kɔc ke Yithriɛl arilkï nïïm cït weŋ amiɔ̈l: ka acïï Bɛ̈nydït keek duëër nyuääth ëläŋ të lääu de nyuäth cït nyɔɔŋ amääl.

Dhep 1:4

“Yɛn bï agönhdï wɛ̈l nɔm kɔc cieŋ Jeruthalem, ku lɔ raan tɔ̈u ë Juda ëbɛ̈n. Yɛn bï yïk lik cï döŋ ke yanh cɔl Baal nyaai nyïïn taitai, ku nyaai gucken nyïïn ayï bäny ke kake Nhialic cï röt pɔ̈k në läm de yiëth yiic ke ke cïï bï bɛ piŋ rin.

Dhek 7:11

“Go kɔckï kenïïm thiöök, ku reeckï jamdï piŋ.