Jeremia 15:14 - JAM DE NHIALIC 2011

¹⁴ Abä keek tɔ luui kɔc ke aterden piny cïn kë ŋickï thïn, në biäk cït agönhdï mac, ku abï dɛ̈p aɣet athɛɛr.”

Jeremia 15:14 ပူးပေါင်းရင်းမြစ်များ

Diɛt 21:9

Abïï ke riɔ̈ɔ̈k cït man ë lɔ̈k de mac të cï en tïc. Abïï Bɛ̈nydït ke riɔ̈ɔ̈k në agönhde, ku abï mac ke cam.

Yith 42:25

Ago wook tɔ yök rac de agönhde ku gumku akuöörkuöör de tɔŋ. Go agönhde dëp cï mac në Yithriɛl yic ëbɛ̈n, ku wok kuc kë loi rɔt, acïn kë cïï wok wëët në ye yic taitai.

Jeremia 14:18

Të wën lan roor, guɔ gup ke kɔc cï nɔ̈k tɔŋ tïŋ, wën bä yɛn wutic, guɔ kɔc nɛ̈k cɔk tïŋ. Tït ku bäny ke kake Nhialic aloikï luɔiden, ku akuckï kë loikï.”

Jeremia 15:4

Yɛn bï kɔc ke piny nɔm ëbɛ̈n aa tɔ riɔ̈c ë keek, në biäk de kë cï Ɣedhekia wën de Manatha looi ë Jeruthalem wään yen melik.”

Jeremia 16:13

Ku ëtɛ̈ɛ̈n, wek bä cuɔp wei ee pinyë lɛɛr week piny kënkï kɔn tïŋ ku kën ë kuarkun kɔn tïŋ. Ku wek bï yiëth kɔ̈k jɔ aa luööi ëtɛ̈ɛ̈n aköl ku wakɔ̈u, ku acïn kokëpiɔ̈u bä nyuöth week.’”

Jeremia 17:4

Wek bï piny cä gäm week gam, ku wek bä tɔ luui kɔc ke aterdun piny cïn kë ŋiɛckï thïn, në biäk cït agönhdï mac, ku abï dɛ̈p aɣet athɛɛr.”

Jeremia 4:4

Mɔ̈kkï mändun në Yɛn Bɛ̈nydïtdun, ku gämkï röt Ɛn, wek kɔc ke Juda ku Jeruthalem. Na cäk ye lɔ looi ke agönhdï abï dëp cït mac në biäk de awɛ̈ɛ̈c cäk looi, abï dëp ku abï ciën raan liiu en.”

Jeremia 52:27

tɔ̈u piny de Ɣamath. Ku acï ë melik keek bɛ̈n tɔ dui ëtɛ̈ɛ̈n, ku tɔ keek näk. Ago kɔc ke Juda jɔ peec pinyden ku leer ë keek piny lei.

Amoth 5:27

të la Yɛn week tɔ pec, leerë week paan tɔ̈u në Damathko kɔ̈u ciëën.” Yen kë cïï Bɛ̈nydït lueel ka, ku rinke acɔl keek Nhialic Awärjäŋ.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.

Nyöŋ 28:36

“Bɛ̈nydït abï week lɛɛr piny lei në melikdun, jur kɛ̈n wek kɔn lɔ rëër thïn ayï kuarkun, ku wek bï yiëth cï looi në kur ku tiim aa lɔ luööi ëtɛ̈ɛ̈n.

Nyöŋ 28:64

“Bɛ̈nydït abï week thiäi piny në juööriic ëbɛ̈n, gɔl në piny thar biäkë leer ë biäkë, ku ëtɛ̈ɛ̈n we bï yiëth ë loi në tiim ku kur aa luööi, yiëth kɛ̈nkï keek kɔn lam ayï kuarkun.

Nyöŋ 29:23

Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.

Ɣeberuu 12:29

Ku Yen, Nhialinyda acït many ee käŋ thöl, tëde kɔc reec gäm