Jeremia 14:7 - JAM DE NHIALIC 2011

⁷ Kɔckï ayek Yɛn lɔ̈ŋ an, ‘Cakaa nɔn cï karɛckuɔ wo gaany, Bɛ̈nydït kony wook, cït man cïn gutguut lueel. Wok cï röt wɛl wei ë Yïlɔ̈ɔ̈m raan juëc, wok cï kërac wäc yïn.

Jeremia 14:7 ပူးပေါင်းရင်းမြစ်များ

Edhr 9:15

Yïn Bɛ̈nydït, Nhialic de Yithriɛl, Yïn adöt në kë cï lueel! Ku ënɔɔnë wokï, wok kɔc likkuön cï tɔ dɔ̈ŋ ke ke pïr, wok gam awɛ̈ɛ̈ckuɔ në Yïnɔm, wok cïn nïïm yic duëërë wo bɛ̈ɛ̈i në Yïlɔ̈ɔ̈m.”

Diɛt 115:1

Ee Yïn Yïtök, Yïn Bɛ̈nydït, ee Yïn tök, ku acie wook, bï gäm dhuëëŋ, në biäk de nhiëërduön agɔk kekë piɔ̈nduön adöt.

Diɛt 25:11

Pälë yɛn awänydï Bɛ̈nydït, në biäk de rinku, në biäk juëc kek.

Diɛt 79:9

Kony wook Nhialic, ku luäk wook, luäk ë wo bei në biäk de dhuëëŋ ë rinku, ku päl ë wo karɛckuɔ në biäk de rinku.

Yith 48:11

Kë ya looi, aa looi në biäk de guöpdï, yɛn cïï rinkï bï tɔ yäär, ku cä raan däŋ tɔ rɔm dhuëëŋ ke yɛn, abï dhil aa këdï yatök, ku ye këdï yatök.”

Yith 59:12

“Bɛ̈nydït awɛ̈ɛ̈ckuɔn cuk wäc yïn ajuëckï. Awɛ̈ɛ̈ckuɔ ayek wo gaany. Aŋicku keek apiɛth kedhie.

Jeremia 10:19

Kɔc ke Jeruthalem ayek dhiau an, “Amawoou, wok cï yiëk gup bɔ̈ɔ̈t arëët! Bɔ̈ɔ̈tkuɔ acïkï bï dem. Aa yok tak an ee kë buk guum!

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 3:25

Wok duëër tɔ̈c piny në ayäär, ku jɔ ayärda wo kuöm piny. Wook në kuarkuɔ wok cï awɛ̈ɛ̈c looi në ciɛɛŋ, luiku ke Bɛ̈nydït Nhialicda, wok kën kë ye lɛ̈k wook kɔn riëëu.”

Jeremia 3:6

Ɣɔn ye Jothia melik, go ë Bɛ̈nydït lɛ̈k ɛn an, “Cï kë cïï Yithriɛl looi tïŋ, kë cïï tiiŋ cïn piɔ̈u adöt looi? Acï rɔt yal wei tëde Yɛn, acïn të kën en tɔ̈c ke röör thïn, në ee kurkë nïïm nhial, ayï tiim tɔ̈c thäär acï yen tɔ̈c ke röör.

Jeremia 5:25

Ku kë loi rɔt, karɛckun acïk week pɛ̈n bɛ̈n bïï ee kapiɛthkë bɛ̈n tëde week.

Jeremia 5:6

Në biäk de ee kënë yen abïï köör roor keek nɔ̈k, abïï aŋuööth ke jɔ̈ɔ̈ric keek riɔ̈ɔ̈k, ku kuac abï aa cath ë pɛ̈ɛ̈nydïtken yiic. Të lee ee kɔckë lɔ biic, abïï keek rɛt yiic, në biäk juëc awɛ̈ɛ̈cken, ku ayek cool ke ke jäl ë Nhialic lɔ̈ɔ̈m.

Jeremia 8:14

Kɔc ke Nhialic ayek lop an, “Eeŋö rëër wok ë lik? Bäkkï kɔtku ku lokku ë pɛ̈ɛ̈nydït cï gël yiic, buk lɔ thou ëtɛ̈ɛ̈n. Bɛ̈nydït Nhialicda acï wook mäc thuɔɔu, acï wook gäm wurïï buk dek, në biäk cï wok En luöi kërac.

Jeremia 8:5

Eeŋö kɔckï, kë yal wek röt wei në Yalɔ̈ɔ̈m, ku cäkkï röt be pɔ̈k Ɛn? Wek cï nuɛt ë yiëthkun kɔ̈ɔ̈th, ku jaikï në baŋ bä wek röt pɔ̈k Ɛn.

Edhekiɛl 20:14

Ku akɛ̈n looi, në biäk bï ee kënë rinkï yiɛ̈n ayäär në juöör yiic, juöör cï yɛn tïŋ ke ya wɛ̈t Yithriɛl bei në Rip.

Edhekiɛl 20:22

Ku akɛ̈n looi, në biäk bï ee kënë rinkï yiɛ̈n ayäär në juöör yiic, juöör cï yɛn tïŋ ke ya bïï Yithriɛl bei në Rip.

Edhekiɛl 20:9

Ku akɛ̈n looi, në luɔi duëër ee kënë ayäär yiɛ̈n rinkï, në biäk cän en lɛ̈k kɔc ke Yithriɛl rɛ̈ɛ̈r në juöör ceŋ kek piny an, wek bä bɛ̈ɛ̈i bei piny de Rip.

Ɣodh 5:5

Lɛc ye Yithriɛl rɔ leec, ee ye nyuɔɔth ëgɔk. Kɔc ke Yithriɛl, ayï kɔc ke Eparaim acïï awɛ̈ɛ̈cken ke tɔ tuëk. Aɣɔ̈l cï kɔc ke Juda atuëkkï në keek ëtök.

Ɣodh 7:10

Lɛc ye Yithriɛl rɔ leec, ee ye nyuɔɔth ë gɔk. Ku në ee kakë yiic kedhie, akënkï kenïïm puɔ̈k Bɛ̈nydït Nhialicden, ku kënkï kɔɔr.

Amoth 7:2

Na wën ë nyuuthic, ke ya tïŋ kɔyɔm acï këriëëc tɔ̈c cam ëbɛ̈n në ee pinyë. Guɔ lɔ̈ŋ an, “Bɛ̈nydït Awärjäŋ, pälë kɔcku awänyden! Duëërkï pïïr adï? Keek akoorkï ku akɔ̈ckï?

Maika 7:9

Yɛn ë Bɛ̈nydït wööc piɔ̈u, ka yɛn bï yök ke ya gum agönhde ë määth. Na miäk, abï ya kony, ku nyooth yinydï. Abï ya bɛ̈ɛ̈i të ɣer, ka yɛn bï yinyde tïŋ.

Epethiei 1:12

Luɔi bï wok aa kɔc ee dhuëëŋde tɔ lec, wok kɔc cï Kërtho kɔn ŋɔ̈ɔ̈th.

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

Nyöŋ 32:27

Ku yɛn cïï kɔc ke aterden bï tɔ lec röt, an, cïk kɔckï tiaam, ku ee yɛn në guöpdï yɛn ë dhoŋ ke piny

Jocua 7:9

Abï kɔc ke Kanaan en jɔ piŋ, ku piŋ ë raan ëbɛ̈n, raan rɛ̈ɛ̈r ee pinyë, abïk wo gɛɛu piny ku näkkï wook wodhie! Ka bä dhuëëŋdu jɔ döt adï?”